മരം നട്ട് നവദമ്പതികൾ മാതൃകയായി

പോത്തൻകോട്: വധുവിന്​ വിവാഹ പുടവ കൈമാറിയ ഉടനെ വരൻ വധുവി​െൻറ കൈപിടിച്ച് മണ്ഡപത്തിൽ നിന്നിറങ്ങി ക്ഷേത്രമുറ്റത്തി​െൻറ ഒരുകോണിൽ ഫലവൃക്ഷത്തൈ നട്ടത്​ ഏവർക്ക​ും മാതൃകയായി. പോത്തൻകോട് പണിമൂല ദേവീക്ഷേത്രത്തിൽ നടന്ന വിവാഹ ചടങ്ങിനിടെയാണ് സംഭവം.

കടയ്ക്കാവൂർ നിലയ്ക്കാമുക്ക് ചീരുമൂല കൊച്ചുതെങ്ങുവിള വീട്ടിൽ ദേവരാജ​െൻറയും രാജേശ്വരിയുടെയും മകനും പരിസ്ഥിതി പ്രവർത്തകനുമായ ഡി.ആർ. അരുണും പോത്തൻകോട് അരിയോട്ടുകോണം വാഴവിള തൊടിയിൽവീട്ടിൽ കെ. രത്‌നാകര​െൻറയും ഡി. ചന്ദ്രികയുടെയും മകൾ രേഷ്മ സി.ആറും തമ്മിൽ ലോക പരിസ്ഥിതി ദിനമായ ഇന്നലെ നടന്ന വിവാഹ ചടങ്ങാണ് വേറിട്ട അനുഭവമാക്കി മാറ്റിയത്.

സജീവ പരിസ്ഥിതി വാദിയായ അരുൺ ത​െൻറ വിവാഹം പ്രമാണിച്ച് പണിമൂല ക്ഷേത്രത്തിന് ഉൾപ്പെടെ ഫലവൃക്ഷങ്ങളും ഔഷധസസ്യങ്ങളുടെ തൈകളും സൗജന്യമായി വിതരണം ചെയ്തിരുന്നു.