ഉദ്ഘാടനത്തിന് മന്ത്രി എത്തിയില്ല; ചീലപ്പാറ പ്ലാന്‍റ്​ നീരണിഞ്ഞില്ല

നേ​മം: നാ​ലു​വ​ർ​ഷ​മാ​യി വി​ള​പ്പി​ൽ ജ​ന​ത കാ​ത്തി​രി​ക്കു​ന്ന ചീ​ല​പ്പാ​റ ശു​ദ്ധ​ജ​ല പ്ലാ​ന്റി​ന്റെ ഉ​ദ്ഘാ​ട​ന​ത്തി​ന് ജ​ല​മ​ന്ത്രി റോ​ഷി അ​ഗ​സ്റ്റി​ൻ എ​ത്തി​യി​ല്ല. ഇ​തോ​ടെ വി​ള​പ്പി​ൽ പ​ഞ്ചാ​യ​ത്തി​ലെ കു​ടി​വെ​ള്ള പ്ര​ശ്നം ശാ​ശ്വ​ത​മാ​യി പ​രി​ഹ​രി​ക്കാ​മെ​ന്ന ജ​ന​ങ്ങ​ളു​ടെ മോ​ഹ​ത്തി​ന് വീ​ണ്ടും തി​രി​ച്ച​ടി.

ഇ​തി​നു​മു​മ്പും പ​ല​വ​ട്ടം നി​ശ്ച​യി​ച്ച ഉ​ദ്ഘാ​ട​നം പ​ല കാ​ര​ണ​ങ്ങ​ളാ​ൽ മു​ട​ങ്ങി. ഉ​ദ്ഘാ​ട​ന ച​ട​ങ്ങ് പൊ​ലി​പ്പി​ക്കാ​ൻ സ്റ്റേ​ജും മൈ​ക്കും ക​മാ​ന​ങ്ങ​ളും ഒ​രു​ക്കാ​ൻ പ​തി​നാ​യി​ര​ങ്ങ​ൾ ചെ​ല​വ​ഴി​ച്ച വാ​ട്ട​ർ അ​തോ​റി​റ്റി​ക്ക് മു​ട​ക്കി​യ പ​ണം ന​ഷ്ട​മാ​യി.

മൂ​ന്ന് പ​തി​റ്റാ​ണ്ട് മു​മ്പ് പു​ളി​യ​റ​ക്കോ​ണം ക​വി​ൻ​പു​റ​ത്ത് സ്ഥാ​പി​ച്ച 3.3 എം.​എ​ൽ.​ഡി ശേ​ഷി​യു​ള്ള ശു​ദ്ധ​ജ​ല സം​ഭ​ര​ണി​യി​ൽ​നി​ന്നു​ള്ള വെ​ള്ള​മാ​ണ് വി​ള​പ്പി​ൽ പ​ഞ്ചാ​യ​ത്തി​ലെ ഒ​രു പ്ര​ദേ​ശ​ത്ത് ആ​ഴ്ച​യി​ൽ ഒ​രി​ക്ക​ലെ​ന്ന ക​ണ​ക്കി​ൽ തൊ​ണ്ട ന​ന​യ്ക്കാ​ൻ ന​ൽ​കു​ന്ന​ത്.

പ​ഞ്ചാ​യ​ത്തി​ലെ കു​ടി​വെ​ള്ള ക്ഷാ​മ​ത്തി​ന് ശാ​ശ്വ​ത പ​രി​ഹാ​രം കാ​ണു​ക എ​ന്ന ല​ക്ഷ്യ​ത്തോ​ടെ​യാ​ണ് 2018ൽ ​ചീ​ല​പ്പാ​റ​യി​ൽ പു​തി​യ പ്ലാ​ന്‍റി​ന്‍റെ നി​ർ​മാ​ണം ആ​രം​ഭി​ച്ച​ത്. ബു​ധ​നാ​ഴ്ച ഒ​രു​ക്ക​ങ്ങ​ളെ​ല്ലാം പൂ​ർ​ത്തി​യാ​ക്കി​യ​തി​നാ​ൽ മ​ന്ത്രി​യ​ല്ലെ​ങ്കി​ൽ മ​റ്റാ​രെ​യെ​ങ്കി​ലും​കൊ​ണ്ട്​ ഉ​ദ്ഘാ​ട​നം ചെ​യ്യി​ക്കാ​ൻ പ​ഞ്ചാ​യ​ത്ത് ആ​വ​ശ്യ​പ്പെ​ട്ടെ​ങ്കി​ലും ന​ട​ന്നി​ല്ല. ക​ര​മ​ന​യാ​റ്റി​ലെ കാ​വ​ടി​ക്ക​ട​വി​ൽ ത​ട​യ​ണ, പ​മ്പ് ഹൗ​സ് എ​ന്നി​വ നി​ർ​മി​ച്ചി​ട്ടു​ണ്ട്.

കാ​വ​ടി​ക്ക​ട​വി​ൽ​നി​ന്ന് ജ​ലം ചീ​ല​പ്പാ​റ​യി​ലെ ശു​ദ്ധീ​ക​ര​ണ പ്ലാ​ന്റി​ൽ എ​ത്തി​ച്ചാ​ണ് വി​ത​ര​ണ​ത്തി​ന് സ​ജ്ജ​മാ​ക്കി​യി​രി​ക്കു​ന്ന​ത്. മ​റ്റൊ​രു പ്ര​ധാ​ന പ​രി​പാ​ടി​യി​ൽ പ​ങ്കെ​ടു​ക്കാ​നു​ള്ള​തു​കൊ​ണ്ടാ​ണ് മ​ന്ത്രി ഉ​ദ്ഘാ​ട​ന പ​രി​പാ​ടി​ക്ക് എ​ത്താ​ൻ സാ​ധി​ക്കാ​തി​രു​ന്ന​തെ​ന്ന്​ അ​ധി​കൃ​ത​ർ പ​റ​യു​ന്നു. മേ​യ് അ​വ​സാ​നി​ക്കും​മു​മ്പ് പ്ലാ​ന്റി​ന്റെ ഉ​ദ്ഘാ​ട​നം ന​ട​ത്താ​ൻ എ​ത്തു​മെ​ന്ന് മ​ന്ത്രി ഉ​റ​പ്പു​ന​ൽ​കി​യ​താ​യി വി​ള​പ്പി​ൽ പ​ഞ്ചാ​യ​ത്ത് പ്ര​സി​ഡ​ൻ​റ് ലി​ല്ലി മോ​ഹ​ന​ൻ ‘മാ​ധ്യ​മ’​ത്തോ​ട് പ​റ​ഞ്ഞു.