ദേശീയപാതയില്‍ ടോറസ്​ മറിഞ്ഞു; ഡ്രൈവറും സഹായിയും അത്ഭുതകരമായി രക്ഷപ്പെട്ടു

പാ​റ​ശ്ശാ​ല: ക​ര​മ​ന ക​ളി​യി​ക്കാ​വി​ള ദേ​ശീ​യ​പാ​ത​യി​ൽ ഉ​ദി​യ​ന്‍കു​ള​ങ്ങ​ര​യി​ല്‍ നി​യ​ന്ത്ര​ണം വി​ട്ട ടോറസ്​ ലോ​റി വ​യ​ലി​ലേ​ക്ക് മ​റി​ഞ്ഞു. ഡ്രൈ​വ​ര്‍ കു​മാ​ര്‍ (33), സ​ഹാ​യി പ​ളു​ക​ല്‍ സ്വ​ദേ​ശി​യാ​യ ടൈ​റ്റ​സ് (41) എ​ന്നി​വ​ർ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. ചൊ​വ്വാ​ഴ്ച പു​ല​ര്‍ച്ച 3.30 നാ​യി​രു​ന്നു സം​ഭ​വം. വി​ഴി​ഞ്ഞം തു​റ​മു​ഖ നി​ര്‍മാ​ണ സാ​മ​ഗ്രി​ക​ള്‍ ഇ​റ​ക്കി​യ​ശേ​ഷം ത​മി​ഴ്‌​നാ​ട്ടി​ലേ​ക്ക് പോ​കു​ക​യാ​യി​രു​ന്നു ടോറസ്​. ഡ്രൈ​വ​ര്‍ ഉ​റ​ങ്ങി​പ്പോ​യ​താ​ണ് അ​പ​ക​ട​കാ​ര​ണ​മെ​ന്നാ​ണ് നി​ഗ​മ​നം.

ദേ​ശീ​യ​പാ​ത​ക്ക​രി​കി​ലെ ട്രാ​ന്‍സ്‌​ഫോ​ര്‍മ​റി​ന് 20 മീ​റ്റ​ര്‍ മാ​റി ക​ലു​ങ്ക് ത​ക​ര്‍ത്താ​ണ് ലോ​റി വ​യ​ലി​ലേ​ക്ക് മ​റി​ഞ്ഞ​ത്. വാ​ഹ​നം ട്രാ​ന്‍സ്‌​ഫോ​മ​റി​ല്‍ ഇ​ടി​ക്കാ​തി​രു​ന്ന​തി​നാ​ൽ വ​ന്‍ ദു​ര​ന്തം ഒ​ഴി​വാ​യി. പാ​റ​ശ്ശാ​ല പൊ​ലീ​സ്, ഹൈ​വേ പ​ട്രോ​ള്‍, ജോ​യ​ന്റ് ആ​ര്‍.​ടി.​ഒ തു​ട​ങ്ങി​യ​വ​ര്‍ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

ഉ​ദി​യ​ന്‍കു​ള​ങ്ങ​ര​ക്കും കൊ​റ്റാ​മ​ത്തി​നും ഇ​ട​യ്ക്കു​ള്ള ഈ ​സ്ഥ​ല​ത്ത് രാ​ത്രി തെ​രു​വു​വി​ള​ക്കു​ക​ളി​ല്ല. റോ​ഡി​ന്റെ ഇ​രു​വ​ശ​വും കാ​ടു​പി​ടി​ച്ച​തി​നാ​ല്‍ ഇ​വി​ടെ അ​പ​ക​ട​ങ്ങ​ള്‍ തു​ട​ര്‍ക്ക​ഥ​യാ​ണെ​ന്ന് നാ​ട്ടു​കാ​ര്‍ പ​റ​യു​ന്നു. പ്ര​ദേ​ശ​ത്ത് അ​റ​വ് മാ​ലി​ന്യം ഉ​ള്‍പ്പെ​ടെ ത​ള്ളു​ന്ന​തി​നാ​ല്‍ ഇ​വി​ടെ ദു​ര്‍ഗ​ന്ധ​വും അ​സ​ഹ​നീ​യ​മാ​ണ്.

അ​പ​ക​ട​ത്തി​ൽ​പെ​ട്ട വാ​ഹ​ന​ത്തെ ക്രെ​യി​നു​ക​ള്‍ ഉ​പ​യോ​ഗി​ച്ച് ക​ര​ക്കെ​ടു​ക്കാ​നു​ള്ള ശ്ര​മ​ത്തി​നി​ടെ മ​ണി​ക്കൂ​റോ​ളം ദേ​ശീ​യ​പാ​ത​യി​ല്‍ ഗ​താ​ഗ​ത സ്തം​ഭ​ന​മു​ണ്ടാ​യി.