മത്സ്യതൊഴിലാളി കടലിൽ മുങ്ങിമരിച്ചു

നാഗർകോവിൽ: കുളച്ചൽ കോടി മുനയിൽ നിന്ന് തിങ്കളാഴ്ച വൈകുന്നേരം ഫൈബർ ബോട്ടിൽ കടലിൽ പോയ മത്സ്യതൊഴിലാളി മുങ്ങിമരിച്ചു. സഹായരാജ് (58) ആണ് മരിച്ചത്. ചൊവ്വാഴ്ച പുലർച്ചെ മറ്റ് ബോട്ടിലുള്ളവർ സഹായരാജിനെ ഫോൺ ചെയ്തെങ്കിലും എടുക്കാത്തതിനെ തുടർന്ന് ബോട്ടിനടുത്ത് പോയി നോക്കിയപ്പോൾ കടലിൽ മരിച്ച നിലയിൽ പൊങ്ങി കിടക്കുകയായിരുന്നു.

മറൈൻ എസ്.ഐ സുരേഷിനെ വിവരം അറിയിച്ചതിനെ തുടർന്ന് മൃതദേഹം കൈപറ്റി മെഡിക്കൽ കോളജ് ആസ്പത്രിയിൽ എത്തിച്ചു.

ഭാര്യയും ആറ് മക്കളും ഉണ്ട്.