കുരങ്ങു ശല്യത്തില്‍ വലഞ്ഞ് ഒരു ഗ്രാമം

പാ​ങ്ങോ​ട്​: ഒ​രു ഗ്രാ​മ​മാ​കെ കു​ര​ങ്ങ് ശ​ല്യ​ത്താ​ൽ വ​ല​യു​ന്നു. മ​ല​യോ​ര ഗ്രാ​മ​പ്ര​ദേ​ശ​മാ​യ പാ​ങ്ങോ​ട് പ​ഞ്ചാ​യ​ത്തി​ലെ വ​ന​മേ​ഖ​ല​യോ​ട് ചേ​ര്‍ന്നു​ള്ള കാ​ക്കാ​ണി​ക്ക​ര പ്ര​ദേ​ശ​ത്തു​കാ​രാ​ണ് കു​ര​ങ്ങു ശ​ല്യ​ത്തി​ല്‍ ബു​ദ്ധി​മു​ട്ടു​ന്ന​ത്. സം​ഘ​മാ​യെ​ത്തു​ന്ന കു​ര​ങ്ങു​ക​ള്‍ കാ​ര്‍ഷി​ക​വി​ള​ക​ള്‍ ന​ശി​പ്പി​ക്കു​ന്ന​തി​ന് പു​റ​മെ മേ​ൽ​കൂ​ര​യി​ലെ ഓ​ടു പൊ​ളി​ച്ച് അ​ക​ത്തു ക​ട​ന്ന് ഭ​ക്ഷ​ണ​സാ​ധ​ന​ങ്ങ​ള്‍ തി​ന്നു​ക​യും ന​ശി​പ്പി​ക്കു​ക​യും സാ​ധ​ന​ങ്ങ​ള്‍ വാ​രി​വ​ലി​ച്ചി​ടു​ന്ന​തും പ​ര​തി​വാ​ണ​ന്ന് നാ​ട്ടു​കാ​ര്‍ പ​റ​യു​ന്നു.

കാ​ക്കാ​ണി​ക്ക​ര ത​ട​ത്ത​രി​ക​ത്ത് വീ​ട്ടി​ല്‍ ജ​ല​ജ​യു​ടെ വീ​ടി​ന്റെ മേ​ൽ​ക്കൂ​ര ത​ക​ര്‍ത്തി​റ​ങ്ങി​യ കു​ര​ങ്ങു​ക​ള്‍ സാ​ധ​ന​ങ്ങ​ള്‍ ന​ശി​പ്പി​ക്കു​ക​യും വാ​രി​വ​ലി​ച്ചെ​റി​യു​ക​യും ചെ​യ്ത​താ​ണ് ഏ​റ്റ​വും അ​വ​സാ​ന​ത്തെ സം​ഭ​വം. കു​ര​ങ്ങു​ശ​ല്യം രൂ​ക്ഷ​മാ​കു​മ്പോ​ള്‍ നാ​ട്ടു​കാ​ര്‍ വ​ന​പാ​ല​ക​രെ വി​വ​ര​മ​റി​യി​ക്കും. അ​വ​രെ​ത്തി കു​ര​ങ്ങു​ക​ളെ വി​ര​ട്ടി​യോ​ടി​ക്കു​മെ​ങ്കി​ലും അ​ധി​കം ക​ഴി​യും​മു​മ്പ്​ അ​വ വീ​ണ്ടു​മെ​ത്തി അ​തി​ക്ര​മ​ങ്ങ​ള്‍ ആ​വ​ര്‍ത്തി​ക്കു​ക​യാ​ണ് പ​തി​വെ​ന്നും പ​റ​യ​പ്പെ​ടു​ന്നു. പാ​ങ്ങോ​ട് പ​ഞ്ചാ​യ​ത്ത് പ്ര​സി​ഡ​ന്റ് എം.​എം ഷാ​ഫി വ​നം വ​കു​പ്പ് മ​ന്ത്രി​ക്ക് നി​വേ​ദ​നം ന​ൽ​കി.