മോഷണ ബൈക്കുകൾ കണ്ടെത്താൻ പൊലീസ് നീക്കം തുടങ്ങി

മെ​ഡി​ക്ക​ൽ കോ​ള​ജ്: തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ്, എ​സ്.​എ.​ടി പ​രി​സ​രം എ​ന്നി​വി​ട​ങ്ങ​ളി​ൽ​നി​ന്ന് ബൈ​ക്കു​ക​ളും സ്കൂ​ട്ട​റു​ക​ളും മോ​ഷ​ണം പോ​കു​ന്ന​ത് പ​തി​വാ​യ​തോ​ടെ ഇ​വ ക​ണ്ടെ​ത്താ​നു​ള്ള അ​ന്വേ​ഷ​ണം പൊ​ലീ​സ് ഊ​ർ​ജി​ത​മാ​ക്കി. ര​ണ്ടു​മാ​സ​ത്തി​നി​ടെ നി​ര​വ​ധി ബൈ​ക്കു​ക​ളും സ്കൂ​ട്ട​റു​ക​ളും ആ​ണ് പാ​ർ​ക്കി​ങ്​ ഏ​രി​യ​യി​ൽ​നി​ന്ന് മോ​ഷ​ണം പോ​യ​ത്. ഇ​തി​ൽ പ​രാ​തി ല​ഭി​ക്കാ​ത്ത കേ​സു​ക​ളു​മു​ണ്ട്. യ​മ​ഹ എ​ഫ്.​ഇ​സ​ഡ്, ഹീ​റോ സ്‌​പ്ലെ​ൻ​ഡ​ർ, ബ​ജാ​ജ് പ​ൾ​സ​ർ ബൈ​ക്കു​ക​ളും ഹോ​ണ്ട ആ​ക്ടി​വ, ടി.​വി.​എ​സ് എ​ൻ- ടോ​ർ​ക്ക് തു​ട​ങ്ങി​യ സ്കൂ​ട്ട​റു​ക​ളും ആ​ണ് കൂ​ടു​ത​ലാ​യി മോ​ഷ​ണം പോ​കു​ന്ന​ത്.

മേ​യ് മാ​സ​ത്തി​ൽ മോ​ഷ​ണം പോ​യ എ​ൻ- ടോ​ർ​ക്ക് സ്കൂ​ട്ട​ർ വ​ലി​യ​തു​റ ഭാ​ഗ​ത്തു​നി​ന്ന് തി​ങ്ക​ളാ​ഴ്ച മെ​ഡി​ക്ക​ൽ കോ​ള​ജ് പൊ​ലീ​സ് ക​ണ്ടെ​ത്തി. അ​തേ​സ​മ​യം, പ്ര​തി​യെ പി​ടി​കൂ​ടാ​നാ​യി​ട്ടി​ല്ല. സു​ര​ക്ഷ ഉ​ദ്യോ​ഗ​സ്ഥ​രു​ടെ വീ​ഴ്ച​യും എ​ല്ലാ ഭാ​ഗ​ത്തും കാ​മ​റ​ക​ൾ സ്ഥാ​പി​ക്കാ​ത്ത​തു​മാ​ണ് മോ​ഷ്ടാ​ക്ക​ൾ​ക്ക് അ​നു​ഗ്ര​ഹ​മാ​കു​ന്ന​ത്.

നൂ​റു​ക​ണ​ക്കി​ന് വാ​ഹ​ന​ങ്ങ​ൾ ഒ​രേ സ്ഥ​ല​ത്ത് പാ​ർ​ക്ക് ചെ​യ്തി​രി​ക്കു​ന്ന​തി​നാ​ൽ ഉ​ട​മ​സ്ഥ​രാ​ണോ വാ​ഹ​ന​വും എ​ടു​ക്കു​ന്ന​തെ​ന്ന് അ​റി​യാ​നും ആ​കി​ല്ല. കൂ​ടു​ത​ൽ സു​ര​ക്ഷാ സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തി​യാ​ൽ മാ​ത്ര​മേ ആ​ശു​പ​ത്രി പ​രി​സ​ര​ങ്ങ​ൾ മോ​ഷ​ണ​മു​ക്ത​മാ​ക്കാ​ൻ സാ​ധി​ക്കൂ.