പതിറ്റാണ്ടിന്‍റെ കാത്തിരിപ്പ്; വിളപ്പില്‍ശാലയില്‍ നീന്തല്‍ക്കുളം വരുമോ?

നേ​മം: നീ​ണ്ട 10 വ​ര്‍ഷ​ത്തെ കാ​ത്തി​രി​പ്പി​നൊ​ടു​വി​ലും വി​ള​പ്പി​ല്‍ശാ​ല​ക്കാ​ര്‍ക്ക് നീ​ന്ത​ല്‍ക്കു​ളം യാ​ഥാ​ർ​ഥ്യ​മാ​യി​ല്ല. വി​ള​പ്പി​ല്‍ശാ​ല കൊ​ങ്ങ​പ്പ​ള്ളി​യി​ലെ ഇ​ര​ട്ട​ക്കു​ള​ങ്ങ​ളി​ല്‍ ഒ​ന്ന് നീ​ന്ത​ല്‍ക്കു​ള​മാ​ക്കി മാ​റ്റാ​നു​ള്ള തീ​രു​മാ​ന​മാ​ണ് അ​ന​ന്ത​മാ​യി നീ​ളു​ന്ന​ത്. വി​ള​പ്പി​ല്‍ പ​ഞ്ചാ​യ​ത്ത് ത​യാ​റാ​ക്കി ന​ല്‍കി​യ പ​ദ്ധ​തി സം​സ്ഥാ​ന സ്‌​പോ​ര്‍ട്‌​സ് കൗ​ണ്‍സി​ല്‍ അം​ഗീ​ക​രി​ച്ചു.

2014ല്‍ ​പ്രാ​ഥ​മി​ക ന​ട​പ​ടി​ക​ളും സ്വീ​ക​രി​ച്ചു. കാ​ട്ടാ​ക്ക​ട മ​ണ്ഡ​ല​ത്തി​ലെ ആ​റ് പ​ഞ്ചാ​യ​ത്തു​ക​ളി​ലും നീ​ന്ത​ല്‍ ക്കു​ള​ങ്ങ​ളി​ല്ല. നീ​ന്ത​ല്‍ താ​ര​ങ്ങ​ളാ​വാ​ന്‍ കൊ​തി​ക്കു​ന്ന നി​ര​വ​ധി കു​ട്ടി​ക​ള്‍ ഈ ​മേ​ഖ​ല​യി​ലു​ണ്ട്. ഇ​വ​രി​ല്‍ പ​ല​രും ന​ഗ​ര​ത്തി​ലെ നീ​ന്ത​ല്‍ കു​ള​ങ്ങ​ളി​ല്‍ പോ​യാ​ണ് പ​രി​ശീ​ല​നം നേ​ടു​ന്ന​ത്. ഇ​ത് മ​ന​സി​ലാ​ക്കി​യാ​ണ് കൊ​ങ്ങ​പ്പ​ള്ളി ഇ​ര​ട്ട​ക്കു​ള​ങ്ങ​ളി​ല്‍ ഒ​ന്ന്​ നീ​ന്ത​ല്‍കു​ള​മാ​ക്കാ​ന്‍ പ​ഞ്ചാ​യ​ത്ത് ഭ​ര​ണ​സ​മി​തി പ​ദ്ധ​തി ത​യാ​റാ​ക്കി​യ​ത്. ക​ടു​ത്ത വേ​ന​ലി​ലും ജ​ല​സ​മൃ​ദ്ധ​മാ​ണ് കൊ​ങ്ങ​പ്പ​ള്ളി കു​ള​ങ്ങ​ള്‍.

ഒ​ന്നി​ല്‍ നീ​ന്ത​ല്‍ ട്രാ​ക്കു​ക​ള്‍, കു​ള​ത്തി​ലേ​ക്ക് ഇ​റ​ങ്ങാ​നു​ള്ള പ​ട​വു​ക​ള്‍, വ​ശ​ങ്ങ​ളി​ല്‍ പു​ല്‍ത്ത​കി​ടി, വ​സ്ത്ര​ങ്ങ​ള്‍ മാ​റാ​നു​ള്ള മു​റി എ​ന്നി​വ പ​ദ്ധ​തി രേ​ഖ​യി​ലു​ണ്ടാ​യി​രു​ന്നു. സ്‌​പോ​ര്‍ട്‌​സ് കൗ​ണ്‍സി​ല്‍ പ്ര​സി​ഡ​ന്റ്, ഉ​ദ്യോ​ഗ​സ്ഥ​ര്‍ എ​ന്നി​വ​ര്‍ സ്ഥ​ലം സ​ന്ദ​ര്‍ശി​ച്ച്​ നീ​ന്ത​ല്‍ക്കു​ളം യാ​ഥാ​ർ​ഥ്യ​മാ​കു​മെ​ന്ന ഉ​റ​പ്പ് ന​ല്‍കി​യി​ട്ട് പ​തി​റ്റാ​ണ്ട്​ പി​ന്നി​ട്ടു.