ഹാള്‍ ടിക്കറ്റില്‍ പരീക്ഷകേന്ദ്രത്തിന്റെ പേര് തെറ്റി: കെ-ടെറ്റ് പരീക്ഷയെഴുതാന്‍ എത്തിയവര്‍ വലഞ്ഞു

പാ​റ​ശ്ശാ​ല: അ​ധ്യാ​പ​ക യോ​ഗ്യ​ത​പ​രീ​ക്ഷ​യാ​യ കെ-​ടെ​റ്റ് എ​ഴു​താ​ന്‍ പാ​റ​ശ്ശാ​ല​യി​ലെ​ത്തി​യ​വ​ര്‍ ഹാ​ള്‍ടി​ക്ക​റ്റി​ല്‍ പ​രീ​ക്ഷ കേ​ന്ദ്ര​ത്തി​ന്റെ പേ​ര് തെ​റ്റാ​യി കൊ​ടു​ത്ത​തു​കാ​ര​ണം പ്ര​തി​സ​ന്ധി​യി​ലാ​യി.

പാ​റ​ശ്ശാ​ല വൊ​ക്കേ​ഷ​ന​ല്‍ ഹ​യ​ര്‍സെ​ക്ക​ന്‍ഡ​റി സ്‌​കൂ​ള്‍ പ​രീ​ക്ഷ​കേ​ന്ദ്ര​മാ​യി അ​നു​വ​ദി​ച്ചി​രു​ന്നെ​ങ്കി​ലും ആ​ദ്യ​ഘ​ട്ട​ത്തി​ല്‍ ഹാ​ള്‍ ടി​ക്ക​റ്റ് ഡൗ​ണ്‍ലോ​ഡ് ചെ​യ്ത​വ​ര്‍ക്ക് പ​രീ​ക്ഷ​കേ​ന്ദ്ര​ത്തി​ന്റെ പേ​ര് ജി.​വി ആ​ന്‍ഡ് എ.​എം.​പി എ​ച്ച്.​എ​സ്.​എ​സ് പാ​റ​ശ്ശാ​ല​യെ​ന്നാ​ണ് രേ​ഖ​പ്പെ​ടു​ത്തി​യി​രു​ന്ന​ത്. പാ​റ​ശ്ശാ​ല​യി​ല്‍ പ​രീ​ക്ഷ എ​ഴു​താ​നെ​ത്തി​യ​വ​രി​ലേ​റെ​യും ഇ​ത്ത​ര​ത്തി​ല്‍ തെ​റ്റാ​യ വി​വ​ര​മു​ള്ള ഹാ​ള്‍ ടി​ക്ക​റ്റാ​യി​രു​ന്നു ഡൗ​ണ്‍ലോ​ഡ് ചെ​യ്തി​രു​ന്ന​ത്.രാ​വി​ലെ 10ന്​ ​ആ​രം​ഭി​ക്കേ​ണ്ട പ​രീ​ക്ഷ​യ്ക്കെ​ത്തി​യ​വ​ര്‍ ഒ​മ്പ​തു മു​ത​ല്‍ ത​ന്നെ ജി.​വി. ആ​ന്‍ഡ് എ.​എം.​പി എ​ച്ച്.​എ​സ്.​എ​സ് അ​ന്വേ​ഷി​ച്ച് അ​ല​ഞ്ഞു. പാ​റ​ശ്ശാ​ല മേ​ഖ​ല​യി​ല്‍ അ​ത്ത​ര​ത്തി​ലൊ​രു സ്‌​കൂ​ളി​ല്ലെ​ന്ന് നാ​ട്ടു​കാ​ര്‍ പ​റ​ഞ്ഞെ​ങ്കി​ലും വി​ശ്വ​സി​ക്കാ​തെ സ​മീ​പ​പ്ര​ദേ​ശ​ത്ത് അ​ന്വേ​ഷി​ച്ചു ന​ട​ന്നു. ഹാ​ള്‍ ടി​ക്ക​റ്റി​ല്‍ ഫോ​ണ്‍ ന​മ്പ​ര്‍ രേ​ഖ​പ്പെ​ടു​ത്തി​യി​രു​ന്നെ​ങ്കി​ലും അ​ത് പ്ര​വ​ര്‍ത്ത​ന​ര​ഹി​ത​മാ​യി​രു​ന്നു.

ഹാ​ള്‍ ടി​ക്ക​റ്റി​ല്‍ തെ​റ്റാ​യി അ​ഡ്ര​സ് രേ​ഖ​പ്പെ​ടു​ത്തി​യ​താ​ണെ​ന്ന് മ​ന​സ്സി​ലാ​ക്കി പാ​റ​ശ്ശാ​ല വൊ​ക്കേ​ഷ​ന​ല്‍ ഹ​യ​ര്‍സെ​ക്ക​ന്‍ഡ​റി സ്‌​കൂ​ളി​ലെ​ത്തി​യ​വ​രോ​ട് പ​രീ​ക്ഷ​കേ​ന്ദ്ര​ത്തി​ന്റെ പേ​ര് ശ​രി​യാ​യി രേ​ഖ​പ്പെ​ടു​ത്തി​യി​ട്ടു​ള്ള ഹാ​ള്‍ ടി​ക്ക​റ്റു​മാ​യെ​ത്താ​ന്‍ അ​ധി​കൃ​ത​ര്‍ നി​ര്‍ദേ​ശി​ച്ചു. രാ​വി​ലെ ഇ​ന്റ​ര്‍നെ​റ്റ് കേ​ന്ദ്ര​ങ്ങ​ള്‍ തു​റ​ക്കാ​ത്ത​ത് കാ​ര​ണം ഹാ​ള്‍ടി​ക്ക​റ്റ് വീ​ണ്ടും ഡൗ​ണ്‍ലോ​ഡ് ചെ​യ്യാ​ന്‍ ബു​ദ്ധി​മു​ട്ടാ​യി.

പ​രീ​ക്ഷാ​ര്‍ഥി​ക​ളു​ടെ ബു​ദ്ധി​മു​ട്ട് മ​ന​സ്സി​ലാ​ക്കി​യ സ്‌​കൂ​ള്‍ അ​ധി​കൃ​ത​ര്‍ പ​രീ​ക്ഷ ക​മീ​ഷ​ണ​റു​ടെ ഓ​ഫി​സു​മാ​യി ബ​ന്ധ​പ്പെ​ട്ട​തി​നെ തു​ട​ര്‍ന്ന് ര​ണ്ട് ത​ര​ത്തി​ലു​ള്ള ഹാ​ള്‍ ടി​ക്ക​റ്റു​ള്ള​വ​രെ​യും പ​രീ​ക്ഷ എ​ഴു​താ​ന്‍ അ​നു​വ​ദി​ച്ചു. തു​ട​ര്‍ന്ന് വൈ​കീ​ട്ട് അ​ധി​കൃ​ത​ര്‍ സോ​ഫ്റ്റ്​​വെ​യ​റി​ല്‍ സ്‌​കൂ​ളി​ന്റെ പേ​ര് ശ​രി​യാ​യ​നി​ല​യി​ല്‍ മാ​റ്റി ന​ല്‍കു​ക​യാ​യി​രു​ന്നു. എ​ന്നാ​ല്‍, ഇ​തു​സം​ബ​ന്ധി​ച്ച് യാ​തൊ​രു അ​റി​യി​പ്പും പ​രീ​ക്ഷാ​ര്‍ഥി​ക​ള്‍ക്ക് ന​ല്‍കി​യി​രു​ന്നി​ല്ല.