ONLY FOR TVM തലവേദനയായി സി.ബി.​െഎയും സുപ്രീംകോടതി നടപടിയും

കെ.എസ്​. ശ്രീജിത്ത്​ തിരുവനന്തപുരം: സർക്കാറിനും സി.പി.എമ്മിനും തലവേദനയായി ലൈഫ്​ മിഷനിലെ സി.ബി.​െഎ അന്വേഷണവും പെരിയ കേസിലെ സുപ്രീംകോടതി നടപടിയും. ലൈഫിലെ സി.ബി.​െഎ അന്വേഷണം രാഷ്​ട്രീയപ്രേരിതമെന്ന്​ പറഞ്ഞ്​ തള്ളു​േമ്പാൾതന്നെ സി.പി.എം നേതൃത്വത്തി​ൻെറ ആശങ്ക അന്വേഷണ ഏജൻസിയുടെ അസാധാരണ നടപടിയിലാണ്​. ഏജൻസിയെ രാഷ്​ട്രീയപ്രേരിതമായി ഉപയോഗിക്കുമോയെന്നാണ്​ ഏറെ ആശങ്ക. അന്വേഷണം വിദേശസംഭാവന സ്വീകരിച്ചതിൽ മാത്രമെന്ന വിലയിരുത്തലിലാണ്​ സെക്ര​േട്ടറിയറ്റ്​. ചട്ടം ലംഘിച്ച്​ ഒരു കോടിയോ മുകളിലോ വരുന്ന വിദേശസംഭാവന കേസുകള്‍ സി.ബി.ഐക്കാണ് അന്വേഷിക്കാന്‍ അധികാരം. അതി​ൻെറ അടിസ്ഥാനത്തിലാണ് കേസ്​. ചോദ്യം ചെയ്യലി​ൽ ആരൊക്കെ വരുമെന്ന ആശങ്കയും സി.പി.എമ്മിൽ വർധിച്ചു. ലൈഫ്​ മിഷൻ അധ്യക്ഷനായ മുഖ്യമന്ത്രിയെയും ഉപാധ്യക്ഷനായ തദ്ദേശമന്ത്രി​​െയയും ചോദ്യം ചെയ്യാൻ സി.ബി.​െഎക്ക്​ സാധിക്കും. വിജിലൻസ്​ അന്വേഷണം അട്ടിമറിക്കാനാണ്​ സി.ബി.​െഎ വരുന്നതെന്ന ആക്ഷേപമാണ്​ സി.പി.എം ഉയർത്തുന്നത്​. പക്ഷേ, സി.ബി.​െഎ യെ ഭയന്നാണ്​ മുഖ്യമന്ത്രി വിജിലൻസ്​ അന്വേഷണത്തിന്​ മുതിർന്നതെന്ന പ്രതിപക്ഷ ആക്ഷേപം പ്രതിരോധിക്കാൻ സി.പി.എം വിയർ​ക്കും. അന്വേഷിക്കണമെന്ന​ ആഗസ്​റ്റ്​ 21ലെ സെക്ര​േട്ടറിയറ്റ്​ അഭിപ്രായം മുഖ്യമന്ത്രി നടപ്പാക്കിയിരുന്നെങ്കിൽ ഇൗ ആക്ഷേപം ഒഴിവാക്കാമായിരുന്നെന്ന അഭിപ്രായം സി.പി.എം നേതൃത്വത്തിലുണ്ട്​. പെരിയ കേസിൽ രാഷ്​ട്രീയകൊലപാതകത്തിൽ പ്രവർത്തകരെ സംരക്ഷിക്കാൻ ഖജനാവിലെ പണം ചെലവഴിക്കുന്നെന്ന പ്രതിപക്ഷ ആക്ഷേപം വീണ്ടും ഉയരുകയാണ്​. പക്ഷേ, അപ്പീൽ പോകാനുള്ള അവകാശമാണ്​ വിനിയോഗിച്ചതെന്ന വിശദീകരണമാണ്​ സി.പി.എമ്മിന്​.