ജില്ല വികസനസമിതി യോഗം; പൊന്മുടി പാത നവീകരണം വേഗം പൂര്‍ത്തിയാക്കും

പേരൂർക്കട: പൊ​ന്മു​ടി പാ​ത​യി​ല്‍ ചു​ള്ളി​മാ​നൂ​ര്‍ - തൊ​ളി​ക്കോ​ട് ഭാ​ഗ​ത്തെ നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ വേ​ഗ​ത്തി​ല്‍ പൂ​ര്‍ത്തി​യാ​ക്കാ​ന്‍ ക​ല​ക്ട​ര്‍ ജെ​റോ​മി​ക് ജോ​ര്‍ജി​ന്റെ അ​ധ്യ​ക്ഷ​ത​യി​ല്‍ ചേ​ര്‍ന്ന ജി​ല്ല വി​ക​സ​ന​സ​മി​തി യോ​ഗ​ത്തി​ല്‍ ഉ​ദ്യോ​ഗ​സ്ഥ​ര്‍ക്ക് നി​ർ​ദേ​ശം ന​ല്‍കി. പൊ​ന്മു​ടി റോ​ഡി​ന്റെ ന​വീ​ക​ര​ണം സ​മ​യ​ബ​ന്ധി​ത​മാ​യി പൂ​ര്‍ത്തി​യാ​ക്കു​മെ​ന്നും ബ​ന്ധ​​പ്പെ​ട്ട​വ​രു​ടെ യോ​ഗം വി​ളി​ക്കു​മെ​ന്നും ക​ല​ക്ട​ര്‍ പ​റ​ഞ്ഞു.

തൊ​ളി​ക്കോ​ട് ജ​ങ്​​ഷ​നി​ലെ പ്ര​വൃ​ത്തി​ക​ള്‍ അ​ടി​യ​ന്ത​ര​മാ​യി പൂ​ര്‍ത്തി​യാ​ക്ക​ണ​മെ​ന്ന് ജി. ​സ്റ്റീ​ഫ​ന്‍ എം.​എ​ല്‍.​എ ആ​വ​ശ്യ​പ്പെ​ട്ടു. ഈ ​ഭാ​ഗ​ത്തെ ഓ​ട നി​ര്‍മാ​ണം 90 ശ​ത​മാ​നം പൂ​ര്‍ത്തി​യാ​യി​ട്ടു​ണ്ടെ​ന്നും ടാ​റി​ങ്​ ന​ട​പ​ടി​ക​ള്‍ ഉ​ട​ന്‍ ആ​രം​ഭി​ക്കു​മെ​ന്നും കെ.​എ​സ്.​ടി.​പി എ​ക്സി​ക്യൂ​ട്ടി​വ് എ​ൻ​ജി​നീ​യ​ര്‍ അ​റി​യി​ച്ചു.

ക​ല്ലാ​റി​ല്‍ സു​ര​ക്ഷ​ന​ട​പ​ടി​ക​ളു​ടെ ഭാ​ഗ​മാ​യി മു​ന്ന​റി​യി​പ്പ് ബോ​ര്‍ഡു​ക​ള്‍ സ്ഥാ​പി​ച്ച​താ​യും ലൈ​ഫ് ഗാ​ര്‍ഡു​ക​ളെ ഉ​ട​ന്‍ നി​യ​മി​ക്കു​മെ​ന്നും ഡി.​ടി.​പി.​സി സെ​ക്ര​ട്ട​റി അ​റി​യി​ച്ചു. ബോ​ണ​ക്കാ​ട് കെ.​എ​സ്.​ആ​ര്‍.​ടി.​സി​യു​ടെ സ്റ്റേ ​ബ​സ് പു​നഃ​സ്ഥാ​പി​ക്ക​ണ​മെ​ന്നും എം.​എ​ല്‍.​എ യോ​ഗ​ത്തി​ല്‍ ആ​വ​ശ്യ​പ്പെ​ട്ടു.

കോ​വി​ഡി​ന് മു​മ്പ് ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലു​ണ്ടാ​യി​രു​ന്ന സ​ര്‍വി​സു​ക​ള്‍ പു​നഃ​സ്ഥാ​പി​ക്കു​ന്ന​ത് പ​രി​ശോ​ധി​ക്ക​ണ​മെ​ന്ന് കെ.​എ​സ്.​ആ​ര്‍.​ടി.​സി ഉ​ദ്യോ​ഗ​സ്ഥ​ര്‍ക്ക് യോ​ഗം നി​ർ​ദേ​ശം ന​ല്‍കി. ആ​റ്റി​ങ്ങ​ല്‍ നി​യോ​ജ​ക​മ​ണ്ഡ​ല​ത്തി​ലെ ക​ട​ലു​കാ​ണി ടൂ​റി​സം പ​ദ്ധ​തി​യു​ടെ ര​ണ്ടാം​ഘ​ട്ട വി​ക​സ​ന​ത്തി​നാ​യി പു​തി​യ ഏ​ജ​ന്‍സി​യെ ചു​മ​ത​ല​പ്പെ​ടു​ത്തി​യ​താ​യി ഡി.​ടി.​പി.​സി അ​റി​യി​ച്ചു. വി​വി​ധ സ്‌​കൂ​ളു​ക​ളി​ലെ പു​തി​യ കെ​ട്ടി​ട​ങ്ങ​ളു​ടെ​യും റോ​ഡു​ക​ളു​ടെ​യും നി​ര്‍മാ​ണ പു​രോ​ഗ​തി വി​ല​യി​രു​ത്തി.