‘മൃഗശാലയിൽ വീണ്ടും സിംഹഗർജനം’

തി​രു​വ​ന​ന്ത​പു​രം: നീ​ണ്ട​കാ​ത്തി​രി​പ്പി​ന്​ ശേ​ഷം തി​രു​വ​ന​ന്ത​പു​രം മൃ​ഗ​ശാ​ല​യി​ൽ പു​തി​യ അ​തി​ഥി​ക​ളെ​ത്തി. ഒ​രു​​ജോ​ഡി സിം​ഹം, ഒ​രു​ജോ​ഡി ഹ​നു​മാ​ൻ കു​ര​ങ്ങ്, ഒ​രു​ജോ​ഡി എ​മു എ​ന്നി​വ​യാ​ണ്​ തി​ങ്ക​ളാ​ഴ്ച രാ​വി​ലെ എ​ത്തി​യ​ത്. ആ​ന്ധ്ര​യി​ലെ തി​രു​പ്പ​തി മൃ​ഗ​ശാ​ല​യി​ൽ നി​ന്നാ​ണ്​ ഇ​വ​യെ​ കൊ​ണ്ടു​വ​ന്ന​ത്. പ്ര​ത്യേ​കം സ​ജ്ജ​മാ​ക്കി​യ കൂ​ട്ടി​ലേ​ക്ക്​ മാ​റ്റി​യ ഇ​വ ഒ​രാ​ഴ്ച ക്വാ​റ​ന്‍റീ​നി​ലാ​യി​രി​ക്കും. കൂ​ടു​മാ​യും പ​രി​സ​ര​വു​മാ​യും കീ​പ്പ​ർ​മാ​രു​മാ​യും ഇ​ണ​ങ്ങാ​നാ​ണി​യ​ത്. ഇ​ഷ്ട​മു​ള്ള ആ​ഹാ​ര​വും വെ​ള്ള​വും ന​ൽ​കി​യാ​ണ്​ ഇ​ണ​ക്കു​ക.

പി​ന്നെ പ​രി​ശോ​ധ​ന​ക​ൾ​ക്ക് ശേ​ഷം മ​റ്റ് കു​ഴ​പ്പ​മൊ​ന്നു​മി​ല്ലെ​ങ്കി​ൽ സാ​ധാ​ര​ണ കൂ​ടു​ക​ളി​ലേ​ക്ക് മാ​റ്റും. തി​രു​വ​ന​ന്ത​പു​രം മൃ​ഗ​ശാ​ല​യി​ൽ നി​ന്ന്​ മൃ​ഗ​ങ്ങ​ളെ കൈ​മാ​റ്റം ചെ​യ്താ​ണ്​ അ​തി​ഥി​ക​ളെ എ​ത്തി​ച്ച​ത്. ഒ​രു ജോ​ഡി ഹി​പ്പോ, നാ​ല്​ ക​ഴു​ത​പ്പു​ലി, മൂ​ന്ന്​ പ​ന്നി​മാ​ൻ എ​ന്നി​വ​യാ​ണ്​ പ​ക​രം ന​ൽ​കി​യ​ത്. അ​ഞ്ച് വ​ർ​ഷ​ത്തെ പ​ട്ടി​ക ത​യാ​റാ​ക്ക​ലി​നൊ​ടു​വി​ലാ​ണ് മൃ​ഗ​ശാ​ല​യി​ൽ പു​തി​യ മൃ​ഗ​ങ്ങ​ളെ​ത്തു​ന്ന​ത്.

12 മൃ​ഗ​ങ്ങ​ളെ​യാ​ണ് കൈ​മാ​റ്റ​ത്തി​ലൂ​ടെ കൊ​ണ്ടു​വ​രാ​ൻ പ​ദ്ധ​തി ത​യാ​റാ​ക്കി​യ​ത്. വെ​ള്ള​മ​യി​ൽ, ഹ​നു​മാ​ൻ കു​ര​ങ്ങ്, ര​ണ്ട് ജോ​ഡി കാ​ട്ടു​കോ​ഴി തു​ട​ങ്ങി​യ​വ​യാ​ണ് പു​തി​യ​താ​യി എ​ത്തു​ന്ന​ത്. ഇ​വ വൈ​കാ​തെ എ​ത്തും. തി​രു​പ്പ​തി മൃ​ഗ​ശാ​ല​ക്ക്​ പു​റ​മെ ഗു​ജ​റാ​ത്ത് ഗ്രീ​ൻ​സ് സു​വോ​ള​ജി​ക്ക​ൽ പാ​ർ​ക്ക്, ഛത്തീ​സ്ഗ​ഡ്, ഗു​വാ​ഹ​ത്തി, ഇ​ൻ​ഡോ​ർ മൃ​ഗ​ശാ​ല അ​ധി​കൃ​ത​രു​മാ​യി വി​ദ​ഗ്ദ്ധ​സം​ഘം ബ​ന്ധ​പ്പെ​ട്ടി​രു​ന്നു.

അ​വ​രും മൃ​ഗ​ങ്ങ​ളു​ടെ കൈ​മാ​റ്റം സം​ബ​ന്ധി​ച്ച് താ​ൽ​പ​ര്യം പ്ര​ക​ടി​പ്പി​ച്ചി​ട്ടു​ണ്ട്. ഇ​വി​ടെ അ​ധി​ക​മു​ള്ള മൃ​ഗ​ങ്ങ​ളു​ടെ പ​ട്ടി​ക അ​വ​രെ അ​റി​യി​ച്ചി​ട്ടു​ണ്ട്. ഹി​പ്പോ, മാ​ൻ​വ​ർ​ഗ​ങ്ങ​ൾ, ഇ​ന്ത്യ​ൻ കാ​ട്ടു​പോ​ത്ത് എ​ന്നി​വ​യെ ഇ​നി​യും കൈ​മാ​റാ​നാ​ണ് ധാ​ര​ണ.

മൃ​ഗ​ശാ​ല​യി​ൽ നാ​ളേ​റെ​യാ​യി പ​ല കൂ​ടു​ക​ളും ഒ​ഴി​ഞ്ഞു​കി​ട​ക്കു​ക​യാ​ണ്. സിം​ഹ​ങ്ങ​ൾ എ​ത്തി​യ​തോ​ടെ കു​ട്ടി​ക​ൾ ഉ​ൾ​പ്പെ​ടെ സ​ന്ദ​ർ​ശ​ക​ർ വ​ർ​ധി​ക്കു​മെ​ന്നാ​ണ്​ വി​ല​യി​രു​ത്ത​ൽ. ഇ​പ്പോ​ൾ ര​ണ്ട്​ സിം​ഹ​ങ്ങ​ൾ മൃ​ഗ​ശാ​ല​യി​ലു​ണ്ട്. ആ​യു​ഷ്​ എ​ന്ന ആ​ൺ സിം​ഹം വാ​ർ​ധ​ക്യ പ്ര​ശ്ന​ങ്ങ​ൾ കാ​ര​ണം വി​ശ​ശ്ര​മ​ത്തി​ലാ​ണ്. പി​ന്നെ​യു​ള്ള​ത്​ ഗ്രേ​സി​യാ​ണ്. നി​ല​വി​ൽ ആ​രോ​ഗ്യ​പ്ര​ശ്ന​ങ്ങ​ളൊ​ന്നും ഗ്രേ​സി​ക്കി​ല്ല.