ആർ.ടി ഓഫിസറുടെ കാറിൽനിന്ന്​ 1.69 ലക്ഷം രൂപ പിടിച്ചെടുത്തു

നാഗർകോവിൽ: മാർത്താണ്ഡം ആർ.ടി ഓഫിസർ പെരുമാളിെൻറ കാറിൽ വിജിലൻസ്​ ആൻഡ്​ ആൻറി കറപ്ഷൻ അധികൃതർ നടത്തിയ പരിശോധനയിൽ കണക്കിൽ​െപടാത്ത 1.69 ലക്ഷം രൂപ പിടിച്ചെടുത്തു.

മാർത്താണ്ഡം ആർ.ടി ഓഫിസിൽ നിന്ന് പുറപ്പെട്ട് തിരുനെൽവേലിയിലെ വീട്ടിലേക്ക്​ പോകുന്ന വഴി ആരുവാമൊഴിയിൽ ​െവച്ചാണ് വിജിലൻസ്​ ഡി.എസ്​.പി മതിയഴക​െൻറ നേതൃത്വത്തിലുള്ള സംഘം പെരുമാളിെൻറ കാർ തടഞ്ഞ് പരിശോധന നടത്തിയത്. തുടർന്ന് അദ്ദേഹത്തെ വടശ്ശേരിയിലെ ഫോറസ്​റ്റ്​ ഓഫിസിൽ കൊണ്ട് വന്ന് അഞ്ച് മണിക്കൂറോളം ചോദ്യം ചെയ്തതിന് ശേഷം വിട്ടയച്ചു.

പെരുമാളിെൻറ ബന്ധുവിെൻറ പേരിലാണ് കാർ രജിസ്​റ്റർ ചെയ്തിട്ടുള്ളത്. പണം ആര് നൽകിയെന്ന് അറിയാൻ കഴിഞ്ഞില്ല. വിജിലൻസിന് ലഭിച്ച സൂചനയുടെ അടിസ്ഥാനത്തിലാണ് മാർത്താണ്ഡം മുതൽ ആർ.ടി ഓഫിസറെ പിന്തുടർന്നത്. വഴിയിൽ ​െവച്ചാണ് പണം കൈമാറിയത് എന്നാണ് വിജിലൻസിെൻറ പ്രാഥമിക നിഗമനം. കൂടുതൽ അന്വേഷണത്തിന് ശേഷമേ ആർ.ടി ഓഫിസർക്കെതിരെ മറ്റ്​ നടപടികളിലേക്ക് പോവുകയൂള്ളുവെന്നാണ്​ അറിയാൻ കഴിഞ്ഞത്.