കോർപറേഷൻ ജീവനക്കാര​െൻറ കൊലപാതകം: പ്രതി അറസ്​റ്റിൽ

തിരുവനന്തപുരം: മദ്യലഹരിയിൽ കോർപറേഷൻ ജീവനക്കാരനെ കുത്തിക്കൊന്ന സംഭവത്തിൽ ബന്ധുവിെൻറ അറസ്​റ്റ്​ പൊലീസ് രേഖപ്പെടുത്തി. തമ്പാനൂർ രാജാജി നഗറിൽ ഫ്ലാറ്റ് നമ്പർ 524ൽ വാടകക്ക് താമസിക്കുന്ന പാളയം ഹെൽത്ത് സർക്കിൾ ഓഫിസിലെ ജീവനക്കാരൻ രഞ്ജിത് കുമാറിനെയാണ് (46) ക​േൻറാൺമെൻറ് പൊലീസ് അറസ്​റ്റ്​ ചെയ്തത്. കഴിഞ്ഞദിവസം രാത്രിയാണ് കരമന സ്വദേശിയും തിരുവനന്തപുരം കോർപറേഷനിലെ എൻജിനീയറിങ് സെക്​ഷനിലെ ഓഫിസ് അറ്റൻഡൻറുമായ ഷിബുരഞ്ജനെ (38) രഞ്ജിത്ത് കുത്തി കൊലപ്പെടുത്തിയത്. വ്യക്തിവൈരാഗ്യമാണ് കൊലപാതകത്തിന് കാരണമെന്നാണ് പൊലീസ് പറയുന്നത്. ബന്ധുക്കളായിരുന്നെങ്കിലും ഷിബുവും രഞ്ജിത്തും തമ്മിൽ നിരന്തരം വഴക്കുകളുണ്ടായിരുന്നു.