എസ്​.എ.ടിയിൽ സംഭവിച്ചത്​ തകരാറുകളുടെ പരമ്പര; അന്വേഷണം പ്രഖ്യാപിച്ച്​ സർക്കാർ

തി​രു​വ​ന​ന്ത​പു​രം: എ​സ്.​എ.​ടി ആ​ശു​പ​ത്രി​യെ മ​ണി​ക്കൂ​റു​ക​ളോ​ളം ഇ​രു​ട്ടി​ലാ​ക്കി​യ​ത്​ ത​ക​രാ​റു​ക​ളു​​ടെ പ​ര​മ്പ​ര. ഒ​ന്നി​ന്​ പി​റ​കേ ഒ​ന്നാ​കെ സം​വി​ധാ​ന​ങ്ങ​ൾ ച​തി​ച്ച​​തോ​ടെ ക​ണ​ക്ക്​​കൂ​ട്ട​ലു​ക​ളെ​ല്ലാം പി​ഴ​ച്ചു. ഞാ​യ​റാ​ഴ്ച രാ​ത്രി ഏ​ഴു മ​ണി​യോ​ടെ​യു​ണ്ടാ​യ വൈ​ദ്യു​ത ത​ട​സ്സം 10 ഓ​ടെ താ​ൽകാ​ലി​ക​മാ​യി പ​രി​ഹ​രി​ച്ചെ​ങ്കി​ലും സം​വി​ധാ​ന​ങ്ങ​ൾ​ക്കു​ണ്ടാ​യ ത​ക​രാ​റ്​ പൂ​ർ​ണ​മാ​യും തീ​ർ​ത്ത​ത്​ തി​ങ്ക​ളാ​ഴ്ച മൂ​ന്ന​ര​യോ​ടെ​യാ​ണ്.

മു​ൻ​കൂ​ട്ടി നി​ശ്ച​യി​ച്ച അ​റ്റ​കു​റ്റ​പ്പ​ണി പൂ​ർ​ത്തി​യാ​യി സ​പ്ലൈ ന​ൽ​കി​യ​SAT Hospitalപ്പോ​ൾ എ​ച്ച്.​ടി പാ​ന​ലി​ലു​ണ്ടാ​യ ത​ക​രാ​റാ​ണ്​ ഒ​ന്നാ​മ​ത്തേ​ത്. ജ​ന​റേ​റ്റു​ക​ൾ വ​ഴി വൈ​ദ്യു​തി എ​ത്തി​ക്കു​ന്ന സം​വി​ധാ​നം പ​ണി​മു​ട​ക്കി​യ​താ​ണ്​​​ മ​റ്റൊ​ന്ന്. ബ​ദ​ൽ ക്ര​മീ​ക​ര​ണ​മെ​ന്ന നി​ല​യി​ൽ പു​റ​മേ നി​ന്ന്​ പ​ക​രം ജ​ന​റേ​റ്ററുക​ളെ​ത്തി​ക്കാ​നു​ള്ള ശ്ര​മം സ​മ​യ​ബ​ന്ധി​ത​മാ​യി ന​ട​ക്കാ​ത്ത​തും ഇ​രു​ട്ടടി​യാ​യി. ഇ​തോ​ടെ രോ​ഗി​ക​ളും കൂ​ട്ടി​രി​പ്പു​കാ​രും തീ​തി​ന്നു.

ഗു​ര​ത​രാ​വ​സ്ഥ​യി​ലു​ള്ള കു​ഞ്ഞു​ങ്ങ​ളെ പാ​ർ​പ്പി​ക്കു​ന്ന ഐ.​സി.​യു ആ​യ ഒ.​ബി.​എ​ൻ, ഗൈ​ന​ക്​ ഓ​പ​റേ​ഷ​ൻ തി​യേ​റ്റ​ർ, കു​ട്ടി​ക​ളു​ടെ കാ​ഷ്വാ​ലി​റ്റി, എ​താ​നും വാ​ർ​ഡു​ക​ൾ എ​ന്നി​വ ഉ​ൾ​ക്കൊ​ള്ളു​ന്ന ബ്ലോ​ക്കാ​ണ്​ ഇ​രു​ട്ടി​ലാ​യ​ത്. ​ടോ​ർ​ച്ചു​വെ​ട്ട​ത്തി​ൽ ചി​കി​ത്സി​ക്കേ​ണ്ട ഗ​തി​കേ​ട്. അ​തും കു​ഞ്ഞു​ജീ​വ​നു​ക​ൾ.

11 കെ.​വി​യു​ടെ ആ​റ്​ സ​ബ്​​സ്​​റ്റേ​ഷ​നു​ക​ളാ​ണ്​ മെ​ഡി​ക്ക​ൽ കോ​ള​ജ്​ കാ​മ്പ​സി​ലു​ള്ള​ത്. മൂ​ന്ന​ര കി​ലോ​മീ​റ്റ​റി​ൽ 11 ഫീ​ഡ​ർ ലൈ​നു​ക​ളും. ​ഇ​തൊ​ക്കെ​യാ​യി​ട്ടും ക​ണ​ക്കു​കൂ​ട്ട​ലു​ക​ൾ​ക്ക്​ അ​പ്പു​റ​മാ​യി കാ​ര്യ​ങ്ങ​ൾ. വൈ​ദ്യു​മു​ട​ക്ക​ത്തി​ൽ ആ​രോ​ഗ്യ​വ​കു​പ്പ്​ സ​മ​ഗ്രാ​ന്വേ​ഷ​ണം പ്ര​ഖ്യാ​പി​ച്ചി​ട്ടു​ണ്ട്.

ആ​സൂ​ത്ര​ണ​ത്തോ​ടെ​, എ​ങ്കി​ലും..

എ​സ്.​എ.​ടി​യി​​ലെ കെ.​എ​സ്.​ഇ.​ബി​യു​ടെ ​ലൈ​നി​ൽ നി​ന്ന്​ ട്രാ​ൻ​സ്​​ഫോ​മ​റി​ലേ​ക്ക്​ വൈ​ദ്യു​തി എ​ത്തി​ക്കു​ന്ന ഭാ​ഗ​ത്തെ ഉ​പ​ക​ര​ണ​ത്തി​ൽ സ്​​പാ​ർ​ക്ക്​ ശ്ര​ദ്ധ​യി​ൽ​പെ​ട്ട​തി​നെ​തു​ട​ർ​ന്നാ​ണ്​ ഇ​ത്​ മാ​റ്റി സ്ഥാ​പി​ക്കാ​നും അ​റ്റ​കു​റ്റ​പ്പ​ണി​ക​ൾ​ക്കു​മാ​യി കെ.​എ​സ്.​ഇ.​ബി നി​ർ​ദേ​ശി​ച്ച​ത്. വൈ​ദ്യു​തി വി​ത​ര​ണം നി​ർ​ത്തി​വെ​ച്ചേ അ​റ്റ​കു​റ്റ​പ്പ​ണി ചെ​യ്യാ​നാ​വൂ. അ​തു​കൊ​ണ്ട്​ ഒ.​പി​ക​ൾ പ്ര​വ​ർ​ത്തി​ക്കാ​ത്ത​തും ത​രാ​ത​മ്യേ​ന തി​ര​ക്ക്​ കു​റ​ഞ്ഞ​തു​മാ​യി ഞാ​യ​റാ​ഴ്ച ദി​വ​സം ഉ​ച്ച​ക്ക്​​ ശേ​ഷം തെ​ര​ഞ്ഞെ​ടു​ത്ത്. അ​നി​വാ​ര്യ​മ​ല്ലാ​ത്ത അ​ഡ്​​മി​ഷ​നു​ക​ൾ കു​റ​ച്ചു. അ​ത്യാ​ഹി​ത​വി​ഭാ​ഗ​ങ്ങ​ളി​ൽ ബ​ദ​ൽ സം​വി​ധാ​ന​ങ്ങ​ളു​മൊ​രു​ക്കി. ഉ​ച്ച​ക്ക്​​​ ര​ണ്ടി​ന്​ ആ​രം​ഭി​ക്കു​ന്ന ജോ​ലി​ക​ൾ അ​ഞ്ചോ​ടെ പൂ​ർ​ത്തി​യാ​ക്കാ​നാ​യി​രു​ന്നു തീ​രു​മാ​നം. എ​സ്.​എ.​ടി​ക്ക്​ സ്വ​ന്ത​മാ​യി 500 കെ.​വി​യു​ടെ​യും 320 കെ.​വി​യു​ടെ​യും ര​ണ്ട്​ ജ​ന​റേ​റ്റ​റു​ക​ളു​ണ്ട്.

അ​ടി​ന്ത​ര സാ​ഹ​ച​ര്യം ക​ണ​ക്കി​ലെ​ടു​ത്ത്​ അ​ധി​ക ജീ​വ​ന​ക്കാ​രെ​യും മ​തി​യാ​യ ഇ​ന്ധ​ന​വും ക​രു​തി​യി​രു​ന്നു. എ​ന്നാ​ൽ ഞാ​യ​റാ​ഴ്ച വൈ​കീ​ട്ട്​ കാ​ലാ​വ​സ്ഥ മോ​ശ​മാ​യി. ശം​ഖു​മു​ഖ​ത്ത്​ അ​ടി​ന്ത​ര​മാ​യി അ​റ്റ​കു​റ്റ​പ്പ​ണി​ക​ൾ പോ​കേ​ണ്ടി​യി​രു​ന്ന​തി​ൽ ജോ​ലി​ക​ൾ ആ​രം​ഭി​ക്കാ​ൻ അ​ൽ​പം വൈ​കി. എ​ങ്കി​ലും അ​ഞ്ചി​ന്​ അ​വ​സാ​നി​ക്കേ​ണ്ട ജോ​ലി​ക​ൾ 5.35 ന്​ ​ത​ന്നെ കെ.​എ​സ്.​ഇ.​ബി അ​ധി​കൃ​ത​ർ പൂ​ർ​ത്തി​യാ​ക്കി.

ഒ​ന്നി​നു പി​റ​കേ ഒ​ന്നാ​യി ത​ക​രാ​റു​ക​ൾ

ചാ​ർ​ജ് ചെ​യ്ത്​ പ​ത്ത്​ മി​നി​ട്ട്​ നി​രീ​ക്ഷി​ച്ച ശേ​ഷ​മാ​ണ്​ സാ​ധാ​ര​ണ ഇ​ത്ത​രം ജോ​ലി​ക​ൾ അ​വ​സാ​നി​പ്പി​ക്കു​ന്ന​ത്. ജോ​ലി​ക​ൾ തീ​ർ​ത്ത്​ സ​​​പ്ലൈ ന​ൽ​കി ഒ​രു മി​നി​ട്ട്​ ക​ഴി​ഞ്ഞ​തോ​​ടെ ട്രി​പ്പ്​​ ആ​യി വൈ​ദ്യു​തി നി​ല​ച്ചു. പ​രി​​ശോ​ധ​ന​യി​ൽ എ​ച്ച്.​ടി പാ​ന​ലി​നു​ള്ളി​ലെ എ​യ​ർ​​ബ്രേ​ക്ക്​ ക​ത്തി​യ​താ​യി ക​ണ്ടെ​ത്തി. ക​മ്പ​നി​യി​ൽ നി​ന്ന്​ ഉ​പ​ക​ര​ണ​മെ​ത്തി​ച്ചാ​ലേ പ്ര​ശ്നം പ​രി​ഹ​രി​ക്കാ​നാ​കൂ എ​ന്ന​തി​ന​ാൽ ബ​ദ​ൽ ക്ര​മീ​ക​ര​ണ​മെ​ന്ന നി​ല​യി​ൽ അ​ടി​യ​ന്ത​ര​മാ​യി ഒ​രു ജ​ന​റേ​റ്റ​ർ കൂ​ടി എ​ത്തി​ക്കാ​ൻ നീ​ക്ക​ങ്ങ​ളാ​രം​ഭി​ച്ചു.

മ​റ്റ്​ ര​ണ്ട് ജ​ന​റേ​റ്റ​റു​ക​ളും ഈ ​സ​മ​യം പ്ര​വ​ർ​ത്തി​ക്കു​ന്നു​ണ്ടാ​യി​രു​ന്നു. ഈ ​സ​മ​യ​ത്തെ​ല്ലാം എ​ല്ലാ ബ്ലോ​ക്കു​ക​ളി​ലും വൈ​ദ്യു​തി​യു​മെ​ത്തി​യി​രു​ന്നു. എ​ന്നാ​ൽ മൂ​ന്നാ​മ​തൊ​രു ജ​ന​റേ​റ്റ​റ്റി​നു​ള്ള ശ്ര​മം ന​ട​ക്കു​ന്ന​തി​നി​ടെ 6.15 ഓ​ടെ കു​ട്ടി​ക​ളു​ടെ കാ​ഷ്വാ​ലി​റ്റി​യും ഗൈ​ന​ക്​ ഓ​പ​റേ​ഷ​ൻ തി​യ​റ്റ​റു​മ​ട​ങ്ങു​ന്ന​ കെ​ട്ടി​ട​ത്തി​ലേ​ക്കു​ള്ള വൈ​ദ്യു​തി എ​ത്തി​ക്കു​ന്ന ജ​ന​റേ​റ്റ​ർ പ​ണി​മു​ട​ക്കി. കൂ​ടു​ത​ൽ നേ​രം ഓ​ടി​യ​ത്​ കൊ​ണ്ടാ​കാ​മെ​ന്ന്​ ക​രു​തി ഓ​ഫ്​ ചെ​യ്ത്​ ഓ​ൺ​ ചെ​യ്ത​തോ​ടെ വീ​ണ്ടും അ​ര​മ​ണി​ക്കൂ​റോ​ളം വൈ​ദ്യു​തി എ​ത്തി. പി​ന്നാ​ലെ വീ​ണ്ടും നി​ല​ച്ചു.

പ​രി​ശോ​ധ​ന​യി​ൽ കെ.​എ​സ്.​ഇ.​ബി ലൈ​നും ജ​ന​റേ​റ്റ​ർ സ​പ്ലൈ​യും ത​മ്മി​ൽ ക്ര​മീ​ക​രി​ക്കു​ന്ന ഉ​പ​ക​ര​ണം ത​ക​രാ​റി​ലാ​യെ​ന്ന്​ ക​ണ്ടെ​ത്തു​ക​യാ​യി​രു​ന്നു. ഇ​തോ​ടെ​യാ​ണ്​ കു​ട്ടി​ക​ളു​ടെ കാ​ഷ്വാ​ലി​റ്റി ബി​ൾ​ഡി​ങ്ങി​ൽ പൂ​ർ​ണ​മാ​യും വൈ​ദ്യു​തി നി​ല​ച്ച​ത്. ഇ​തോ​ടെ പ്ര​തി​ഷേ​ധം ക​ന​ത്തു. ജീ​വ​ന​ക്കാ​രും സം​വി​ധാ​ന​ങ്ങ​ളും അ​ങ്ക​ലാ​പ്പി​ലു​മാ​യി.

സ​മ​യ​ത്ത്​ ജ​ന​റേ​റ്റ​റും എ​ത്തി​യി​ല്ല

ബ​ദ​ൽ ജ​ന​റേ​റ്റ​ർ എ​ത്തി​ക്കു​ന്ന​തി​നു​ള്ള ശ്ര​മ​ങ്ങ​ൾ അ​ന്നേ​ര​വും തു​ട​രു​ന്നു​ണ്ടാ​യി​രു​ന്നു. പി.​ഡ​ബ്ല്യൂ.​ഡി കോ​ൺ​ട്രാ​ക്ട​ർ​മാ​രാ​ണ്​ ജ​ന​​റേ​റ്റ​ർ എ​ത്തി​ക്കു​ന്ന​ത്. ത​ല​സ്ഥാ​ന​ത്തു​ണ്ടാ​യി​രു​ന്ന ജ​ന​റേ​റ്റ​റു​ക​ളെ​ല്ലാം പു​ന്ന​മ​ട​യി​ൽ വ​ള്ളം​ക​ളി​ക്കാ​യും ക​ലൂ​ർ സ്​​​റ്റേ​ഡി​യ​ത്തി​ലെ ഫു​ട്​​ബോ​ൾ മ​ത്​​സ​രി​ത്തി​നാ​യും കൊ​ണ്ടു​പോ​യ​തും വി​ന​യാ​യി.

നാ​ല​ഞ്ചി​റ​യി​ൽ മ​റ്റൊ​രാ​വ​ശ്യ​ത്തി​ന്​ എ​ത്തി​ച്ച ജ​ന​റേ​റ്റ​ർ ക​ണ്ടെ​ത്തി​യെ​ങ്കി​ലും എ​ത്തി​ക്കാ​ൻ ജീ​വ​ന​ക്കാ​രി​ല്ലാ​ത്ത​തും വെ​ല്ലു​വി​ളി​യാ​യി. ഡ്രൈ​വ​റെ എ​ത്തി​ച്ച്​ ജ​ന​റേ​റ്റ​ർ എ​സ്.​എ.​ടി​യി​ൽ എ​ത്തി​ച്ച​​പ്പോ​ഴേ​ക്കും 9.30 ക​ഴി​ഞ്ഞു. ഇ​​തോ​ടെ കാ​ര്യ​ങ്ങ​ൾ കൈ​വി​ട്ടു. രോ​ഗി​ക​ൾ ഇ​രു​ട്ടി​ലാ​യി പ്ര​തി​ഷേ​ധം പാ​ര​മ്യ​ത​യി​ലും. പ​ത്ത്​ മ​ണി​യോ​ടെ ഈ ​ജ​ന​റേ​റ്റ​ർ പ്ര​വ​ർ​ത്തി​ച്ച​തോ​ടെ​യാ​ണ്​ താ​ൽകാ​ലി​ക​മാ​യി വെ​ളി​ച്ച​മെ​ത്തി​യ​ത്.

എ​ച്ച്.​ടി പാ​ന​ലി​ലെ എ​യ​ർ ബ്രേ​ക്ക്​ മാ​റ്റി സ്ഥാ​പി​ച്ച​പ്പോ​ഴേ​ക്കും തി​ങ്ക​ളാ​ഴ്ച രാ​വി​ലെ ആ​റ്​ മ​ണി​യാ​യി. ജ​ന​റേ​റ്റ​റും വൈ​ദ്യു​തി ലൈ​നും ത​മ്മി​ൽ ക്ര​മീ​ക​രി​ക്കു​ന്ന സം​വി​ധാ​ന​ത്തി​ന്‍റെ ത​ക​രാ​റ്​ അ​പ്പോ​ഴും പ​രി​ഹ​രി​ച്ചി​രു​ന്നി​ല്ല. ലൈ​ൻ ഓ​ഫ്​ ചെ​യ്ത്​ മാ​​ത്ര​മേ ഇ​ത്​ പൂ​ർ​ത്തി​യാ​ക്കാ​നാ​കൂ. അ​ടി​യ​ന്ത​ര ശ​സ്ത്ര​ക്രി​യ​ക​ളും ഒ.​പി​ക​ളു​മ​ട​ക്കം പ്ര​വ​ർ​ത്തി​ക്കു​ന്ന തി​ര​ക്കു​ള്ള തി​ങ്ക​ളാ​ഴ്ച​യാ​യ​തി​ൽ ഇ​തി​ന്​ ത​ട​സ്സ​ങ്ങ​ളു​ണ്ടാ​യി. ശ​സ്ത്ര​ക്രി​യ​ക​ളെ​ല്ലാം ക​ഴി​ഞ്ഞെ​ന്ന്​ ഉ​റ​പ്പു​വ​രു​ത്തി ഉ​ച്ച​ക്ക്​​ മൂ​ന്നോ​ടെ​യാ​ണ്​ ജോ​ലി​ക​ൾ തു​ട​ങ്ങി​യ​ത്. അ​ര​മ​ണി​ക്കൂ​റി​നു​ള്ളി​ൽ ഉ​പ​ക​ര​ണം മാ​റ്റി സ്ഥാ​പി​ച്ചു. പ​ല​വ​ട്ടം ലൈ​നു​ക​ൾ മാ​റ്റി ന​ൽ​കി ത​ക​രാ​റി​ല്ലെ​ന്ന്​ ഉ​റ​പ്പു​വ​രു​ത്തി​ലാ​ണ്​ ജോ​ലി​ക​ൾ അ​വാ​സാ​നി​പ്പി​ച്ച​ത്.