ജഴ്‌സിയില്ല, സ്കൂൾ കായികമേളയിൽ നാണംകെട്ട് തലസ്ഥാനം

തി​രു​വ​ന​ന്ത​പു​രം: സം​സ്ഥാ​ന സ്‌​കൂ​ള്‍ കാ​യി​ക​മേ​ള​യി​ല്‍ നി​ല​വി​ലെ ചാ​മ്പ്യ​ന്മാ​രാ​യ തി​രു​വ​ന​ന്ത​പു​ര​ത്തി​ന് ഇ​ത്ത​വ​ണ​യും ജ​ഴ്സി​യി​ല്ല. മ​റ്റ് 13 ജി​ല്ല​ക​ളി​ലെ​യും കാ​യി​ക​താ​ര​ങ്ങ​ൾ ജ​ഴ്സി​യു​മാ​യി മ​ത്സ​ര​ത്തി​നി​റ​ങ്ങു​മ്പോ​ഴാ​ണ് ത​ല​സ്ഥാ​ന​ത്തി​ന്‍റെ അ​ഭി​മാ​ന താ​ര​ങ്ങ​ളോ​ട് വി​ദ്യാ​ഭ്യാ​സ വ​കു​പ്പ് ഡെ​പ്യൂ​ട്ടി ഡ​റ​ക്ട​റു​ടെ ഓ​ഫീ​സി​ന്‍റെ വി​വേ​ച​നം. ഡെ​പ്യൂ​ട്ടി ഡ​യ​റ​ക്ട​റു​ടെ ഓ​ഫീ​സി​ല്‍ സ്‌​പോ​ര്‍ട്‌​സി​ന് മാ​ത്ര​മാ​യി ഒ​രു സെ​ക്ഷ​ന്‍ പ്ര​വ​ർ​ത്തി​ക്കു​ന്നു​ണ്ട്.

ജി​ല്ല പ​ഞ്ചാ​യ​ത്ത്, കോ​ര്‍പ​റേ​ഷ​ന്‍ തു​ട​ങ്ങി​യ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ ബ​ജ​റ്റി​ന് മു​മ്പ് സം​സ്ഥാ​ന കാ​യി​ക​മേ​ള​ക്ക് പോ​കു​ന്ന​തി​നു​ള്ള ചെ​ല​വ് ബ​ജ​റ്റി​ല്‍ വ​ക​യി​രു​ത്ത​ണ​മെ​ന്ന് ആ​വ​ശ്യ​പ്പെ​ട്ട് ഡി.​ഡി ഓ​ഫീ​സി​ലെ വി​ഭാ​ഗം ക​ത്ത് ന​ല്‍ക​ണം. അ​തി​ന്‍റെ അ​ടി​സ്ഥാ​ന​ത്തി​ല്‍ ഫ​ണ്ട് വ​ക​യി​രു​ത്തും. കാ​യി​ക​മേ​ള വ​രു​മ്പോ​ൾ ആ ​തു​ക ചെ​ല​വ​ഴി​ച്ചാ​ണ് താ​ര​ങ്ങ​ള്‍ക്ക് ജ​ഴ്‌​സി ഉ​ള്‍പ്പെ​ടെ​യു​ള്ള സൗ​ക​ര്യ​ങ്ങ​ള്‍ ഒ​രു​ക്കു​ന്ന​ത്.

എ​ന്നാ​ല്‍ ക​ഴി​ഞ്ഞ ര​ണ്ടു​വ​ർ​ഷ​മാ​യി വി​ദ്യാ​ഭ്യാ​സ വ​കു​പ്പി​ല്‍ നി​ന്നും ഇ​തി​നാ​യി ക​ത്ത് ന​ല്‍കി​യി​ല്ല. ഇ​തോ​ടെ ബ​ജ​റ്റി​ല്‍ ത​ദ്ദേ​ശ​സ്ഥാ​പ​ന​ങ്ങ​ള്‍ തു​ക വ​ക​യി​രു​ത്തി​യ​തു​മി​ല്ല. ഇ​ത്ത​വ​ണ ജി​ല്ല കാ​യി​ക​മേ​ള ക​ഴി​ഞ്ഞ​പ്പോ​ള്‍ പേ​രി​ന് മാ​ത്രം 300 ജ​ഴ്‌​സി ത​യാ​റാ​ക്കി. അ​ത് ഉ​ദ്ഘാ​ട​ന ദി​ന​ത്തി​ല്‍ മാ​ര്‍ച്ച് പാ​സ്റ്റി​ല്‍ പ​ങ്കെ​ടു​ത്ത​വ​ര്‍ക്കും ഇ​ന്‍ക്ലൂ​സീ​വ് വി​ഭാ​ഗ​ത്തി​നും മാ​ത്രം ന​ല്‍കി. ശേ​ഷി​ക്കു​ന്ന​വ​ര്‍ സ്വ​ന്തം ജ​ഴ്‌​സി​യ​ണി​ഞ്ഞാ​ണ് മ​ത്സ​ര​ത്തി​ന് ഇ​റ​ങ്ങി​യ​ത്.

ഒ​ളി​മ്പി​ക്സ് മാ​തൃ​ക​യി​ൽ സം​ഘ​ടി​പ്പി​ക്കു​ന്ന 67ാമ​ത് സം​സ്ഥാ​ന സ്കൂ​ൾ കാ​യി​ക​മേ​ള​യി​ൽ നീ​ന്ത​ൽ, അ​ത് ല​റ്റി​ക്സ്, ഗെ​യിം​സ് ഇ​ന​ങ്ങ​ളി​ലാ​യി ജി​ല്ല​യെ പ്ര​തി​നി​ധീ​ക​രി​ച്ച് 1700ഓ​ളം കാ​യി​ക​താ​ര​ങ്ങ​ളാ​ണ് ഇ​ത്ത​വ​ണ മ​ത്സ​രി​ക്കാ​നി​റ​ങ്ങി​യ​ത്. മേ​ള​ക്ക് കൊ​ടി​യി​റ​ങ്ങാ​ൻ 48 മ​ണി​ക്കൂ​ർ ബാ​ക്കി​നി​ൽ​ക്കെ എ​തി​രാ​ളി​ക​ളെ ബ​ഹു​ദൂ​രം പി​ന്നി​ലാ​ക്കി മു​ഖ്യ​മ​ന്ത്രി​യു​ടെ പേ​രി​ലു​ള്ള 117.5 പ​വ​ന്‍റെ സ്വ​ർ​ണ​ക്ക​പ്പ് തി​രു​വ​ന​ന്ത​പു​രം ഉ​റ​പ്പി​ച്ച് ക​ഴി​ഞ്ഞു.​ സം​സ്ഥാ​ന സ്‌​കൂ​ൾ കാ​യി​ക​മേ​ള​യു​ടെ ച​രി​ത്ര​ത്തി​ൽ ആ​ദ്യ​മാ​യി ഓ​വ​റോ​ൾ ചാ​മ്പ്യ​ൻ​ഷി​പ്പ് നേ​ടു​ന്ന ജി​ല്ല​യ്ക്ക് ഇ​ത്ത​വ​ണ മു​ഖ്യ​മ​ന്ത്രി​യു​ടെ സ്വ​ർ​ണ​ക്ക​പ്പ് സ​മ്മാ​നി​ക്കു​ന്ന​ത്. പ​ക്ഷേ താ​ര​ങ്ങ​ളോ​ട് ജി​ല്ല​യി​ലെ വി​ദ്യാ​ഭ്യാ​സ വ​കു​പ്പ് കാ​ണി​ക്കു​ന്ന അ​വ​ഹേ​ള​ന​ത്തി​ൽ കാ​യി​കാ​ധ്യാ​പ​ക​രും ര​ക്ഷി​താ​ക്ക​ളും കു​ട്ടി​ക​ളും നി​രാ​ശ​യി​ലാ​ണ്.