മോഷ്ടാവിൽനിന്ന് 32 പവൻ ആഭരണങ്ങൾ പിടിച്ചെടുത്തു

നാഗർകോവിൽ: കന്യാകുമാരി ജില്ലയുടെ വിവിധ ഭാഗങ്ങളിലും കേരളത്തിന്റെ തെക്കൻ ജില്ലകൾ കേന്ദ്രീകരിച്ചും നിരന്തരം മോഷണം നടത്തിവരുകയായിരുന്ന മോഷ്ടാവിനെ പിടികൂടി.

എസ്.ടി. മങ്കാട് സ്വദേശി എഡ്വിൻ ജോസ് (30) ആണ് മണവാളക്കുറിച്ചിയിൽ പൊലീസിന്റെ വാഹന പരിശോധനക്കിടെ പിടിയിലാലത്. ഇയാളുടെ പക്കൽ നിന്ന് 32 പവൻ സ്വർണാഭരണങ്ങളും കേരള രജിസ്ടേഷൻ ഉള്ള ബുള്ളറ്റ് ബൈക്കും പിടിച്ചെടുത്തു. പ്രതിയെ കോടതി റിമാൻഡ് ചെയ്തു. തക്കല ഡി.എസ്.പി തങ്കരാമന്റെ നേതൃത്വത്തിലുള്ള പൊലീസ് സംഘമാണ് മോഷ്ടാവിനെ പിടികൂടിയത്.