സംസ്ഥാനത്ത്​ ആദ്യമായി കുഞ്ഞിത്തലയൻ കടൽപാമ്പിനെ കണ്ടെത്തി

തി​രു​വ​ന​ന്ത​പു​രം: സം​സ്ഥാ​ന​ത്ത്​ ആ​ദ്യ​മാ​യി കൊ​ടും​വി​ഷ​മു​ള്ള 'കു​ഞ്ഞി​ത്ത​ല​യ​ൻ ക​ട​ൽ​പാ​മ്പി'​നെ (ഗ്രേ​സ്ഫു​ൾ സ്മാ​ൾ ഹെ​ഡ​ഡ്​ സീ ​സ്​​നേ​ക്ക്​- ഹൈ​ഡ്രോ​ഫി​ലി​സ്​ ഗ്രേ​സി​ലി​സ്) ക​ണ്ടെ​ത്തി. ഇ​ന്ത്യ​യു​ടെ പ​ടി​ഞ്ഞാ​റ​ൻ തീ​ര​ത്ത്​ കാ​ണു​ന്ന 26 ഇ​നം ക​ട​ൽ​പാ​മ്പു​ക​ളി​ലൊ​ന്നാ​ണി​ത്. ഇ​ന്ത്യ​ൻ മ​ഹാ​സ​മു​ദ്രം, ബം​ഗാ​ൾ ഉ​ൾ​ക്ക​ട​ൽ, പേ​ർ​ഷ്യ​ൻ ഗ​ൾ​ഫ്, സൗ​ത്ത്​ ചൈ​നാ ക​ട​ൽ, മ​​ലേ​ഷ്യ, താ​യ്​​ല​ൻ​ഡ്, ആ​സ്​​ത്രേ​ലി​യ എ​ന്നി​വി​ട​ങ്ങ​ളി​ലാ​ണ്​ ഈ ​പാ​മ്പി​നെ ക​ണ്ടു​വ​രു​ന്ന​ത്.

ജ​നു​വ​രി എ​ട്ടി​ന് ത​ല​സ്ഥാ​ന​ത്തെ​ പ​ക്ഷി നി​രീ​ക്ഷ​ണ സം​ഘ​മാ​യ വാ​ർ ബ്ലേ​ഴ്സ് ആ​ൻ​ഡ്​ വേ​ഡേ​ഴ്സി​ന്‍റ ആ​ഭി​മു​ഖ്യ​ത്തി​ൽ വേ​ളി മു​ത​ൽ പെ​രു​മാ​തു​റ വ​രെ ന​ട​ത്തി​യ നീ​ർ​പ്പ​ക്ഷി സെ​ൻ​സ​സി​നി​ടെ​യാ​ണ്​ തീ​ര​ത്ത്​ പാ​മ്പി​നെ ക​ണ്ടെ​ത്തി​യ​ത്. വ​ല ക​ടി​യ​ൻ പാ​മ്പാ​ണെ​ന്ന്​ ക​രു​തി ചി​ത്ര​ങ്ങ​ളെ​ടു​ത്ത​ശേ​ഷം പാ​മ്പി​നെ ക​ട​ലി​ലേ​ക്ക്​ വി​ട്ടു.​ പി​ന്നീ​ട്, വി​ദ​ഗ്​​ധ​രു​മാ​യി സം​സാ​രി​ച്ച​പ്പോ​ഴാ​ണ്​ കേ​ര​ള​ത്തി​ൽ മു​മ്പ്​ റി​പ്പോ​ർ​ട്ട്​ ചെ​യ്തി​ട്ടി​ല്ലാ​ത്ത ഇ​നം പാ​മ്പാ​ണെ​ന്ന്​ ക​ണ്ടെ​ത്തി​യ​തെ​ന്ന്​ പ​ക്ഷി നി​രീ​ക്ഷ​ക​ൻ സി. ​സു​ശാ​ന്ത്​ പ​റ​ഞ്ഞു.

ഉ​ര​ഗ​വി​ദ​ഗ്​​ധ​രാ​യ സ​ന്ദീ​പ്​ ദാ​സ്, ഡോ. ​ജാ​ഫ​ർ പാ​ലോ​ട്ട്, വി​വേ​ക്​ ശ​ർ​മ എ​ന്നി​വ​രാ​ണ്​ കു​ഞ്ഞി​ത്ത​ല​യ​ൻ ക​ട​ൽ പാ​മ്പി​നെ തി​രി​ച്ച​റി​ഞ്ഞ​ത്. ഇ​തി​നു​മു​മ്പ്​ കേ​ര​ള തീ​ര​ത്ത്​ റി​പ്പോ​ർ​ട്ട്​ ചെ​യ്തി​ട്ടി​ല്ലാ​ത്ത ഈ ​ഇ​നം പാ​മ്പി​ന്‍റെ ത​ല ചെ​റു​തും ഉ​ട​ൽ വ​ലു​തു​മാ​ണ്.

അ​തി വി​ഷ​മു​ള്ള ഇ​ന​ത്തി​ലു​ള്ള​താ​ണ്​ ഈ ​പാ​മ്പ്. സു​ശാ​ന്തി​നെ കൂ​ടാ​തെ, എ​സ്.​എ​ൽ. ധ​നു​ഷ്, സ​ന്തോ​ഷ്​ കു​മാ​ർ, ജോ​ബി ക​ട്ടേ​ല, ആ​ര്യ മെ​ഹ​ർ, വി. ​വി​വേ​ക്, വി​നോ​ദ്​ തോ​മ​സ്, മോ​ൻ​സി തോ​മ​സ്, കെ.​എ​സ്. ജോ​സ്, ആ​ർ.​എ​സ്. ഗോ​കു​ൽ, ടി. ​ആ​ദ​ർ​ശ്​​ എ​ന്നി​വ​രാ​ണ്​ ക​ട​ൽ പാ​മ്പി​നെ ക​ണ്ടെ​ത്തി​യ സം​ഘ​ത്തി​ലു​ണ്ടാ​യി​രു​ന്ന​ത്.