മാനസിക വെല്ലുവിളികൾ നേരിടുന്ന യുവതിയെ തട്ടിക്കൊണ്ടുപോയി പീഡിപ്പിച്ച സംഭവത്തിൽ പൊലീസ് കുഴങ്ങുന്നു

തി​രു​വ​ന​ന്ത​പു​രം: മാ​ന​സി​ക വെ​ല്ലു​വി​ളി​ക​ൾ നേ​രി​ടു​ന്ന യു​വ​തി​യെ ത​ട്ടി​ക്കൊ​ണ്ടു​പോ​യി പീ​ഡി​പ്പി​ച്ച സം​ഭ​വ​ത്തി​ൽ പൊ​ലീ​സ് കു​ഴ​ങ്ങു​ന്നു. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന മാ​താ​വി​ന് കൂ​ട്ടി​രി​ക്കാ​ൻ എ​ത്തി​യ മാ​ന​സി​ക വെ​ല്ലു​വി​ളി​ക​ൾ അ​ഭി​മു​ഖീ​ക​രി​ക്കു​ന്ന യു​വ​തി പീ​ഡ​ന​ത്തി​ന് ഇ​ര​യാ​യ സം​ഭ​വ​ത്തി​ലാ​ണ് പ്ര​തി​ക​ളെ ക​ണ്ടെ​ത്താ​നാ​വാ​തെ പൊ​ലീ​സ് കു​ഴ​ങ്ങു​ന്ന​ത്. വ്യാ​ഴാ​ഴ്ച ഉ​ച്ച​യോ​ടെ മാ​താ​വി​ന് ആ​ഹാ​രം വാ​ങ്ങാ​നാ​യി റോ​ഡി​ലേ​ക്ക് ന​ട​ന്ന യു​വ​തി​യെ ര​ണ്ടു​പേ​ർ കാ​റി​ൽ ബ​ല​മാ​യി പി​ടി​ച്ചു​ക​യ​റ്റി കൊ​ണ്ടു​പോ​യെ​ന്നാ​ണ് പൊ​ലീ​സി​ന് ല​ഭി​ച്ച പ്രാ​ഥ​മി​ക വി​വ​രം.

വൈ​ദ്യ​പ​രി​ശോ​ധ​ന​യി​ൽ പീ​ഡ​നം സ്ഥി​രീ​ക​രി​ച്ചെ​ങ്കി​ലും യു​വ​തി​യി​ൽ​നി​ന്ന്​ കൃ​ത്യ​മാ​യ വി​വ​ര​ങ്ങ​ൾ മ​ന​സ്സി​ലാ​ക്കാ​ൻ പൊ​ലീ​സി​ന് ക​ഴി​ഞ്ഞി​ട്ടി​ല്ല. മാ​ന​സി​ക വെ​ല്ലു​വി​ളി​ക​ൾ അ​ഭി​മു​ഖീ​ക​രി​ക്കു​ന്ന​തി​നാ​ൽ വെ​ള്ളി​യാ​ഴ്ച യു​വ​തി​യു​ടെ മൊ​ഴി​യെ​ടു​ക്കാ​ൻ പൊ​ലീ​സി​ന് ക​ഴി​ഞ്ഞി​ല്ല. മാ​ന​സി​കാ​രോ​ഗ്യ​വി​ദ​ഗ്​​ധ​രു​ടെ സ​ഹാ​യ​ത്തോ​ടെ ശ​നി​യാ​ഴ്ച യു​വ​തി​യു​മാ​യി പൊ​ലീ​സ് ഉ​ദ്യോ​ഗ​സ്ഥ​ർ കൂ​ടി​ക്കാ​ഴ്ച ന​ട​ത്തി മൊ​ഴി​യെ​ടു​ത്തെ​ങ്കി​ലും വ​സ്തു​ത​ക​ൾ പ​ല​തും പ​ര​സ്പ​ര​വി​രു​ദ്ധ​മാ​ണെ​ന്നാ​ണ് സൂ​ച​ന.

യു​വ​തി​യെ ബ​ല​മാ​യി കാ​റി​ൽ ക​യ​റ്റി​ക്കൊ​ണ്ടു​പോ​യെ​ന്ന് പ​റ​യ​പ്പെ​ടു​ന്ന സ്ഥ​ല​ത്തും പ​രി​സ​ര​ത്തും നി​രീ​ക്ഷ​ണ കാ​മ​റ​ക​ൾ ഇ​ല്ലാ​ത്ത​തും അ​ന്വേ​ഷ​ണ​ത്തി​ന് തി​രി​ച്ച​ടി​യാ​യി. ല​ഭ്യ​മാ​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ പ്ര​തി​ക​ളെ ക​ണ്ടെ​ത്താ​നു​ള്ള ഊ​ർ​ജി​ത ശ്ര​മ​ങ്ങ​ളി​ലാ​ണ് പൊ​ലീ​സ്.