LEAD പിടിച്ചുനിർത്താനാകാതെ കണക്കുകൾ, കേസുകൾ ഇരട്ടിയാകുന്നതിന്​ 26 ദിവസം

തിരുവനന്തപുരം: തീരമേഖലയിൽനിന്ന്​ മറ്റിടങ്ങളിലേക്ക്​ കോവിഡ്​ വ്യാപനം മാറിയെങ്കിലും കേസുകൾ പിടിച്ചുകെട്ടാനാകാതെ തലസ്ഥാനം. ഇളവുകൾ പ്രാബല്യത്തിൽ വന്നതോടെ ഇനി മുൻകരുതലുകളൊന്നു​ം കാര്യമില്ലെന്ന തെറ്റായ ധാരണ വ്യാപകമായി. ഇത്​ വർധിച്ച കോവിഡ്​വ്യാപനത്തിന്​ കാരണമായേക്കാമെന്നാണ്​ ആരോഗ്യവിഭാഗത്തി​ൻെറ വിലയിരുത്തൽ. തീരമേഖലക്ക്​ പുറമെ തമിഴ്​നാടുമായി അതിർത്തി പങ്കിടുന്ന ഭാഗങ്ങൾ, അനുബന്ധ പ്രദേശങ്ങൾ എന്നിവിടങ്ങളിലാണ്​ കോവിഡ്​ പടർച്ചയേറെ. പത്ത്​ ലക്ഷം പേരിൽ എത്ര പേർ കോവിഡ്​ ബാധിക്കു​ന്നുവെന്ന കണക്കിൽ (കേസ്​ ​പെർ മില്യൺ) ജില്ലയാണ്​ മുന്നിൽ. 1036 പേരാണ്​ തിരുവനന്തപുരത്ത്​. തൊട്ടുതാഴെയുള്ള കാസർകോട്ട്​ 831 ആണ്​. രോഗബാധിതരുടെ എണ്ണം ഇരട്ടിക്കാനെടുക്കുന്ന സമയവും അതിവേഗം കൂടുകയാണ്​. 36 ദിവസമെടുത്താണ്​ കേസുകൾ ഇരട്ടിയായിരു​ന്നതെങ്കിൽ ഇപ്പോഴത്​ 26 ദിവസമാണ്​. എത്ര ടെസ്​റ്റുകൾ നടത്തു​േമ്പാൾ എത്ര ​േകസുകളുണ്ടാകുന്നു എന്നതിനെ അടിസ്ഥാനപ്പെടുത്തിയിട്ടുള്ള ടെസ്​റ്റ്​ ​േപാസിറ്റിവിറ്റി റേറ്റ്​ 13.6 ആണ്​. മുൻ ആഴ്​ചകളിൽ യഥാക്രമം ​10.9, 9.9 എന്നിങ്ങനെയായിരുന്നു. ടെസ്​റ്റ്​ പോസിറ്റിവിറ്റി അഞ്ചിൽ കൂടരുതെന്നാണ്​ ലോകാരോഗ്യ സംഘടനയുടെ നിഷ്​കർഷ. ടെസ്​റ്റ്​ പോസിറ്റിവിറ്റി റേറ്റ്​ കൂടുന്നത്​ മതിയായ പരിശോധനകളുടെ അഭാവത്തിലേക്കുകൂടിയാണ്​ വിരൽചൂണ്ടുന്നത്​. സംസ്ഥാനത്ത്​ 20,000 കോവിഡ്​ കേസുകൾ പിന്നിടുന്ന ആദ്യ ജില്ല കൂടിയാണ്​ തലസ്ഥാനം. തൊട്ട്​ താഴെയുള്ള മലപ്പുറത്ത്​ 10000 കേസുകളാണ്​ ഇതുവരെയുള്ളത്​. കണക്കുകൾ തമ്മിലെ ഇൗ അന്തരം കോവിഡ്​ വ്യാപനത്തി​ൻെറ തീവ്രതയെ അടിവരയിടുന്നു. മരണനിരക്കിലും സ്ഥിതി വ്യത്യസ്​തമല്ല. ആകെയുള്ള 480 മരണങ്ങളിൽ 157 ഉം തലസ്ഥാനത്താണ്​. രണ്ടാമതുള്ള മലപ്പുറത്ത്​ 42 മരണങ്ങളും. 16700 ഒാളം പേർക്കാണ്​ ഇതുവരെ രോഗമുക്തിയുണ്ടായത്​. തുടർച്ചയായ പ്രതിദിന രോഗബാധ 600 കടക്കുന്നതാണ് ഇത്​ രണ്ടാം ദിവസമാണ്​.