യുവാവിനെ കുത്തി പരിക്കേൽപ്പിച്ച കേസിൽ പ്രതി പിടിയിൽ

നഗരൂർ: യുവാവിനെ കുത്തി പരിക്കേൽപ്പിച്ച കേസിൽ പ്രതിയെ പിടികൂടി. വഞ്ചിയൂർ പുതിയതടം സ്വദേശി ഷാൻ (27) ആണ് നഗരൂർ പൊലീസിൻ്റെ പിടിയിലായത്. കിളിമാനൂർ പുതിയകാവ് ചന്തക്കുള്ളിൽ തട്ടുകട നടത്തുന്ന കുന്നുമ്മൽ സ്വദേശി അമൽ ദർശന് ( 32) ആണ് കുത്തേറ്റത്. പ്രതി ഇക്കഴിഞ്ഞ വിഷുദിനത്തിൽ അർധരാത്രിയിൽ തട്ടുകടയിലെത്തി അതിക്രമം നടത്തിയിരുന്നു. ഇതാണ് അക്രമത്തിന്റെ കാരണമെന്നാണ് നി​ഗമനം. പരിക്കേറ്റ അമൽ ദർശൻ ചികിത്സയിലായിരുന്നു. ഒളിവിൽ പോയ പ്രതിയെ ഒന്നര മാസത്തിന് ശേഷമാണ് പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.