റബര്‍ പുകപ്പുരക്ക് തീപിടിച്ചു

പാറശ്ശാല: റബര്‍ ഷീറ്റ് പുകപ്പുര തീപിടിച്ച് നശിച്ചു. ധനുവച്ചപുരം കീഴെ വീട്ടുവിളാകത്ത് വീട്ടില്‍ സദാനന്ദന്റെ പുരയിടത്തില്‍ സ്ഥാപിച്ചിരുന്ന റെഡിമെയ്ഡ് പുകപ്പുരക്കാണ് തിങ്കളാഴ്ച ഉച്ചയോടെ തീപിടിച്ചത്. രണ്ട് ലക്ഷത്തിലധികം രൂപയുടെ നഷ്ടമുണ്ടായതായി ഉടമ പറഞ്ഞു. തീപിടിത്തത്തില്‍ മൂന്നോളം റബര്‍ മരങ്ങളും നശിച്ചു. നാട്ടുകാരും നെയ്യാറ്റിന്‍കര ഫയര്‍ഫോഴ്‌സും തീ നിയന്ത്രണവിധേയമാക്കി.