തമ്പാനൂരിൽ റെയിൽവേ മതിൽ ഇടിഞ്ഞുവീണ് കെ.​എ​സ്.​ആ​ർ.​ടി.​സി സ്റ്റേ​ഷ​ൻ മാ​സ്റ്റ​റു​ടെ മു​റി ത​ക​ർ​ന്നു

തി​രു​വ​ന​ന്ത​പു​രം: ത​മ്പാ​നൂ​രി​ൽ റെ​യി​ൽ​വേ​യു​ടെ കൂ​റ്റ​ൻ മ​തി​ലി​ടി​ഞ്ഞുവീ​ണ് കെ.​എ​സ്.​ആ​ർ.​ടി.​സി സ്റ്റേ​ഷ​ൻ മാ​സ്റ്റ​റു​ടെ മു​റി​യും ബ​സ് കാ​ത്തി​രി​പ്പ് കേ​ന്ദ്ര​വും ത​ക​ർ​ന്നു. ജീ​വ​ന​ക്കാ​രും യാ​ത്ര​ക്കാ​രും ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്.

വെ​ള്ളി​യാ​ഴ്ച വൈ​കീ​ട്ട് 5.10 ഓ​ടെ​യാ​ണ് ആ​ർ.​എം.​എ​സി​ന് സ​മീ​പ​ത്തെ കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ലെ സ്‌​റ്റേ​ഷ​ൻ മാ​സ്റ്റ​റു​ടെ മു​റി​യി​ലേ​ക്കും ബ​സ് കാ​ത്തി​രി​പ്പ് കേ​ന്ദ്ര​ത്തി​ലേ​ക്കും മ​തി​ൽ ഇ​ടി​ഞ്ഞ് വീ​ണ​ത്.

മ​തിൽ ബ​സ് കാ​ത്തി​രി​പ്പ് കേ​ന്ദ്ര​ത്തി​ലേ​ക്ക് പ​തി​ച്ചെ​ങ്കി​ലും യാ​ത്ര​ക്കാ​ർ ഓ​ടി മാ​റു​ക​യാ​യി​രു​ന്നു. ക​ല്ലു​ക​ൾ വീ​ണ് ജീ​വ​ന​ക്കാ​രി​ൽ ഒ​രാ​ളു​ടെ ബൈ​ക്കും വ​ഴി​യാ​ത്ര​ക്കാ​ര​ന്‍റെ സൈ​ക്കി​ളും ത​ക​ർ​ന്നി​ട്ടു​ണ്ട്.

റെ​യി​ൽ​വേ​യു​ടെ ഭാ​ഗ​മാ​യു​ള്ള മ​തി​ൽ ഏ​ത് നി​മി​ഷ​വും ഇ​ടി​ഞ്ഞു​വീ​ണേ​ക്കാ​മെ​ന്ന് ചൂ​ണ്ടി​ക്കാ​ട്ടി കെ.​എ​സ്.​ആ​ർ.​ടി.​സി പ​ല​ത​വ​ണ അ​ധി​കൃ​ത​ർ​ക്ക് ക​ത്ത് ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ലെ​ന്ന് ജീ​വ​ന​ക്കാ​ർ ആ​രോ​പി​ക്കു​ന്നു. പ​രാ​തി​യു​ടെ അ​ടി​സ്ഥാ​ന​ത്തി​ൽ റെ​യി​ൽ​വേ ഉ​ന്ന​ത​ല ഉ​ദ്യോ​ഗ​സ്ഥ​ർ ര​ണ്ടു​വ​ർ​ഷം മു​മ്പ് സ്ഥ​ലം സ​ന്ദ​ർ​ശി​ക്കു​ക​യും മ​തി​ൽ പൊ​ളി​ച്ചു​പ​ണി​യാ​മെ​ന്ന് കെ.​എ​സ്.​ആ​ർ.​ടി.​സി​ക്ക് ഉ​റ​പ്പ് ന​ൽ​കി​യെ​ങ്കി​ലും തു​ട​ർ​ന​ട​പ​ടി​യു​ണ്ടാ​യി​ല്ല.

കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ലെ സ്‌​റ്റേ​ഷ​ൻ മാ​സ്റ്റ​റു​ടെ മു​റി​. ഇതിന് പിന്നിൽ മതിൽ ഇടിഞ്ഞുവീണ ഭാഗവും കാണാം

വെ​ള്ളി​യാ​ഴ്ച സ്റ്റേ​ഷ​ൻ മാ​സ്റ്റ​റു​ടെ മു​റി​യി​ൽ നാ​ല് ജീ​വ​ന​ക്കാ​ർ ജോ​ലി നോ​ക്കു​ന്ന​തി​നി​ട​യി​ലാ​ണ് ഇ​വ​രു​ടെ പി​ന്നി​ലൂ​ടെ മ​തി​ൽ ഇ​ടി​ഞ്ഞു വീ​ണ​ത്. മാ​സ​ങ്ങ​ൾ​ക്ക് മു​മ്പ് ശു​ചീ​ക​ര​ണ തൊ​ഴി​ലാ​ളി ജോ​യി​യു​ടെ മ​ര​ണം സം​ഭ​വി​ച്ച ആ​മ​യി​ഴ​ഞ്ചാ​ൽ തോ​ടി​ന് സ​മീ​പ​ത്താ​ണ് മ​തി​ൽ. ജോ​യി​യു​ടെ മ​ര​ണ​ശേ​ഷ​വും മാ​ലി​ന്യം നീ​ക്കം ചെ​യ്യു​ന്ന​തി​ൽ റെ​യി​ൽ​വേ അ​നാ​സ്ഥ തു​ട​രു​ക​യാ​ണ്. സ്ഥ​ല​ത്ത് വീ​ണ്ടും മാ​ലി​ന്യം കു​മി​ഞ്ഞു​കൂ​ടി.

കാ​ല​പ്പ​ഴ​ക്ക​ത്തി​ന് പു​റ​മേ വ​ലി​യ തോ​തി​ൽ മ​തി​ലി​നോ​ട് ചേ​ർ​ന്ന് മാ​ലി​ന്യം കു​ന്നു​കൂ​ടി​യ​തു​മാ​ണ് ഇ​ടി​യാ​നു​ള്ള കാ​ര​ണ​ങ്ങ​ളി​ലൊ​ന്ന്. റെ​യി​ൽ​വേ കോ​മ്പൗ​ണ്ടി​ലു​ള്ള മ​ര​ത്തി​ന്‍റെ വേ​ര് മ​തി​ലി​ലേ​ക്ക് ആ​ഴ്ന്നി​റ​ങ്ങി​യ​തും പ്ര​ശ്‌​നം ഗു​രു​ത​ര​മാ​ക്കി​യ​താ​യും ജീ​വ​ന​ക്കാ​ർ പ​റ​യു​ന്നു.