വിളപ്പിൽശാല: മണ്ണിട്ട്​ മൂടിയ പ്ലാസ്റ്റിക്​ മാലിന്യം നീക്കാൻ നടപടിയില്ല

നേ​മം: വി​ള​പ്പി​ൽ ശാ​ല​യി​ലെ ച​വ​ർ ഫാ​ക്ട​റി അ​ട​ച്ചു​പൂ​ട്ടി വ​ർ​ഷ​ങ്ങ​ൾ ക​ഴി​ഞ്ഞി​ട്ടും അ​വി​ടെ മ​ണ്ണി​ട്ട്​ മൂ​ടി​യ പ്ലാ​സ്റ്റി​ക്​ മാ​ലി​ന്യം നീ​ക്കാ​ൻ ന​ട​പ​ടി​യി​ല്ല.​ 2015ലാ​ണ്​ ച​വ​ർ ഫാ​ക്ട​റി അ​ട​ച്ചു​പൂ​ട്ടാ​ൻ ഉ​ത്ത​ര​വ്​ വ​ന്ന​ത്. ആ​റു മാ​സ​ത്തി​നു​ള്ളി​ൽ പ്ലാ​സ്റ്റി​ക് മാ​ലി​ന്യം നീ​ക്കം ചെ​യ്യ​ണ​മെ​ന്നും ദേ​ശീ​യ ഹ​രി​ത ട്രൈ​ബ്യൂ​ണ​ൽ ഉ​ത്ത​ര​വി​ട്ടി​രു​ന്നു.

എ​ന്നാ​ൽ, ഈ ​ഉ​ത്ത​ര​വ് പാ​ലി​ക്കാ​ൻ തി​രു​വ​ന​ന്ത​പു​രം ന​ഗ​ര​സ​ഭ ഇ​തു​വ​രെ​യും ത​യാ​റാ​യി​ട്ടി​ല്ല. ട​ൺ​ക​ണ​ക്കി​ന് പ്ലാ​സ്റ്റി​ക് മാ​ലി​ന്യ​ങ്ങ​ളാ​ണ്​ മ​ണ്ണി​ട്ട്​ മൂ​ടി​യ​ത്. ഒ​രു ജ​ന​ത​യു​ടെ വ​ർ​ഷ​ങ്ങ​ൾ നീ​ണ്ട നി​യ​മ പോ​രാ​ട്ട​ങ്ങ​ൾ​ക്കൊ​ടു​വി​ൽ ദേ​ശീ​യ ഹ​രി​ത ട്രൈ​ബ്യൂ​ണ​ലാ​ണ്​ ച​വ​ർ ഫാ​ക്ട​റി അ​ട​ച്ചു​പൂ​ട്ടാ​ൻ ഉ​ത്ത​ര​വി​ട്ട​ത് ഈ ​ഗ്രാ​മ​ത്തി​ന്​ ന​ൽ​കി​യ ആ​ശ്വാ​സം ചെ​റു​താ​യി​രു​ന്നി​ല്ല.

23 വ​ർ​ഷം മു​മ്പാ​ണ് ന​ഗ​ര​ത്തി​ലെ മാ​ലി​ന്യം കു​ഴി​ച്ചു​മൂ​ടു​ന്ന​തി​നു​വേ​ണ്ടി വി​ള​പ്പി​ൽ​ശാ​ല ഗ്രാ​മ​ത്തെ അ​ന്ന​ത്തെ സ​ർ​ക്കാ​ർ തെ​ര​ഞ്ഞെ​ടു​ത്ത​ത്. സം​സ്ക​ര​ണം മാ​ത്ര​മെ​ന്നു പ​റ​ഞ്ഞ് വി​ള​പ്പി​ൽ​ശാ​ല​യി​ൽ ച​വ​ർ ഫാ​ക്ട​റി സ്ഥാ​പി​ക്കു​ക​യും ഒ​ടു​വി​ൽ വി​ള​പ്പി​ൽ​ശാ​ല ജ​ന​ത​യെ ഒ​ന്നാ​കെ മാ​ലി​ന്യ​ത്തി​ന്റെ വ​റു​തി​യി​ൽ മു​ക്കു​ക​യു​മാ​യി​രു​ന്നു.

ഇ​പ്പോ​ൾ ന​ഗ​ര മാ​ലി​ന്യ​ങ്ങ​ൾ വി​ള​പ്പി​ൽ​ശാ​ല​യി​ലേ​ക്ക് കൊ​ണ്ടു​വ​രു​ന്നി​ല്ലെ​ങ്കി​ലും ഇ​വി​ടെ വ​ർ​ഷ​ങ്ങ​ളാ​യി മ​ണ്ണി​ൽ അ​ടി​ഞ്ഞു​കൂ​ടി​ക്കി​ട​ക്കു​ന്ന ട​ൺ​ക​ണ​ക്കി​ന് മാ​ലി​ന്യം ഭാ​വി​ത​ല​മു​റ​ക്ക്​ ദോ​ഷം ചെ​യ്യും. ഇ​തി​നി​ടെ, പ്ലാ​സ്റ്റി​ക് മ​ല​യ്ക്ക് മു​ക​ളി​ൽ ടൗ​ൺ​ഷി​പ്​ പ​റ​യാ​നു​ള്ള ന​ട​പ​ടി​ക​ളി​ലാ​ണ്​ ന​ഗ​ര​സ​ഭ.

അ​ര​ല​ക്ഷ​ത്തി​ലേ​റെ ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന ഗ്രാ​മ​മാ​ണ് വി​ള​പ്പി​ൽ​ശാ​ല. പ്ലാ​സ്റ്റി​ക് മ​ല​യി​ൽ വ​മ്പ​ൻ​ഷീ​റ്റ് മൂ​ടി അ​തി​നു​മു​ക​ളി​ൽ ലോ​ഡ് ക​ണ​ക്കി​ന് മ​ണ്ണ് കൊ​ണ്ടി​ട്ട ശേ​ഷം കൃ​ത്രി​മ പ​ച്ച​പ്പു​ണ്ടാ​ക്കി​യെ​ടു​ത്തി​രി​ക്കു​ക​യാ​ണ്. മ​ണ്ണി​ന​ടി​യി​ൽ കി​ട​ക്കു​ന്ന പ്ലാ​സ്റ്റി​ക്കി​നു​ള്ളി​ൽ വാ​യു കു​മി​ഞ്ഞു​കൂ​ടി ഇ​വ​യെ​ല്ലാം കൂ​ടി പൊ​ട്ടി​ത്തെ​റി​ക്കു​മെ​ന്ന് വി​ദ​ഗ്ധ​ർ അ​ഭി​പ്രാ​യ​പ്പെ​ടു​ന്നു​ണ്ട്.

എ.​പി.​ജെ. അ​ബ്ദു​ൽ ക​ലാം സാ​ങ്കേ​തി​ക സ​ർ​വ​ക​ലാ​ശാ​ല വ​രാ​ൻ പോ​കു​ന്ന​ത് ഈ ​ച​വ​ർ​മ​ല​യ്ക്ക് സ​മീ​പ​മാ​ണ്. ചു​രു​ക്ക​ത്തി​ൽ വി​ള​പ്പി​ൽ​ശാ​ല​യി​ലെ ജ​ന​ത​ക്കും വി​ദ്യാ​ഭ്യാ​സം ചെ​യ്യു​ന്ന​തി​നു വേ​ണ്ടി പു​റ​ത്തു​നി​ന്ന് ഇ​വി​ടെ എ​ത്തി​ച്ചേ​രു​ന്ന​വ​ർ​ക്കും ഭീ​ഷ​ണി ത​ന്നെ​യാ​ണ് ഈ ​പ്ലാ​സ്റ്റി​ക് മ​ല. പ്ലാ​സ്റ്റി​ക് മാ​ലി​ന്യം നീ​ക്കം ചെ​യ്ത് വി​ള​പ്പി​ൽ​ശാ​ല​യെ സാ​ധാ​ര​ണ നി​ല​യി​ലേ​ക്ക്​ കൊ​ണ്ടു​വ​ര​ണ​മെ​ന്ന ആ​വ​ശ്യം ശ​ക്ത​മാ​ണ്.