സ്വന്തം തീരം നഷ്​ടപ്പെട്ട വേദനയിൽ ആൻറണി

പൂന്തുറ: ചാകരക്കാലത്തുപോലും സ്വന്തം കടപ്പുറത്തുനിന്ന്​ കടലിൽ വള്ളമിറക്കാൻ കഴിയാത്തതി​െൻറ വേദനയിലാണ് പൂന്തുറ ചേരിയാമുട്ടം സ്വദേശിയായ ആൻറണി (64).

അരനൂറ്റാണ്ടായി കടലിനോട് മല്ലിടുന്ന ഇയാൾ ഇതുവരെയും വള്ളമിറക്കിയത്​ സ്വന്തം കടപ്പുറത്തുനിന്നായിരുന്നു. എന്നാൽ, ഇൗ മൺസൂൺ കാലത്ത്​ ഇയാളുടെ ഏറ്റവും വലിയ വേദന തങ്ങളുടെ തീരം കലിതുള്ളിയ കടൽ കവർന്നെടുത്തെന്നതാണ്​. എന്നാൽ, ഇത്രയും കാലം ഉപജീവനത്തിനായി മറ്റൊരു തീരം തേടിപ്പോകാത്ത ആൻറണി ഇനിയും മറ്റൊരു കടപ്പുറത്ത്​ ചെന്ന്​ വള്ളമിറക്കാൻ തയാറുമല്ല.

പൂന്തുറയിൽനിന്ന്​ കടലിൽ പോകാൻ കഴിയി​െല്ലന്ന് അറിയാമെങ്കിലും ദിവസവും രാവിലെ ആൻറണി കടലി​െൻറ അരികിലേക്കെത്തും. 13ാം വയസ്സില്‍ പിതാവി​െൻറ കൈപിടിച്ച് കടലില്‍ പോയിരുന്ന കാലം തൊട്ട് കടലി​െൻറ ചേല് (നിറവ്യത്യാസം) നോക്കിയാണ് മത്സ‍്യബന്ധനം നടത്തിയിരുന്നതെന്ന്​ ആൻറണി പറയുന്നു.

അന്ന്​ കടൽ ക്ഷോഭിച്ചാൽപോലും സുഗമമായി കരയി​േലക്ക് മടങ്ങിയെത്താനും വള്ളങ്ങൾ സുഗമമായി തീരത്തേക്ക് കയറ്റിവെക്കാനും കഴിയുമായിരുന്നു. എന്നാല്‍, ഇന്ന് പുത്തന്‍ വികസനങ്ങളുടെ ഭാഗമായി കടലിനെ കീറിമുറിക്കാന്‍ തുടങ്ങിയതോടെ കടല്‍ അമിതമായി ക്ഷോഭിച്ച്​ തുടങ്ങി​െയന്നാണ്​ ആൻറണിയുടെ വിലയിരുത്തല്‍.

കിലോമീറ്ററോളം തീരമുണ്ടായിരുന്ന കടപ്പുറം ഇന്ന് പൂർണമായും കടൽ വിഴുങ്ങിയ അവസ്ഥയിലാണ്. പുതിയ മത്സ്യബന്ധനരീതികളും പുത്തന്‍ ഉപകരണങ്ങളുമെല്ലാം എത്തിയെങ്കിലും പഴയകാലത്ത് മത്സ്യബന്ധനത്തിന് പോയിരുന്ന രീതികളാണ് ആൻറണി ഉൾപ്പെ​െടയുള്ള പരമ്പരാഗത മത്സ‍്യത്തൊഴിലാളികൾക്ക് ഇന്നും ഇഷ്​ടം. അത്തരം രീതികൾ ഉപയോഗിച്ചയുള്ള മത്സ്യബന്ധനം തന്നെയാണ് ഇവർ ഇന്നും നടത്തുന്നത്. വലകളിൽ മത്സ്യക്കുഞ്ഞുങ്ങള്‍ കുടുങ്ങിയാല്‍ അതിനെ തിരികെ കടലിലേക്ക് നിക്ഷേപിച്ചശേഷം മാത്രമേ ആൻറണിയെപ്പോലുള്ള പരമ്പരാഗത മത്സ‍്യത്തൊഴിലാളികൾ കരയിലേക്ക് മടങ്ങുകയുള്ളൂ.

എന്നാൽ, കടലി​െൻറ ആവാസവ‍്യവസ്ഥയെ തകർക്കുന്നതരത്തിൽ നിരോധിത വലകളുമായി ചിലർ മത്സ‍്യസമ്പത്ത് കൊള്ളയടിക്കുന്നത് ട്രോളിങ് കാലത്തുപോലും മത്സ‍്യസമ്പത്തിന് ഭീഷണിയായെന്നും ആൻറണി കൂട്ടിച്ചേർത്തു.