അമീബിക് മസ്​തിഷ്കജ്വരം: ദുരൂഹത മാറാതെ നെയ്യാറ്റിൻകര കണ്ണറവിള കാവിൻകുളം

നെ​യ്യാ​റ്റി​ൻ​ക​ര: ക​ഴി​ഞ്ഞ​ദി​വ​സം മ​സ്​​തി​ഷ്ക​ജ്വ​രം ബാ​ധി​ച്ച് നെ​യ്യാ​റ്റി​ൻ​ക​ര​യി​ൽ യു​വാ​വ് മ​രി​ച്ച​തോ​ടെ ​പ്ര​ദേ​ശ​വാ​സി​ക​ൾ ആ​ശ​ങ്ക​യി​ൽ. ക​ണ്ണ​റ​വി​ള പു​തം​കോ​ട് അ​നു​ലാ​ൽ ഭ​വ​നി​ൽ അ​ഖി​ൽ(27) ആ​ണ്​ മ​രി​ച്ച​ത്. സ​മാ​ന രോ​ഗ​ല​ക്ഷ​ണ​ങ്ങ​ളു​മാ​യി അ​ഞ്ചു​പേ​ർ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ചി​കി​ത്സ​യി​ലു​ള്ള​താ​ണ് ആ​ശ​ങ്ക​ക്കി​ട​യാ​ക്കു​ന്ന​ത്. നെ​ല്ലി​മൂ​ട് കാ​വി​ൻ​കു​ള​ത്തി​ൽ കു​ള​ത്തി​ൽ കു​ളി​ച്ച​താ​ണ് രോ​ഗ​ത്തി​നി​ട​യാ​ക്കി​യ​തെ​ന്നാ​ണ് സം​ശ​യം. അ​ഖി​ലി​ന്‍റെ മ​ര​ണ​ത്തെ​ത്തു​ട​ർ​ന്ന് കു​ളം വ​ല​കെ​ട്ടി അ​ട​ച്ചു. ഇ​വി​ടെ കു​ളി​ച്ച​വ​രാ​ണ് ആ​ശു​പ​ത്രി​യി​ൽ നി​രീ​ക്ഷ​ണ​ത്തി​ലു​ള്ള​ത്.

കു​ള​ത്തി​ൽ​നി​ന്നു​ള്ള സാ​മ്പി​ൾ പ​രി​ശോ​ധ​ന​യി​ൽ കു​ള​ത്തി​ലെ വെ​ള്ള​ത്തി​ന് കു​ഴ​പ്പ​മി​ല്ലെ​ന്ന് ക​ണ്ടെ​ത്തി​യി​രു​ന്നു. യു​വാ​ക്ക​ൾ​ക്ക് എ​ങ്ങ​നെ രോ​ഗ​ബാ​ധി​ത​രാ​യെ​ന്ന് ക​ണ്ടെ​ത്താ​നാ​വാ​ത്ത​ത്​ ആ​രോ​ഗ്യ​വ​കു​പ്പി​ന്‍റെ നി​സ്സം​ഗ​താ​യാ​ണെ​ന്ന്​ നാ​ട്ടു​കാ​ർ പ​റ​യു​ന്നു. കാ​വി​ൻ​കു​ള​ത്തി​ൽ​നി​ന്ന് ഒ​ഴു​കി​യെ​ത്തു​ന്ന വെ​ള്ളം സ​മീ​പ​ത്തു​ള്ള പ​ർ​ച്ച​ക്കു​ള​ത്തി​ൽ എ​ത്തു​ന്നു. ഇ​വി​ടെ​നി​ന്ന് പ​മ്പ് ചെ​യ്ത്​ സ​മീ​പ​ത്തെ നാ​ലോ​ളം വാ​ർ​ഡു​ക​ളി​ൽ കു​ടി​വെ​ള്ളം എ​ത്തി​ക്കു​ന്ന​താ​യും നാ​ട്ടു​കാ​ർ പ​റ​യു​ന്നു. നി​ര​വ​ധി​പേ​രാ​ണ് സം​ശ​യ​ത്തെ തു​ട​ർ​ന്ന് ചി​കി​ത്സ തേ​ടു​ന്ന​ത്. പ​ഞ്ചാ​യ​ത്തി​ന്‍റെ​യും സ​ർ​ക്കാ​റി​ന്‍റെ അ​ടി​യ​ന്ത​ര ന​ട​പ​ടി​യാ​ണ്​ നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.