കു​ട്ടി​ക്ക​ര്‍ഷ​ക​ന് വി​ജ​യ​ത്തി​ള​ക്കം; മി​ക​ച്ച വി​ദ്യാ​ര്‍ഥി ക​ര്‍ഷ​ക പ്ര​തി​ഭാ പു​ര​സ്‌​കാ​രം

നേ​മം: കു​ട്ടി​ക​ര്‍ഷ​ക​ന് പ​ഠ​ന​ത്തി​നൊ​പ്പം കാ​ര്‍ഷി​ക വി​ജ​യം. എ​ട്ടാം ക്ലാ​സു​കാ​ര​ന്‍ നേ​ടി​യെ​ടു​ത്ത​ത് സം​സ്ഥാ​ന​ത്തെ മി​ക​ച്ച വി​ദ്യാ​ര്‍ഥി ക​ര്‍ഷ​ക പ്ര​തി​ഭാ പു​ര​സ്‌​കാ​രം. പ​ള്ളി​ച്ച​ല്‍ ന​രു​വാ​മൂ​ട് ചി​ന്മ​യ വി​ദ്യാ​യ​ത്തി​ലെ അ​മ​ര്‍നാ​ഥാ​ണ് (13) പു​ര​സ്‌​കാ​രം നേ​ടി​യ​ത്. നേ​മം ഇ​ട​യ്ക്കോ​ട് മ​ണ്ണാം​വി​ള ന​ന്ദ​നം വീ​ട്ടി​ല്‍ അ​ജി​ത്ത്കു​മാ​ര്‍-​പ്രി​യ ദ​മ്പ​തി​ക​ളു​ടെ മ​ക​നാ​ണ് അ​മ​ര്‍നാ​ഥ്. മു​ത്ത​ച്ഛ​ന്‍ റി​ട്ട. കെ.​എ​സ്.​ആ​ര്‍.​ടി.​സി ഉ​ദ്യോ​ഗ​സ്ഥ​ന്‍ മോ​ഹ​ന​ന്‍കു​ട്ടി നാ​യ​ര്‍ വ​ഴി​യാ​ണ് അ​മ​ര്‍നാ​ഥി​ന് കൃ​ഷി​യു​ടെ ബാ​ല​പാ​ഠ​ങ്ങ​ള്‍ പ​ക​ര്‍ന്നു​കി​ട്ടി​യ​ത്. 50 സെൻറ്​ പു​ര​യി​ട​ത്തി​ലും വീ​ടി​െൻറ മ​ട്ടു​പ്പാ​വി​ലും ജൈ​വ​കൃ​ഷി​യി​ലൂ​ടെ അ​വ​ന്‍ വി​ള​യി​ച്ച​ത് നൂ​റു​മേ​നി.

50 ഓ​ളം ഇ​നം പ​ച്ച​ക്ക​റി​ക​ള്‍ അ​മ​ര്‍നാ​ഥി​െൻറ കൃ​ഷി​യി​ട​ത്തി​ലു​ണ്ട്. സ്‌​കൂ​ള്‍ ഉ​ണ്ടാ​യി​രു​ന്ന​പ്പോ​ള്‍ അ​മ​ര്‍നാ​ഥ് രാ​വി​ലെ​യും അ​വ​ധി ദി​വ​സ​ങ്ങ​ളി​ലു​മാ​ണ് കൃ​ഷി​ക്കി​റ​ങ്ങു​ന്ന​ത്. പേ​ര​ക്കു​ട്ടി​യു​ടെ കാ​ര്‍ഷി​ക ശീ​ല​ത്തി​ന് പി​ന്തു​ണ​യു​മാ​യി മു​ത്ത​ച്ഛ​നും ഒ​പ്പം കൂ​ടും. വ​ള​മി​ടു​ന്ന​തി​നും വി​ള​ക​ള്‍ പ​രി​പാ​ലി​ക്കു​ന്ന​തി​നും അ​മ​ര്‍നാ​ഥി​ന് പ്ര​ത്യേ​ക താ​ൽ​പ​ര്യ​മു​ണ്ടാ​യി​രു​ന്ന​താ​യി നേ​മ​ത്ത് മെ​ഡി​ക്ക​ല്‍ സ്​​റ്റോ​ര്‍ ന​ട​ത്തു​ന്ന അ​ച്ഛ​ന്‍ അ​ജി​ത്ത് കു​മാ​ര്‍. പ​ഠ​ന​ത്തി​ലും കൃ​ഷി​കാ​ര്യ​ങ്ങ​ളി​ലും മാ​ത്ര​മ​ല്ല, ആ​യോ​ധ​ന ക​ല​യി​ലും അ​മ​ര്‍നാ​ഥ് ഒ​ന്നാ​മ​നാ​ണ്.

ക​ള​രി​യി​ല്‍ സം​സ്ഥാ​ന ചാ​മ്പ്യ​നാ​ണ് ഈ ​കു​ട്ടി​ക്ക​ര്‍ഷ​ക​ന്‍. സ്‌​കൂ​ളി​ലും കൃ​ഷി​ക്ക് നേ​തൃ​ത്വം കൊ​ടു​ക്കു​ന്ന​ത് അ​മ​ര്‍നാ​ഥാ​ണ്. മ​റ്റ് കു​ട്ടി​ക​ള്‍ക്ക് പ്ര​ചോ​ദ​ന​മാ​കാ​ന്‍ കു​റ​ച്ചു​നാ​ള്‍ മു​മ്പ് സ്‌​കൂ​ള്‍ അ​ധി​കൃ​ത​ര്‍ അ​മ​ര്‍നാ​ഥി​െൻറ കൃ​ഷി​യി​ടം കാ​ണാ​ന്‍ മ​റ്റ് വി​ദ്യാ​ര്‍ഥി​ക​ളു​മാ​യി വീ​ട്ടി​ലെ​ത്തി​യി​രു​ന്നു. ചീ​ര, വെ​ണ്ട, ത​ക്കാ​ളി, കാ​ബേ​ജ് തു​ട​ങ്ങി ക്വാ​ളി​ഫ്ല​വ​ര്‍ വ​രെ കൃ​ഷി ചെ​യ്യു​ന്ന ഈ ​കു​ടും​ബം വീ​ട്ടാ​വ​ശ്യ​ത്തി​നു​ള്ള പ​ച്ച​ക്ക​റി​ക​ള്‍ എ​ടു​ത്ത് ക​ഴി​ഞ്ഞാ​ല്‍ ബാ​ക്കി​യു​ള്ള​വ വി​ല്‍പ​ന ന​ട​ത്തി വ​രു​മാ​ന​മു​ണ്ടാ​ക്കു​ന്നു.

വീ​ട്ടു​മു​റ്റ​ത്തെ ഇ​ത്തി​രി​യി​ട​ത്തി​ല്‍ മ​ന​സ്സു​െ​വ​ച്ചാ​ല്‍ ആ​ര്‍ക്കും പൊ​ന്നു വി​ള​യി​ക്കാ​മെ​ന്ന സ​ന്ദേ​ശ​മാ​ണ് അ​മ​ര്‍നാ​ഥ് ന​ല്‍കു​ന്ന​ത്. ചി​ന്മ​യ സ്‌​കൂ​ളി​ലെ 12ാം ക്ലാ​സ് വി​ദ്യാ​ര്‍ഥി​നി അ​മൃ​ത​യാ​ണ് സ​ഹോ​ദ​രി. കൃ​ഷി​യെ സ്‌​നേ​ഹി​ച്ച് കൃ​ഷി​യ​റി​വു​ക​ള്‍ നേ​ടി മു​ന്നോ​ട്ടു​പോ​കു​ന്ന ഈ ​കു​ട്ടി​ക്ക​ര്‍ഷ​ക​ന് കൃ​ഷി ജീ​വ​ശ്വാ​സ​വു​മാ​ണ്.