പാങ്ങോട്​ ഫിഷ്​ മാർക്കറ്റ്​ ഷോപ്പിങ്​ കോംപ്ലക്സ്; കടമുറികളുടെ ലേലത്തിന്​ വീണ്ടും നീക്കം

തി​രു​വ​ന​ന്ത​പു​രം: ഇ​ട​പ്പ​ഴ​ഞ്ഞി​യി​ലെ പാ​ങ്ങോ​ട്​ ഫി​ഷ്​ മാ​ർ​ക്ക​റ്റ്​ ഷോ​പ്പി​ങ്​ കോം​പ്ല​ക്സി​ലെ​ ക​ട​മു​റി​ക​ളു​ടെ ലേ​ല​ത്തി​ന്​ വീ​ണ്ടും ശ്ര​മം. മാ​ർ​ക്ക​റ്റ്​ പ​രി​സ​ര​ത്ത്​ സൂ​ക്ഷി​ച്ച മീ​ൻ പെ​ട്ടി​ക​ൾ മൂ​ന്ന്​ ദി​വ​സ​ത്തി​ന​കം നീ​ക്കി​യി​ല്ലെ​ങ്കി​ൽ ന​ഗ​ര​സ​ഭ സ്വ​ന്തം ചെ​ല​വി​ൽ ഒ​ഴി​വാ​ക്കു​മെ​ന്ന്​​ സെ​ക്ര​ട്ട​റി​യു​ടെ നോ​ട്ടീ​സ്. വ്യാ​ഴാ​യ്​​ച​യാ​ണ്​ ​മാ​ർ​ക്ക​റ്റ്​ പ​രി​സ​ര​ത്ത്​ വി​വി​ധ​യി​ട​ങ്ങ​ളി​ലാ​യി നോ​ട്ടീ​സ്​ പ​തി​ച്ച​ത്. ശ​നി​യാ​ഴ്ച​ക്ക്​ മു​മ്പ്​​ പെ​ട്ടി​ക​ൾ നീ​ക്ക​ണ​മെ​ന്നാ​ണ്​ നി​ർ​ദേ​ശം.

3.08 കോ​ടി രൂ​പ ചെ​ല​വി​ട്ട്​ നി​ർ​മാ​ണം പൂ​ർ​ത്തി​യാ​ക്കി വ​ർ​ഷ​ങ്ങ​ളാ​യി​ട്ടും കെ​ട്ടി​ടം ഉ​പ​യോ​ഗ​പ്പെ​ടു​ത്താ​ൻ സാ​ധി​ക്കാ​ത്ത​ത്​ വി​മ​ർ​ശ​ത്തി​നി​ട​യാ​ക്കി​യി​രു​ന്നു. പ​ദ്ധ​തി​യു​മാ​യി ബ​ന്ധ​പ്പെ​ട്ട്​ 66 ല​ക്ഷം രൂ​പ​യു​ടെ ന​ഷ്ട​​മു​ണ്ടാ​യെ​ന്ന്​ ഓ​ഡി​റ്റ്​ റി​പ്പോ​ർ​ട്ടി​ൽ ചു​ണ്ടി​ക്കാ​ട്ടി​യ​തോ​ടെ​യാ​ണ്​ ന​ഗ​ര​സ​ഭ വീ​ണ്ടും ലേ​ല ന​ട​പ​ടി​ക്കൊ​രു​ങ്ങു​ന്ന​ത്.

അ​തി​ന്​ മു​ന്നോ​ടി​യാ​യാ​ണ്​ നോ​ട്ടീ​സ്​ പ​തി​ച്ച​ത്. 2009-10ൽ ​നി​ർ​മാ​ണം ആ​രം​ഭി​ച്ച കെ​ട്ടി​ടം 2020 മേ​യ്​ 27ന്​ ​മു​ൻ മേ​യ​ർ കെ. ​ശ്രീ​കു​മാ​ർ​ ഉ​ദ്​​ഘാ​ട​നം ചെ​യ്തു. ഉ​ദ്​​ഘാ​ട​നം ക​ഴി​ഞ്ഞ്​ മൂ​ന്ന്​ വ​ർ​ഷം പൂ​ർ​ത്തി​യാ​യി​ട്ടും ഒ​രു മു​റി​യി​ൽ നി​ന്നു​പോ​ലും ന​ഗ​ര​സ​ഭ​ക്ക്​ വാ​ട​ക സ​മ്പാ​ദി​ക്കാ​നാ​യി​ട്ടി​ല്ല. എ​ന്നാ​ൽ, ല​ക്ഷ​ങ്ങ​ളു​ടെ ന​ഷ്ടം വ​ന്ന​താ​യി ഓ​ഡി​റ്റ്​ റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്നു. സ​മീ​പ​ത്തെ താ​ൽ​ക്കാ​ലി​ക മാ​ർ​ക്ക​റ്റി​ലെ​യും മ​റ്റും വ്യാ​പാ​രി​ക​ൾ മു​ൻ​കൂ​ർ തു​ക ന​ൽ​കി​യി​ട്ടും ക​ട​മു​റി ല​ഭി​ച്ചി​ല്ലെ​ന്ന പ​രാ​തി​യു​ണ്ട്​.

അ​ര ല​ക്ഷം രൂ​പ ന​ൽ​കി​യ വെ​ട്ടു​കാ​ട്​ സ്വ​ദേ​ശി​ക്ക്​ ക​ട​മു​റി ല​ഭി​ച്ചി​ല്ലെ​ങ്കി​ലും പ​തി​നാ​യി​രം രൂ​പ​യു​ടെ വാ​ട​ക ആ​വ​ശ്യ​പ്പെ​ട്ട്​ ന​ഗ​ര​സ​ഭ​യു​​ടെ ക​ത്ത്​ ല​ഭി​ച്ച​താ​യി അ​വ​ർ പ​റ​യു​ന്നു. ന​ഗ​ര​സ​ഭ​ക്ക്​ ന​ൽ​കി​യ തു​ക മ​റ്റെ​ന്ത​ങ്കി​ലും വ്യാ​പാ​ര​ത്തി​ന്​ ഉ​പ​യോ​ഗി​ച്ചി​രു​ന്നെ​ങ്കി​ൽ മൂ​ന്ന്​ വ​ർ​ഷം​കൊ​ണ്ട്​ ല​ഭി​ക്കാ​വു​ന്ന വ​രു​മാ​നം എ​ത്ര​യാ​യി​രി​ക്കു​മെ​ന്ന്​ അ​വ​ർ ചോ​ദി​ക്കു​ന്നു. ലേ​ലം പൂ​ർ​ത്തി​യാ​ക്കാ​തെ ക​ട​മു​റി തു​റ​ന്ന്​ കൊ​ടു​ക്കാ​നാ​വി​ല്ലെ​ന്നാ​ണ്​ അ​ധി​കൃ​ത​ർ അ​റി​യി​ച്ച​തെ​ന്ന്​ അ​വ​ർ പ​റ​ഞ്ഞു.

ഉ​യ​ർ​ന്ന അ​ഡ്വാ​ൻ​സ്​ തു​ക​യും വാ​ട​ക​യും ആ​വ​ശ്യ​പ്പെ​ടു​ന്ന​തി​നാ​ലാ​ണ്​ ക​ട​മു​റി​ക​ൾ ആ​രും ലേ​ലം വി​ളി​ച്ചെ​ടു​ക്കാ​​ത്ത​തെ​ന്ന്​ വ്യാ​പാ​രി​ക​ൾ പ​റ​യു​ന്നു. അ​ഞ്ചെ​ണ്ണം പ​ട്ടി​ക​ജാ​തി-​വ​ർ​ഗ​ക്കാ​ർ​ക്ക്​ സം​വ​ര​ണം ചെ​യ്തി​ട്ടു​ണ്ട്. കെ​ട്ടി​ട​ത്തി​ൽ ആ​കെ 45 മു​റി​യാ​ണു​ള്ള​ത്. കോ​ൾ​ഡ് സ്റ്റോ​റേ​ജ് ഫ്രീ​സ​ർ സൗ​ക​ര്യ​ത്തി​ന്​ പു​റ​മെ മ​ത്സ്യ വി​ൽ​പ​ന​ക്കു​ള്ള ഗ്രാ​നെ​റ്റ്, സ്ലാ​ബ്, മ​ത്സ്യം വൃ​ത്തി​യാ​ക്കാ​നു​ള്ള സി​ങ്ക് എ​ന്നി​വ ഒ​രു​ക്കി​യി​ട്ടു​ണ്ട്. ഓ​രോ ക​ട​മു​റി​ക്കും വാ​ട​ക പ്ര​തി​മാ​സം 11,387രൂ​പ​യാ​ണ്​ നി​ശ്ച​യി​ച്ച​ത്.