കൂടത്തിൽ തറവാട്ടിലെ ദുരൂഹമരണം; കോടതിയിൽ വീണ്ടും ട്വിസ്റ്റ്

തി​രു​വ​ന​ന്ത​പു​രം: കൂ​ടത്തിൽ ത​റ​വാ​ടി​ലെ അ​വ​സാ​ന ക​ണ്ണി​യാ​യ ജ​യ​മാ​ധ​വ​ൻ നാ​യ​രു​ടെ ദു​രൂ​ഹ​മ​ര​ണ​ത്തി​ൽ വീ​ണ്ടും വ​ഴി​ത്തി​രി​വ്. നു​ണ​പ​രി​ശോ​ധ​ന​ക്ക് സ​മ്മ​തം അ​റി​യി​ച്ചി​രു​ന്ന കൂ​ടത്തിൽ ​ത​റ​വാ​ട്ടി​ലെ ജോ​ലി​ക്കാ​രാ​യി​രു​ന്ന സ​ഹ​ദേ​വ​നും മ​രു​മ​ക​ൻ സെ​ന്തി​ലും കോ​ട​തി​യി​ൽ കൂ​റു​മാ​റി. ത​ല​ക്ക് പ​രി​ക്കേ​റ്റ ജ​യ​മാ​ധ​വ​ൻ നാ​യ​രെ ആ​ശു​പ​ത്രി​യി​ലെ​ത്തി​ക്കാ​ൻ ബോ​ധ​പൂ​ർ​വം വൈ​കി​പ്പി​ച്ചെ​ന്ന ആ​രോ​പ​ണം നി​ല​നി​ൽ​ക്കെ​യാ​ണ് കൂ​റു​മാ​റ്റം. കോ​ടി​ക​ളു​ടെ ആ​സ്തി​യു​ണ്ടാ​യി​രു​ന്ന ​ത​റ​വാ​ട്ടി​ൽ പ​ല​കാ​ല​ത്ത് ഉ​ണ്ടാ​യ പ​ല മ​ര​ണ​ങ്ങ​ളും സം​ശ​യ നി​ഴ​ലി​ലാ​ണ്. ജ​യ​മാ​ധ​വ​ൻ നാ​യ​രു​ടെ മ​ര​ണ​ത്തി​ലു​ണ്ടാ​യ​ത് വ​ലി​യ ദു​രൂ​ഹ​ത​യാ​ണ്. മ​ര​ണ​ത്തി​ന് പി​ന്നാ​ലെ വ​സ്തു​വ​ക​ക​ള്‍ കാ​ര്യ​സ്ഥ​ന്‍റെ​യും വീ​ട്ടു​ജോ​ലി​ക്കാ​രു​ടെ​യും അ​ക​ന്ന ചി​ല ബ​ന്ധു​ക്ക​ളു​ടെ​യും പേ​രി​ലേ​ക്കാ​യി. ജ​യ​മാ​ധ​വ​ൻ നാ​യ​ർ ത​യാ​റാ​ക്കി​യ​താ​യി പ​റ​യു​ന്ന വി​ൽ​പ​ത്ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് സ്വ​ത്തു​ക്ക​ൾ പ​ങ്കി​ട്ട​ത്.

ജ​യ​മാ​ധ​വ​ൻ നാ​യ​രു​ടെ മ​ര​ണ കാ​ര​ണം ത​ല​ക്ക​ടി​യേ​റ്റ​താ​ണെ​ന്ന് പൊ​ലീ​സ് ക​ണ്ടെ​ത്തി​യ​തോ​ടെ​യാ​ണ് പ്ര​ത്യേ​ക സം​ഘം വി​ശ​ദ​മാ​യ അ​ന്വേ​ഷ​ണം തു​ട​ങ്ങി​യ​ത്. ഇ​വി​ടെ കാ​ര്യ​ങ്ങ​ള്‍ നോ​ക്കി ന​ട​ത്തി​യി​രു​ന്ന​ത് കാ​ര്യ​സ്ഥ​ൻ ര​വീ​ന്ദ്ര​ൻ നാ​യ​രാ​ണ്. ത​ല​ക്ക് പ​രി​ക്കേ​റ്റ് നി​ല​ത്തു കി​ട​ന്ന ജ​യ​മാ​ധ​വ​ൻ നാ​യ​രെ ജോ​ലി​ക്കാ​ര​നാ​യ സ​ഹ​ദേ​വ​ന്‍റെ​യും മ​രു​മ​ക​ൻ സെ​ന്തി​ലി​ന്‍റെ​യും സ​ഹാ​യ​ത്തോ​ടെ ഓ​ട്ടോ​യി​ൽ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ചെ​ന്നാ​ണ് ര​വീ​ന്ദ്ര​ൻ പൊ​ലീ​സി​നോ​ട് പ​റ​ഞ്ഞ​ത്. ആ​ശു​പ​ത്രി​യി​ലെ​ത്തി​യ​പ്പോ​ള്‍ ജ​യ​മാ​ധ​വ​ൻ മ​രി​ച്ചി​രു​ന്നു.

മൊ​ഴി​യി​ൽ പ​റ​ഞ്ഞ ഓ​ട്ടോ ഡ്രൈ​വ​റെ പൊ​ലീ​സ് ചോ​ദ്യം ചെ​യ്ത​തോ​ടെ ദു​രൂ​ഹ​ത കൂ​ടി. ജ​യ​മാ​ധ​വ​ൻ നാ​യ​രെ ആ​ശു​പ​ത്രി​യി​ലെ​ത്തി​ച്ച​താ​യി മൊ​ഴി ന​ൽ​കി​യാ​ൽ കാ​ര്യ​സ്ഥ​ൻ പ​ണം വാ​ഗ്ദാ​നം ചെ​യ്തി​രു​ന്നെ​ന്നാ​യി​രു​ന്നു ഓ​ട്ടോ ഡ്രൈ​വ​ർ സു​മേ​ഷ് ജി​ല്ല ക്രൈം ​ബ്രാ​ഞ്ചി​ന് ന​ൽ​കി​യ മൊ​ഴി. ത​ന്‍റെ ഓ​ട്ടോ​യി​ല​ല്ല ജ​യ​മാ​ധ​വ​ൻ നാ​യ​രെ കൊ​ണ്ടു​പോ​യ​തെ​ന്നും സു​മേ​ഷ് മൊ​ഴി ന​ൽ​കി. അ​പ്പോ​ള്‍ ഏ​തു വാ​ഹ​ന​ത്തി​ലാ​ണ് കൊ​ണ്ടു​പോ​യ​ത്, എ​ന്തു​കൊ​ണ്ട് സ​മീ​പ​ത്തെ ഒ​രു ആ​ശു​പ​ത്രി​യി​ലേ​ക്ക് ജ​യ​മാ​ധ​വ​ൻ നാ​യ​രെ കൊ​ണ്ടു​പോ​കാ​തെ ക​ര​മ​ന​യി​ൽ​നി​ന്ന്​ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ചു തു​ട​ങ്ങി ചോ​ദ്യ​ങ്ങ​ള്‍ പൊ​ലീ​സി​ന് ക​ണ്ടെ​ത്തേ​ണ്ട​താ​യി വ​ന്നു.

ജോ​ലി​ക്കാ​ര​നാ​യ സ​ഹ​ദേ​വ​നെ​യും മ​രു​മ​ക​നെ​യും ജി​ല്ല ക്രൈം​ബ്രാ​ഞ്ച് വീ​ണ്ടും ചോ​ദ്യം ചെ​യ്തു. സു​മേ​ഷി​ന്‍റെ ഓ​ട്ടോ​യി​ലാ​ണ് ജ​യ​മാ​ധ​വ​ൻ നാ​യ​രെ കൊ​ണ്ടു​പോ​യ​തെ​ന്നും നു​ണ​പ​രി​ശോ​ധ​ന​ക്ക് ത​യാ​റാ​ണെ​ന്ന് ഇ​രു​വ​രും ജി​ല്ല ക്രൈം​ബ്രാ​ഞ്ച് ഡി​വൈ.​എ​സ്.​പി വി​ജു​കു​മാ​റി​നെ രേ​ഖാ​മൂ​ലം അ​റി​യി​ച്ചു. പ​ണം ന​ൽ​കി സ്വാ​ധീ​നി​ക്കാ​ൻ ശ്ര​മി​ച്ചെ​ന്ന മൊ​ഴി ന​ൽ​കി​യ സു​മേ​ഷും നു​ണ​പ​രി​ശോ​ധ​ന​ക്ക് സ​മ്മ​തി​ച്ചു. പ​ക്ഷെ, കോ​ട​തി വി​ളി​പ്പി​ച്ച​പ്പോ​ള്‍ സ​ഹ​ദേ​വ​നും സെ​ന്തി​ലും നു​ണ​പ​രി​ശോ​ധ​ന​ക്ക് വി​സ​മ്മ​തി​ക്കു​ക​യാ​യി​രു​ന്നു. ഇ​തോ​ടെ ഇ​വ​ർ പ​റ​ഞ്ഞ​ത് ക​ള്ള​മാ​ണെ​ന്ന നി​ഗ​മ​ന​ത്തി​ലാ​ണ് അ​ന്വേ​ഷ​ണ​സം​ഘം. ജ​യ​മാ​ധ​വ​നെ ആ​ശു​പ​ത്രി​യി​ലെ​ത്തി​ച്ച സ​മ​യ​വും, സാ​ക്ഷി​ക​ൾ ഓ​ട്ടോ​വി​ളി​ച്ച​താ​യി പ​റ​യു​ന്ന സ​മ​യ​വും ത​മ്മി​ലും പൊ​രു​ത്ത​ക്കേ​ടു​ണ്ട്. പ്ര​ധാ​ന സാ​ക്ഷി​ക​ൾ മൊ​ഴി​മാ​റ്റി​യ​തോ​ടെ ജ​യ​മാ​ധ​വ​ൻ നാ​യ​രു​ടെ ദു​രൂ​ഹ​മ​ര​ണ​ത്തി​ൽ സം​ശ​യ​ങ്ങ​ൾ ബ​ല​പ്പെ​ടു​ന്ന​താ​യി. കോ​ട​തി​യി​ൽ​നി​ന്ന് അ​നു​മ​തി ല​ഭി​ക്കു​ന്ന മു​റ​ക്ക്​ സു​മേ​ഷി​നെ നു​ണ​പ​രി​ശോ​ധ​ന​ക്ക് വി​ധേ​യ​നാ​ക്കാ​നാ​ണ് അ​ന്വേ​ഷ​ണ​സം​ഘ​ത്തി​ന്‍റെ തീ​രു​മാ​നം.