വീട് കയറി ആക്രമണം: ഗൃഹനാഥനുള്‍പ്പെടെയുള്ളവര്‍ക്ക് പരിക്ക്

പാറശ്ശാല: തിരുവോണ ആഘോഷവുമായി ബന്ധപ്പെട്ട് ഉണ്ടായ പ്രശ്‌നത്തി​െൻറ തുടർച്ചയായി വീട് കയറി ആക്രമണം. ഗൃഹനാഥനുള്‍പ്പെടെയുള്ള മൂന്ന് പേര്‍ക്ക് പരിക്കേറ്റു. വീട്ടുപകരണങ്ങള്‍ പൂര്‍ണമായും തകര്‍ത്തു.

ധനുവച്ചപുരം വഴുതോട്ടുകോണം തെക്കിന്‍കര പുത്തന്‍വീട്ടില്‍ ഉണ്ണി എന്നു വിളിക്കുന്ന സുനില്‍കുമാര്‍ (34), ജ്യേഷ്ഠന്‍ ജോയി (40), മകള്‍ എന്നിവര്‍ക്കാണ് മര്‍ദനത്തില്‍ പരിക്കേറ്റത്.

ഞായറാഴ്​ച വൈകീട്ട് മൂന്നിനായിരുന്നു സംഭവം. പൊങ്ങും പൊറ്റ സ്വദേശികളായ അജിത് (21), അനൂപ് (24), കണ്ടാല്‍ അറിയാവുന്നതായ മറ്റൊരാള്‍ എന്നിവര്‍ ചേര്‍ന്ന് വടിവാള്‍, ഇരുമ്പ് കമ്പി എന്നിവ ഉപയോഗിച്ച് ആക്രമണം നടത്തുകയായിരുന്നു.