ഷെയർ ട്രേഡിങ് ; മധ്യവയസ്കന് നഷ്ടമായത് 12 ലക്ഷം

തി​രു​വ​ന​ന്ത​പു​രം: ഷെ​യ​ർ ട്രേ​ഡി​ങ്ങി​ലൂ​ടെ ലാ​ഭം​വാ​ഗ്ദാ​നം ചെ​യ്ത് 54കാ​ര​നി​ൽ 12 ല​ക്ഷം ത​ട്ടി. ആ​ന​യ​റ സ്വ​ദേ​ശി​ക്കാ​ണ് വാ​ട്സ് ആ​പ്പ് വ​ഴി​യു​ള്ള ത​ട്ടി​പ്പി​ൽ പ​ണം ന​ഷ്ട​മാ​യ​ത്. ല​ക്ഷ​ങ്ങ​ൾ ന​ഷ്ട​മാ​യ​തോ​ടെ ഇ​യാ​ൾ പ​രാ​തി​യു​മാ​യി സൈ​ബ​ർ ക്രൈം ​പൊ​ലീ​സി​നെ സ​മീ​പി​ച്ചു. ദി​വ​സ​ങ്ങ​ൾ​ക്ക് മു​മ്പാ​ണ് പ​രാ​തി​ക്കാ​ന്‍റെ മൊ​ബൈ​ൽ ഫോ​ണി​ലേ​ക്ക് അം​ഗീ​കൃ​ത ഷെ​യ​ർ ട്രേ​ഡി​ങ് ഏ​ജ​ൻ​സി​യു​ടെ പേ​രി​ൽ വ്യാ​ജ​സ​ന്ദേ​ശ​ങ്ങ​ളെ​ത്തി​യ​ത്. സ്റ്റോ​ക്ക് മാ​ർ​ക്ക​റ്റ് ട്രേ​ഡി​ങ് ന​ട​ത്തി മി​ക​ച്ച ലാ​ഭം നേ​ടാ​മെ​ന്നാ​യി​രു​ന്നു വാ​ഗ്ദാ​നം.

ആ​ദ്യം സ​ന്ദേ​ശ​ങ്ങ​ളോ​ട് പ്ര​തി​ക​രി​ച്ചി​ല്ലെ​ങ്കി​ലും ത​ട്ടി​പ്പു​കാ​ർ ഇ​ദ്ദേ​ഹ​ത്തി​ന്‍റെ ഫോ​ണി​ൽ നേ​രി​ട്ട് ബ​ന്ധ​പ്പെ​ട്ടു. ലാ​ഭം നേ​ടി​യ​വ​രു​ടെ വാ​ട്‌​സ് ആ​പ് ഗ്രൂ​പ്പി​ൽ അം​ഗ​മാ​ക്കാ​മെ​ന്നും താ​ൽ​പ​ര്യ​മു​ണ്ടെ​ങ്കി​ൽ ഷെ​യ​ർ വാ​ങ്ങി​യാ​ൽ മ​തി​യെ​ന്നും ത​ട്ടി​പ്പു​കാ​ർ അ​റി​യി​ച്ചു. ഇ​ത​നു​സ​രി​ച്ച് ത​ട്ടി​പ്പു​കാ​ർ ഇ​ദ്ദേ​ഹ​ത്തെ വാ​ട്സ് ആ​പ്പ് ഗ്രൂ​പ്പി​ൽ ചേ​ർ​ത്തു.

ഗ്രൂ​പ്പി​ൽ ചേ​ർ​ന്ന​തോ​ടെ നി​ര​വ​ധി അം​ഗ​ങ്ങ​ളു​ള്ള ഗ്രൂ​പ്പി​ലെ പ​ല​രും ത​ങ്ങ​ൾ​ക്ക് ല​ഭി​ച്ച കോ​ടി​ക​ളു​ടെ ലാ​ഭ​ത്തെ​ക്കു​റി​ച്ച് ഇ​ദ്ദേ​ഹ​വു​മാ​യി വി​വ​രം​പ​ങ്കു​വെ​ച്ചു. തു​ട​ർ​ന്ന് ഇ​വ​രു​ടെ വാ​ക്ക് വി​ശ്വ​സി​ച്ച് ആ​ദ്യം കു​റ​ച്ച് പ​ണം ത​ട്ടി​പ്പു​കാ​ർ ന​ൽ​കി​യ ആ​പ്പ് വ​ഴി നി​ക്ഷേ​പി​ച്ചു. തൊ​ട്ട​ടു​ത്ത ദി​വ​സം പ​ണം ഇ​ര​ട്ടി​യാ​യ​താ​യി സ​ന്ദേ​ശം ല​ഭി​ച്ചു. ഇ​തോ​ടെ കൂ​ടു​ത​ൽ പ​ണം നി​ക്ഷേ​പി​ക്കാ​ൻ തു​ട​ങ്ങി. ഏ​ഴ് അ​ക്കൗ​ണ്ടു​ക​ളി​ൽ ഇ​ത്ത​ര​ത്തി​ൽ പ​ണം നി​ക്ഷേ​പി​ച്ച​താ​യി പ​രാ​തി​യി​ൽ പ​റ​യു​ന്നു. ആ​പ്പി​ൽ തു​ക നാ​ലി​ര​ട്ടി​യാ​യെ​ന്ന്​ കാ​ണി​ച്ചെ​ങ്കി​ലും പ​ണം പി​ൻ​വ​ലി​ക്കാ​ൻ ക​ഴി​ഞ്ഞി​ല്ല. ഇ​തോ​ടെ​യാ​ണ് പ​രാ​തി​യു​മാ​യി പൊ​ലീ​സി​നെ സ​മീ​പി​ച്ച​ത്.