മെഡിക്കല്‍ കോളജ് കേന്ദ്രീകരിച്ച് കവർച്ച; നാലംഗ സംഘം പിടിയില്‍

മെ​ഡി​ക്ക​ല്‍ കോ​ള​ജ്: തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് കേ​ന്ദ്രീ​ക​രി​ച്ച് ക​വ​ര്‍ച്ച ന​ട​ത്തു​ന്ന നാ​ലം​ഗ സം​ഘ​ത്തെ മെ​ഡി​ക്ക​ല്‍ കോ​ള​ജ് പൊ​ലീ​സ് അ​റ​സ്റ്റ് ചെ​യ്തു. തി​രു​പു​റം വി​ല്ലേ​ജി​ല്‍ അ​രു​മാ​നൂ​ര്‍ ക​ഞ്ചാം​പ​ഴ​ഞ്ഞി വെ​ള്ള​യം​ക​ട​വ് വീ​ട്ടി​ല്‍ പ്ര​ദീ​പ് (38), വാ​മ​ന​പു​രം കു​റി​ഞ്ചി​ല​ക്കാ​ട് അ​ന​സ് മ​ന്‍സി​ലി​ല്‍ അ​ന​സ് (38), ചെ​റു​വ​യ്ക്ക​ല്‍ മ​ഞ്ചാ​ടി കു​ന്നി​ല്‍ വീ​ട്ടി​ല്‍ ര​വി​കു​മാ​ര്‍ (57) , ആ​റ്റി​പ്ര വി​ല്ലേ​ജി​ല്‍ കു​ള​ത്തൂ​ര്‍ മ​ണ്‍വി​ള ഗാ​ന്ധി ന​ഗ​റി​ല്‍ സു​ബാ​ഷ് (38) എ​ന്നി​വ​രെ​യാ​ണ് മെ​ഡി​ക്ക​ല്‍ കോ​ള​ജ് എ​സ്.​എ​ച്ച്.​ഒ പി. ​ഹ​രി​ലാ​ലി​ന്റെ നേ​തൃ​ത്വ​ത്തി​ലു​ള​ള പൊ​ലീ​സ് സം​ഘം അ​റ​സ്റ്റ് ചെ​യ്ത​ത്.

ക​ഴി​ഞ്ഞ​ദി​വ​സം എ​സ്.​എ.​ടി​ക്ക്​ സ​മീ​പം ക്യാ​ന്റീ​ന്‍ ന​ട​ത്തി​യി​രു​ന്ന പ​ട്ടം പു​തു​പ്പ​ള്ളി ലെ​യി​ന്‍ പി.​ആ​ര്‍.​എ-20​ല്‍ താ​മ​സി​ക്കു​ന്ന മോ​ഹ​ന​കു​മാ​ർ (65) ന​ല്‍കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് പ്ര​തി​ക​ളെ പൊ​ലീ​സ് അ​റ​സ്റ്റ് ചെ​യ്ത​ത്. ഇ​ദ്ദേ​ഹം ഭ​ക്ഷ​ണ​ശാ​ല​യി​ലെ ഉ​പ​യോ​ഗ​ത്തി​നു​ശേ​ഷം ആ​ര്‍.​സി.​സി​ക്ക്​ സ​മീ​പ​ത്തെ ഒ​രു വീ​ട്ടി​ല്‍ സൂ​ക്ഷി​ച്ചി​രു​ന്ന ആ​റ് ഗ്യാ​സ് സി​ലി​ണ്ട​റു​ക​ളും നി​ര​വ​ധി പാ​ത്ര​ങ്ങ​ളും ക​വ​ര്‍ന്നെ​ടു​ത്ത സം​ഭ​വ​ത്തി​ലാ​ണ് പ്ര​തി​ക​ള്‍ പി​ടി​യി​ലാ​യ​ത്. ക​വ​ര്‍ന്നെ​ടു​ത്ത സാ​ധ​ന​ങ്ങ​ള്‍ ആ​ക്രി​ക​ട​ക​ളി​ല്‍ മോ​ഷ്ടാ​ക്ക​ള്‍ വി​ല്‍ക്കു​ക​യാ​യി​രു​ന്നു.

ഇ​തി​ല്‍ മൂ​ന്ന് ഗ്യാ​സ് സി​ലി​ണ്ട​റു​ക​ളും ഏ​താ​നും പാ​ത്ര​ങ്ങ​ളും പൊ​ലീ​സ് ക​ണ്ടെ​ടു​ത്തു. പ്ര​തി​ക​ള്‍ മ​റ്റ് നി​ര​വ​ധി കേ​സു​ക​ളി​ല്‍ ഉ​ള്‍പ്പെ​ട്ടി​ട്ടു​ള്ള​താ​യി പൊ​ലീ​സ് പ​റ​ഞ്ഞു. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ റി​മാ​ന്‍ഡ് ചെ​യ്തു.