ശവസംസ്‌കാരത്തിനിടെ തീ പടർന്ന്​ അഞ്ചുപേര്‍ക്ക് പൊള്ളലേറ്റു

നെ​ടു​മ​ങ്ങാ​ട്: നെ​ടു​മ​ങ്ങാ​ട് ന​ഗ​ര​സ​ഭ​യു​ടെ പൊ​തു​ശ്മ​ശാ​ന​മാ​യ ക​ല്ല​മ്പാ​റ ശാ​ന്തി​തീ​ര​ത്തി​ലെ ഗ്യാ​സ് ഫ​ർ​ണ​റി​ൽ ശ​വ​സം​സ്‌​കാ​ര​ത്തി​നി​ടെ തീ ​ആ​ളി​പ്പ​ട​ർ​ന്ന്​ ബ​ന്ധു​ക്ക​ൾ ഉ​ള്‍പ്പെ​ടെ അ​ഞ്ചു​പേ​ര്‍ക്ക് പൊ​ള്ള​ലേ​റ്റു.

ന​ഗ​ര​സ​ഭ ജീ​വ​ന​ക്കാ​ര​നാ​യ റൊ​മേ​ഷി​നാ​ണ് ഗു​രു​ത​ര പൊ​ള്ള​ലേ​റ്റ​ത്. സം​സ്‌​കാ​ര​ച​ട​ങ്ങു​ക​ള്‍ക്കെ​ത്തി​യ നാ​ലു​പേ​ര്‍ക്കും കാ​ര്യ​മാ​യ പ​രി​ക്കു​ക​ളും പൊ​ള്ള​ലു​മു​ണ്ട്. വെ​ള്ളി​യാ​ഴ്ച വൈ​കീ​ട്ടോ​ടെ ശാ​ന്തി​തീ​ര​ത്തി​ല്‍ സം​സ്‌​കാ​ര​ത്തി​നെ​ത്തി​ച്ച ക​ല്ല​യം സ്വ​ദേ​ശി രാ​മ​ച​ന്ദ്ര​െൻറ മൃ​ത​ദേ​ഹം സം​സ്‌​ക​രി​ക്കു​ന്ന​തി​നി​ടെ​യാ​ണ് അ​പ​ക​ട​മു​ണ്ടാ​യ​ത്.

അ​േ​ന്ത്യാ​പ​ചാ​ര​ച്ച​ട​ങ്ങു​ക​ള്‍ ക​ഴി​ഞ്ഞ് ബ​ന്ധു​ക്ക​ള്‍ പു​റ​ത്തേ​ക്കി​റ​ങ്ങി. മൃ​ത​ശ​രീ​രം ഗ്യാ​സ് അ​ടു​പ്പി​ലേ​ക്ക്​ മാ​റ്റി​യ​ശേ​ഷം ജീ​വ​ന​ക്കാ​ര്‍ ഗ്യാ​സ് പ്ര​വ​ര്‍ത്തി​പ്പി​ച്ച​ത്തോ​ടെ​യാ​ണ് ഗ്യാ​സ്​ ലീ​ക്കാ​യി തീ ​ആ​ളി​പ്പ​ട​ർ​ന്ന​ത്. ഈ ​സ​മ​യം ജീ​വ​ന​ക്കാ​ര​നാ​യ റൊ​മേ​ഷാ​ണ് അ​ടു​ത്തു​ണ്ടാ​യി​രു​ന്ന​ത്. അ​തി​നാ​ലാ​ണ് ഇ​ദ്ദേ​ഹ​ത്തി​െൻറ പൊ​ള്ള​ല്‍ ഗു​രു​ത​ര​മാ​യ​ത്. ഉ​ട​ന്‍ത​ന്നെ ശ്മ​ശാ​ന​ത്തി​െൻറ പ്ര​വ​ര്‍ത്ത​നം കു​റ​ച്ചു​സ​മ​യ​ത്തേ​ക്ക്​ നി​ര്‍ത്തി​െ​വ​ച്ചു. പൊ​ള്ള​ലേ​റ്റ അ​ഞ്ചു​പേ​രേ​യും ആ​ശു​പ​ത്രി​യി​ലേ​ക്ക്​ മാ​റ്റി. പി​ന്നീ​ടാ​ണ് സം​സ്‌​കാ​ര​ച​ട​ങ്ങു​ക​ള്‍ പൂ​ര്‍ത്തി​യാ​ക്കി​യ​ത്.

പൊ​തു​ശ്മ​ശാ​ന​ത്തി​ലെ ഗ്യാ​സ് സം​വി​ധാ​ന​ത്തി​ല്‍ ത​ക​രാ​ര്‍ ഉ​ണ്ടോ​യെ​ന്ന് അ​ടു​ത്ത​ദി​വ​സം ക​മ്പ​നി​യു​ടെ സാ​ങ്കേ​തി​ക​വി​ദ​ഗ്​​ധ​രെ​ത്തി പ​രി​ശോ​ധി​ക്കു​മെ​ന്ന് ന​ഗ​ര​സ​ഭാ അ​ധി​കൃ​ത​ര്‍ അ​റി​യി​ച്ചു. സം​സ്‌​കാ​ര​ത്തി​ന് ര​ണ്ട് യൂ​നി​റ്റു​ക​ള്‍ ഉ​ള്ള​തി​നാ​ല്‍ ശാ​ന്തി​തീ​ര​ത്തി​ല്‍ ശ​വ​സം​സ്‌​കാ​ര​ച​ട​ങ്ങു​ക​ള്‍ നി​ര്‍ത്തി​വെ​ക്കി​ല്ല. ഇ​വി​ട​ത്തെ ജീ​വ​ന​ക്കാ​രി​ല്‍ ചി​ല​ര്‍ക്ക് കോ​വി​ഡ് ബാ​ധി​ച്ച​തി​നാ​ൽ പ​ക​രം ചു​മ​ത​ല ന​ൽ​കി​യ​വ​രാ​യി​രു​ന്നു സം​സ്കാ​രം നി​ർ​വ​ഹി​ച്ചി​രു​ന്ന​ത്.