ആക്രമണങ്ങള്‍, മോഷണം: സമാധാനം നഷ്ടപ്പെട്ട് കാട്ടാക്കട നിവാസികള്‍

കാ​ട്ടാ​ക്ക​ട: താ​ലൂ​ക്ക് പ്ര​ദേ​ശ​ത്ത് ക്ര​മ​സ​മാ​ധാ​ന നി​ല ത​ക​രു​ന്നു. സം​ഘ​ര്‍ഷ​ങ്ങ​ളും ല​ഹ​രി മാ​ഫി​യ സം​ഘ​ങ്ങ​ളു​ടെ ആ​ക്ര​മ​ണ​ങ്ങ​ളും മോ​ഷ​ണ​ങ്ങ​ളും ജ​ന​ജീ​വി​തം ദു​സ്സ​ഹ​മാ​ക്കു​ന്നു. ഒ​രു​വ​ര്‍ഷ​ത്തി​നി​ടെ കാ​ട്ടാ​ക്ക​ട, മാ​റ​ന​ല്ലൂ​ര്‍ പൊ​ലീ​സ് സ്റ്റേ​ഷ​ന്‍ പ​രി​ധി​യി​ല്‍ കോ​ടി​ക​ളു​ടെ സ്വ​ർ​ണ​വും പ​ണ​വു​മാ​ണ് മോ​ഷ്ടാ​ക്ക​ൾ അ​പ​ഹ​രി​ച്ച​ത്. വ്യാ​ഴാ​ഴ്ച രാ​ത്രി കി​ള്ളി നെ​യ്യാ​ര്‍ മെ​ഡി​സി​റ്റി ആ​ശു​പ​ത്രി​ക്ക് മു​ന്നി​ൽ ഒ​രു സം​ഘം ന​ടു​റോ​ഡി​ല്‍ യു​വാ​വി​നെ കു​ത്തി​ക്കൊ​ല​പ്പെ​ടു​ത്തി. കാ​ട്ടാ​ക്ക​ട, നെ​യ്യാ​ര്‍ഡാം, മാ​റ​ന​ല്ലൂ​ര്‍ പൊ​ലീ​സ് സ്റ്റേ​ഷ​ന്‍ അ​തി​ര്‍ത്തി​യി​ല്‍ ല​ഹ​രി​സം​ഘ​ങ്ങ​ളു​ടെ അ​ക്ര​മ​ങ്ങ​ള്‍ പ​തി​വാ​യി. ജീ​വ​ന്‍ ന​ഷ്ട​പ്പെ​ടു​മ്പോ​ള്‍ മാ​ത്ര​മാ​ണ് ഇ​തൊ​ക്കെ പു​റ​ത്ത​റി​യു​ന്ന​ത്.

ല​ഹ​രി, മ​ണ്ണ് മാ​ഫി​യ​ക​ള്‍ പി​ടി​മു​റു​ക്കി​യ​തോ​ടെ​യാ​ണ് പൊ​ലീ​സ് നി​ഷ്ക്രി​യ​മാ​യി. മാ​റ​ന​ല്ലൂ​രി​ൽ ക്ര​മ​സ​മാ​ധാ​ന​നി​ല ത​ക​ർ​ന്നി​ട്ട് നാ​ളേ​റെ​യാ​യി. ല​ഹ​രി​ക്ക് അ​ടി​മ​ക​ളാ​യ യു​വാ​ക്ക​ളു​ടെ അ​ഴി​ഞ്ഞാ​ട്ട​വും അ​സ​ഭ്യ​വ​ര്‍ഷ​വും നാ​ട്ടു​കാ​ര്‍ക്ക് ത​ല​വേ​ദ​ന​യാ​യി. ല​ഹ​രി സം​ഘ​ത്തി​നെ​ക്കു​റി​ച്ച് പ​രാ​തി​പ്പെ​ട്ടാ​ല്‍ പൊ​ലീ​സി​ൽ​നി​ന്ന് പ​ല​പ്പോ​ഴും പ്ര​തി​ക​ര​ണ​മു​ണ്ടാ​കാ​റി​ല്ല.ഗ്രാ​മീ​ണ മേ​ഖ​ല​യി​ല്‍ ല​ഹ​രി വി​ൽ​പ​ന​യും ഉ​പ​യോ​ഗ​വും വ​ർ​ധി​ച്ചെ​ന്ന നാ​ട്ടു​കാ​രു​ടെ പ​രാ​തി​ക​ള്‍ ശ​രി​വെ​ക്കു​ന്ന ത​ര​ത്തി​ലേ​ക്കാ​ണ് കി​ള്ളി​യി​ലെ കൊ​ല​പാ​ത​കം വി​ര​ൽ​ചൂ​ണ്ടു​ന്ന​ത്. പൊ​ലീ​സി​ന്‍റെ ശ്ര​ദ്ധ കാ​ര്യ​മാ​യി പ​തി​യാ​ത്ത പ്ര​ദേ​ശ​ങ്ങ​ളാ​ണ് ഇ​പ്പോ​ള്‍ ക​ഞ്ചാ​വ് മാ​ഫി​യ​ക​ളു​ടെ താ​വ​ളം. കാ​ട്ടാ​ക്ക​ട, കി​ള്ളി, പ​ന്നി​യോ​ട്, ക​ള്ളി​യ​ല്‍ പ്ലാ​ന്‍റേ​ഷ​ന്‍ -കോ​ട്ടൂ​ര്‍ നെ​ല്ലി​ക്കു​ന്ന് പ്ര​ദേ​ശം എ​ന്നി​വി​ട​ങ്ങ​ള്‍ ല​ഹ​രി​മാ​ഫി​യ​ക​ളു​ടെ വി​ഹാ​ര​കേ​ന്ദ്ര​മാ​ണ്.

ഇ​വി​ടെ പ​ല​ത​വ​ണ ല​ഹ​രി മാ​ഫി​യ​യു​ടെ ആ​ക്ര​മ​ണ​ത്തി​ന് പൊ​ലീ​സും ഇ​ര​യാ​യി. വാ​ഹ​ന​ങ്ങ​ളി​ൽ അ​മി​ത വേ​ഗ​ത​യി​ല്‍ ഗ്രാ​മ​ങ്ങ​ളി​ലൂ​ടെ ചീ​റി​പാ​യി​ക്കു​ന്ന സം​ഘം വ​ഴി​യാ​ത്ര​ക്കാ​ര്‍ക്കും നാ​ട്ടു​കാ​ര്‍ക്കു​മു​ണ്ടാ​ക്കു​ന്ന ദു​രി​തം ഏ​റെ​യാ​ണ്. യു​വാ​ക്ക​ളെ മു​ന്‍നി​ര്‍ത്തി​യാ​ണ് ല​ഹ​രി ക​ച്ച​വ​ടം. രാ​ത്രി കാ​റു​ക​ളി​ലും ബൈ​ക്കു​ക​ളി​ലും എ​ത്തു​ന്ന സം​ഘ​മാ​ണ് പ്ര​ദേ​ശ​ത്ത് ക​ഞ്ചാ​വും മ​റ്റ് ല​ഹ​രി വ​സ്തു​ക്ക​ളും കൈ​മാ​റു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു. കോ​ട്ടൂ​ര്‍ നെ​ല്ലി​ക്കു​ന്ന് പ്ര​ദേ​ശം വ​നാ​തി​ര്‍ത്തി​യോ​ട് ചേ​ര്‍ന്ന പ്ര​ദേ​ശ​മാ​യ​തി​നാ​ല്‍ ഇ​വി​ടെ ല​ഹ​രി​വ​സ്തു​ക്ക​ള്‍ സം​ഭ​രി​ക്കു​ന്ന​തി​നും വി​ത​ര​ണ​ത്തി​നും ഉ​പ​യോ​ഗി​ക്കാ​നും അ​നു​യോ​ജ്യ​മാ​യ ഇ​ട​മാ​ണ്കെ. ​എ​സ്.​ആ​ര്‍.​ടി​സി കാ​ട്ടാ​ക്ക​ട വാ​ണി​ജ്യ സ​മു​ച്ച​യ​ത്തി​ലെ ഇ​ട​നാ​ഴി​ക​ളു​ള്‍പ്പെ​ടെ ല​ഹ​രി​കേ​ന്ദ്ര​ങ്ങ​ളാ​യി. സ്റ്റേ​ഷ​നോ​ട് ചേ​ര്‍ന്ന പ്ര​ദേ​ശ​ത്തെ ല​ഹ​രി വി​ൽ​പ​ന ത​ട​യാ​ൻ​പോ​ലും പൊ​ലീ​സ് ശ്ര​മി​ക്കു​ന്നി​ല്ലെ​ന്ന് ആ​ക്ഷേ​പ​മു​ണ്ട്.