മാലിന്യം നിറഞ്ഞ്​ പാരൂർക്കുഴി

നേ​മം: പ​ള്ളി​ച്ച​ൽ പാ​രൂ​ർ​ക്കു​ഴി​ക്ക് സ​മീ​പം പ്ലാ​സ്റ്റി​ക് മാ​ലി​ന്യ​മ​ട​ക്കം വ​ലി​യ തോ​തി​ൽ ത​ള്ളു​ന്ന​തി​നാ​ൽ വ​ഴി​യാ​ത്രി​ക​ർ ദു​രി​ത​ത്തി​ൽ. ക​ര​മ​ന-​ക​ളി​യി​ക്കാ​വി​ള ദേ​ശീ​യ​പാ​ത​യി​ൽ പാ​രൂ​ർ​ക്കു​ഴി ജ​ങ്​​ഷ​ന​ടു​ത്ത്​ തി​രു​വ​ന​ന്ത​പു​രം ഭാ​ഗ​ത്തേ​ക്കു​ള്ള ന​ട​പ്പാ​ത​യി​ലാ​ണ്​ മാ​ലി​ന്യം ത​ള്ളു​ന്ന​ത്.

ഇ​ന്റ​ർ​ലോ​ക്ക് ചെ​യ്തി​ട്ടു​ള്ള ന​ട​പ്പാ​ത​യു​ടെ ഭാ​ഗ​ങ്ങ​ൾ കാ​ടു​പി​ടി​ച്ചു കി​ട​ക്കു​ന്ന​താ​ണ് മാ​ലി​ന്യം നി​ക്ഷേ​പ​ക​ർ​ക്ക് സൗ​ക​ര്യ​മാ​വു​ന്ന​ത്. പ്ലാ​സ്റ്റി​ക് ക​വ​റു​ക​ളും മ​ത്സ്യ-​മാം​സ അ​വ​ശി​ഷ്ട​ങ്ങ​ളും ചാ​ക്കു​ക​ളി​ലാ​ക്കി​യ മാ​ലി​ന്യ​വും പ​ച്ച​ക്ക​റി​യു​ടെ അ​വ​ശി​ഷ്ട​ങ്ങ​ളും ഇ​വി​ടെ​യു​ണ്ട്. ഇ​ട​യ്ക്കി​ടെ തൊ​ഴി​ലാ​ളി​ക​ൾ മാ​ലി​ന്യം നീ​ക്കം ചെ​യ്തി​രു​ന്നെ​ങ്കി​ലും ഇ​പ്പോ​ൾ അ​തു പൂ​ർ​ണ​മാ​യും നി​ല​ച്ച മ​ട്ടാ​ണ്. പ്ലാ​സ്റ്റി​ക് മാ​ലി​ന്യ​വും കു​ന്നു​കൂ​ടി​യ​തോ​ടെ ന​ട​പ്പാ​ത​യി​ലും റോ​ഡി​ലേ​ക്കും ഇ​വ വ്യാ​പി​ച്ചു.

രാ​ത്രി​യി​ൽ ഇ​തു​വ​ഴി വാ​ഹ​ന​ങ്ങ​ളി​ലൂ​ടെ ക​ട​ന്നു​പോ​കു​ന്ന​വ​രാ​ണ് പ്ര​ധാ​ന​മാ​യും മാ​ലി​ന്യം നി​ക്ഷേ​പി​ച്ചു ക​ട​ന്നു​ക​ള​യു​ന്ന​ത്. സ​മീ​പ​ത്തെ അ​റ​വു​ശാ​ല​ക​ളി​ൽ​നി​ന്നും മാ​ലി​ന്യം കൊ​ണ്ടു​വ​ന്ന്​ ത​ള്ളു​ന്നു​ണ്ട്. പാ​രൂ​ർ​ക്കു​ഴി​യി​ലെ മാ​ലി​ന്യ നി​ക്ഷേ​പം ഇ​ല്ലാ​താ​ക്കു​ന്ന​തി​ന് അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന നാ​ട്ടു​കാ​രു​ടെ ആ​വ​ശ്യം ശ​ക്ത​മാ​യി​ട്ടു​ണ്ട്.