പി.ഡബ്ല്യൂ.ഡി വാസ്തുശിൽപ വിഭാഗത്തിൽ ധനകാര്യ പരിശോധന

തി​രു​വ​ന​ന്ത​പു​രം: പൊ​തു​മ​രാ​മ​ത്ത്​ വ​കു​പ്പി​ന്‍റെ ത​ല​സ്ഥാ​ന​ത്തെ വാ​സ്തു​ശി​ൽ​പ വി​ഭാ​ഗ​ത്തി​ലെ ക്ര​മ​ക്കേ​ട്​ സം​ബ​ന്ധി​ച്ച്​ ധ​ന​കാ​ര്യ പ​രി​ശോ​ധ​ന (എ​ൻ.​ടി.​എ​ഫ്) വ​കു​പ്പി​ന്‍റെ പ്ര​ത്യേ​ക പ​രി​ശോ​ധ​ന. വി​വി​ധ വി​ഷ​യ​ങ്ങ​ളി​ലു​ള്ള ആ​റ്​ അ​ന്വേ​ഷ​ണ​കു​റി​പ്പു​ക​ളാ​ണ്​ ചീ​ഫ്​ ആ​ർ​കി​ടെ​ക്​​റ്റി​ന്​ ന​ൽ​കി​യ​ത്.

ആ​ർ​കി​ടെ​ക്​​റ്റ്​ വി​ഭാ​ഗ​ത്തി​ലെ ക്ര​മ​ക്കേ​ട്​ സം​ബ​ന്ധി​ച്ച്​ ‘മാ​ധ്യ​മം’2024 ഫെ​ബ്രു​വ​രി​യി​ൽ വാ​ർ​ത്താ പ​ര​മ്പ​ര പ്ര​സി​ദ്ധീ​ക​രി​ച്ചി​രു​ന്നു. മു​ഖ്യ​മ​ന്ത്രി, മ​രാ​മ​ത്ത്​ മ​ന്ത്രി​ എ​ന്നി​വ​ർ​ക്ക്​ പ​രാ​തി ന​ൽ​കി​യി​രു​ന്നു. കെ.​കെ. ര​മ എം.​എ​ൽ.​എ ഇ​തു​സം​ബ​ന്ധി​ച്ച്​ നി​യ​മ​സ​ഭ​യി​ൽ ചോ​ദ്യം ഉ​ന്ന​യി​ക്കു​ക​യും ചെ​യ്തു.

2023-24 വ​ർ​ഷ​ത്തെ ഓ​ഡി​റ്റ്​ റി​​പ്പോ​ർ​ട്ടു​ക​ൾ, ഇ​ന്‍റേ​ണ​ൽ ഓ​ഡി​റ്റ്, എ.​ജി ഓ​ഡി​റ്റ്​ എ​ന്നി​വ പ​രി​ശോ​ധ​ന​ക്ക്​ ല​ഭ്യ​മാ​ക്കാ​നാ​ണ്​ ഒ​ന്നാ​മ​ത്തെ അ​ന്വേ​ഷ​ണ​കു​റി​പ്പി​ലെ നി​ർ​ദേ​ശം. ടെ​ക്നി​ക്ക​ൽ അ​സി​സ്റ്റ​ന്‍റ്​ വി.​ഒ. ഹാ​ർ​ലി​യു​ടെ പ്ര​വ​ർ​ത്ത​നം സം​ബ​ന്ധി​ച്ച്​ ചി​ല ജീ​വ​ന​ക്കാ​ർ പ​രാ​തി ന​ൽ​കി​യി​ട്ടു​ണ്ടെ​ങ്കി​ൽ അ​തി​ന്‍റെ എ​ഫ്.​ഐ.​ആ​ർ ഉ​ൾ​പ്പെ​ടെ​യു​ള്ള വി​ശ​ദാം​ശ​ങ്ങ​ൾ ല​ഭ്യ​മാ​ക്കാ​നും ആ​വ​ശ്യ​പ്പെ​ട്ടു. ഏ​പ്രി​ൽ 30നാ​ണ്​ ഈ ​അ​​ന്വേ​ഷ​ണ കു​റി​പ്പ്​ ചീ​ഫ്​ ആ​ർ​കി​ടെ​ക്​​റ്റി​ന്​ ന​ൽ​കി​യ​ത്.

2024 ജ​നു​വ​രി മു​ത​ൽ ഡി​സം​ബ​ർ വ​രെ വാ​സ്തു​ശി​ൽ​പ വി​ഭാ​ഗ​ത്തി​ൽ ല​ഭി​ച്ച വി​വ​രാ​വ​കാ​ശ അ​പേ​ക്ഷ സം​ബ​ന്ധി​ച്ച ര​ജി​സ്റ്റ​റു​ക​ളും ഫ​യ​ലു​ക​ളും സ​മ​ർ​പ്പി​ക്കാ​നാ​ണ്​ ര​ണ്ടാ​മ​ത്തെ അ​ന്വേ​ഷ​ണ കു​റി​പ്പ്. സ്യൂ​ട്ട്​ ആ​ന്‍റ്​ ഓ​ഡി​റ്റ്​ വി​ങി​ന്‍റെ നേ​തൃ​ത്വ​ത്തി​ൽ 2023 ആ​ഗ​സ്റ്റി​ൽ ന​ട​ന്ന ഓ​ഡി​റ്റ്​ റി​പ്പോ​ർ​ട്ട്​ പ​രി​​ശോ​ധ​ന​ക്ക്​ ല​ഭ്യ​മാ​ക്കാ​നാ​ണ്​ മൂ​ന്നാ​മ​ത്തെ അ​ന്വേ​ഷ​ണ കു​റി​പ്പി​ലെ നി​ർ​ദേ​ശം.

ഈ ​വി​ഭാ​ഗ​ത്തി​ന്‍റെ പ്ര​വ​ർ​ത്ത​ന​ങ്ങ​ൾ, സ്റ്റാ​ഫ്​ പാ​റ്റേ​ൺ, സ്ഥ​ലം​മാ​റ്റ​വും മ​റ്റും ന​ട​ത്താ​ൻ ചു​മ​ത​ല​യു​ള്ള അ​ധി​കാ​രി​യെ സം​ബ​ന്ധി​ച്ചു​ള്ള വി​വ​ര​ങ്ങ​ളാ​ണ്​ നാ​ലാ​മ​ത്തെ അ​ന്വേ​ഷ​ണ കു​റി​പ്പ്​ ആ​വ​ശ്യ​പ്പെ​ടു​ന്ന​ത്. മൂ​ന്ന്​ വ​ർ​ഷ​ങ്ങ​ളി​ൽ ന​ട​ന്ന ലോ​ക്ക​ൽ പ​ർ​ച്ചേ​സി​ന്‍റെ വി​ശ​ദാം​ശ​ങ്ങ​ൾ തേ​ടു​ന്ന​താ​ണ്​ നാ​ലാ​മ​ത്തെ അ​ന്വേ​ഷ​ണ കു​റി​പ്പ്.

‘വാ​സ്തു’​തെ​റ്റി​യ പൊ​തു​മ​രാ​മ​ത്ത്​ വാ​സ്തു​ശി​ൽ​പ വി​ഭാ​ഗം എ​ന്ന ത​ല​ക്കെ​ട്ടി​ൽ 2024 ഫെ​ബ്രു​വ​രി 12 മു​ത​ൽ പ്ര​സി​ദ്ധീ​ക​രി​ച്ച വാ​ർ​ത്ത​യു​ടെ​യും ‘മാ​ധ്യ​മം’​ലേ​ഖ​ക​ന്‍റെ വി​വ​രാ​വ​കാ​ശ ഇ​ട​പെ​ട​ൽ ഉ​ൾ​പ്പെ​ടെ​യു​ള്ള ഇ​ട​പെ​ട​ലി​ലൂ​ടെ​യാ​ണ്​ ധ​ന​കാ​ര്യ ചീ​ഫ്​ അ​ഡീ​ഷ​ന​ൽ സെ​ക്ര​ട്ട​റി പ​രി​ശോ​ധ​ന​ക്ക്​ നി​ർ​ദേ​ശി​ച്ച​ത്.