വധശ്രമക്കേസ്‌ പ്രതികൾ പൊലീസ് പിടിയിൽ

നെടുമങ്ങാട്: പൂവത്തൂർ സ്വദേശി ജയചന്ദ്രനെ വീട്ടിൽ കയറി വെട്ടിക്കൊലപ്പെടുത്താൻ ശ്രമിച്ച കേസിൽ രണ്ടുപേർ പിടിയിൽ. നെടുമങ്ങാട് ചിറക്കാണി പൂവത്തൂർ ടവർ ജങ്​ഷന്​ സമീപം കുഞ്ചുവീട്ടിൽ ബിജു (40), ആനാട് ഇരിഞ്ചയം എസ്.എൻ.ഡി.പി ഹാളിന് സമീപം ഇടവിളാകത്തു വീട്ടിൽ ദീപു (36) എന്നിവരെയാണ് നെടുമങ്ങാട് പൊലീസ് അറസ്​റ്റ്​ ചെയ്തത്.

ജയചന്ദ്രനും ഭാര്യാസഹോദരനായ ബിജുവും തമ്മിലുള്ള വസ്തുതർക്കം പൊലീസിൽ പരാതിപ്പെട്ടതിലും ജയചന്ദ്ര​െൻറ മകൾ വീടുവിട്ടുപോയത് ജയചന്ദ്രൻ കാരണമാണെന്ന്​ തെറ്റിദ്ധരിച്ചും ബിജുവും കൂട്ടുകാരനായ ദീപുവൂം കൂടി വീട്ടിൽ ഉറങ്ങിക്കിടന്ന ജയചന്ദ്രനെ വിളിച്ചിറക്കി വെട്ടുകത്തികൊണ്ട് തലയിൽ വെട്ടിക്കൊലപ്പെടുത്താൻ ശ്രമിക്കുകയായിരുന്നു.

രക്ഷപ്പെട്ട് വീട്ടിലേക്ക് ഓടിക്കയറാൻ ശ്രമിച്ച ഇയാളെ ഇരുമ്പ് ചങ്ങലകൊണ്ട് അടിച്ചുവീഴ്ത്തി. അന്ന്​ രാത്രി 9.30ന്​ ജയചന്ദ്ര​െൻറ ഭാര്യയുടെ ബന്ധുവായ പേരൂർക്കട സ്വദേശി ദീപക്കിനെയും അമ്മയെയും വീട്ടിൽ കയറി ഇവർ മാരകമായി വെട്ടിപ്പരിക്കേൽപിച്ചിരുന്നു.

നെടുമങ്ങാട് ഡി വൈ.എസ്.പി ഉമേഷ് കുമാറി​െൻറ നിർ ദേശാനുസരണം നെടുമങ്ങാട് പൊലീസ് ഇൻസ്‌പെക്ടർ വി. രാജേഷ്കുമാറി​െൻറ നേതൃത്വത്തിൽ എസ്.ഐ മാരായ സുനിൽഗോപി, ഷിഹാബുദ്ദീൻ, വേണു, പ്രബേഷൻ എസ്.ഐ അനന്തകൃഷ്ണൻ, എ.എസ്.ഐ ഹസൻ, പൊലീസുകാരായ സനൽരാജ്, വിനു, സുലൈമാൻ എന്നിവർ ചേർന്നാണ് പ്രതികളെ അറസ്​റ്റ്​ ചെയ്തത്. കോടതി റിമാൻഡ്​ ചെയ്തു.