വിഴിഞ്ഞം തുറമുഖം: കട്ടമരത്തൊഴിലാളികൾ മന്ത്രിയെ തടഞ്ഞു; സംഘർഷം

കോ​വ​ളം: വി​ഴി​ഞ്ഞം തു​റ​മു​ഖ നി​ർ​മാ​ണ​വു​മാ​യി ബ​ന്ധ​പ്പെ​ട്ട് തൊ​ഴി​ൽ ന​ഷ്ട​പ്പെ​ട്ട ക​ട്ട​മ​ര​ത്തൊ​ഴി​ലാ​ളി​ക​ൾ​ക്ക്​ സം​സ്ഥാ​ന സ​ർ​ക്കാ​ർ അ​നു​വ​ദി​ച്ച 2.22 കോ​ടി രൂ​പ​യു​ടെ ന​ഷ്ട​പ​രി​ഹാ​രം വി​ത​ര​ണം ചെ​യ്തി​ല്ലെ​ന്ന്​ ആ​രോ​പി​ച്ച്​ ഒ​രു വി​ഭാ​ഗം തൊ​ഴി​ലാ​ളി​ക​ൾ തു​റ​മു​ഖ മ​ന്ത്രി അ​ഹ​മ്മ​ദ് ദേ​വ​ർ​കോ​വി​ലി​നെ​യും വി​സി​ൽ എം.​ഡി ദി​വ്യ എ​സ്. അ​യ്യ​രെ​യും ത​ട​ഞ്ഞു.

ബു​ധ​നാ​ഴ്ച രാ​വി​ലെ കോ​വ​ള​ത്തെ അ​നി​മേ​ഷ​ൻ സെ​ന്റ​റി​ൽ ന​ഷ്ട​പ​രി​ഹാ​രം വി​ത​ര​ണം ചെ​യ്യാ​നാ​ണ്​ മ​ന്ത്രി അ​ഹ​മ്മ​ദ് ദേ​വ​ർ​കോ​വി​ൽ എ​ത്തി​യ​ത്. വി​ത​ര​ണം മാ​റ്റി​വെ​ക്ക​ണ​മെ​ന്നും നോ​ർ​ത്തി​ലെ മ​ത്സ്യ​ത്തൊ​ഴി​ലാ​ളി​ക​ൾ​ക്കു​ള്ള പാ​ക്കേ​ജി​ൽ തീ​രു​മാ​നം ഉ​ണ്ടാ​യ​ശേ​ഷം ഒ​രു​മി​ച്ച് വി​ത​ര​ണം ചെ​യ്യ​ണ​മെ​ന്നും പ്ര​തി​ഷേ​ധ​ക്കാ​ർ ആ​വ​ശ്യ​പ്പെ​ട്ടു. വി​ഷ​യ​ത്തി​ൽ തീ​രു​മാ​നം ഉ​ട​ൻ ഉ​ണ്ടാ​ക്കാ​മെ​ന്നും ന​ഷ്ട​പ​രി​ഹാ​ര വി​ത​ര​ണം ത​ട​സ്സ​പ്പെ​ടു​ത്ത​രു​തെ​ന്നും മ​ന്ത്രി ആ​വ​ശ്യ​പ്പെ​ട്ടെ​ങ്കി​ലും പ്ര​തി​ഷേ​ധ​ക്കാ​ർ വ​ഴ​ങ്ങി​യി​ല്ല. ഇ​തി​നി​ടെ മ​ന്ത്രി ച​ട​ങ്ങ് ന​ട​ക്കു​ന്ന ഹാ​ളി​ലേ​ക്ക് പ്ര​വേ​ശി​ച്ച​തോ​ടെ പ്ര​തി​ഷേ​ധ​ക്കാ​രും ത​ള്ളി​ക്ക​യ​റാ​ൻ ശ്ര​മി​ച്ചു. ഇ​തു ത​ട​ഞ്ഞ​തോ​ടെ പൊ​ലീ​സും പ്ര​തി​ഷേ​ധ​ക്കാ​രും ത​മ്മി​ൽ ഉ​ന്തും ത​ള്ളു​മു​ണ്ടാ​യി. തു​ട​ർ​ന്ന് മ​ന്ത്രി​യു​ടെ കാ​റി​ന് മു​ന്നി​ൽ കി​ട​ന്ന് പ്ര​തി​ഷേ​ധി​ച്ച​വ​രെ പൊ​ലീ​സ് ബ​ലം പ്ര​യോ​ഗി​ച്ച് നീ​ക്കി. സം​ഘ​ർ​ഷാ​വ​സ്ഥ​യ​റി​ഞ്ഞ് കൂ​ടു​ത​ൽ മ​ത്സ്യ​ത്തൊ​ഴി​ലാ​ളി​ക​ൾ സ്ഥ​ല​ത്തെ​ത്തി കോ​വ​ളം ജ​ങ്​​ഷ​നി​ൽ ബൈ​പാ​സ് ഉ​പ​രോ​ധി​ച്ച​തോ​ടെ മ​ണി​ക്കൂ​റു​ക​ളോ​ളം ഗ​താ​ഗ​തം ത​ട​സ്സ​പ്പെ​ട്ടു. തു​ട​ർ​ന്ന് ഫോ​ർ​ട്ട് എ.​സി.​പി എ​സ്. ഷാ​ജി​യു​ടെ നേ​തൃ​ത്വ​ത്തി​ൽ കൂ​ടു​ത​ൽ പൊ​ലീ​സ്​ സ്ഥ​ല​ത്തെ​ത്തി. വി​വ​ര​മ​റി​ഞ്ഞ് സ​ബ് ക​ല​ക്ട​ർ അ​ശ്വ​തി ശ്രീ​നി​വാ​സ്, ഡെ​പ്യൂ​ട്ടി ക​മീ​ഷ​ണ​ർ നി​തി​ൻ രാ​ജ് എ​ന്നി​വ​ർ എ​ത്തി ജ​മാ​അ​ത്ത് പ്ര​സി​ഡ​ന്റ് യു. ​ഷാ​ഫി, സെ​ക്ര​ട്ട​റി അ​ബു സാ​ലി, ന​ഗ​ര​സ​ഭ കൗ​ൺ​സി​ല​ർ നി​സാ​മു​ദ്ദീ​ൻ, മ​ത്സ്യ​ത്തൊ​ഴി​ലാ​ളി പ്ര​തി​നി​ധി​ക​ൾ എ​ന്നി​വ​രു​മാ​യി ന​ട​ത്തി​യ ച​ർ​ച്ച​യി​ൽ 24ന് ​ച​ർ​ച്ച ന​ട​ത്തി പാ​ക്കേ​ജ് സം​ബ​ന്ധി​ച്ച് തീ​രു​മാ​ന​മെ​ടു​ക്കാ​മെ​ന്ന ഉ​റ​പ്പി​ൽ പ്ര​തി​ഷേ​ധ​ക്കാ​ർ ഉ​പ​രോ​ധം അ​വ​സാ​നി​പ്പി​ച്ചു.

വി​ഴി​ഞ്ഞം നോ​ർ​ത്ത് മേ​ഖ​ല​യി​ലെ മ​ത്സ്യ​ത്തൊ​ഴി​ലാ​ളി​ക​ളാ​ണ് തെ​ക്കും​ഭാ​ഗം മു​സ്​​ലിം ജ​മാ​അ​ത്ത് ഭാ​ര​വാ​ഹി​ക​ളു​ടെ നേ​തൃ​ത്വ​ത്തി​ൽ പ്ര​തി​ഷേ​ധ​വു​മാ​യെ​ത്തി​യ​ത്.

തു​റ​മു​ഖ നി​ർ​മാ​ണ​വു​മാ​യി ബ​ന്ധ​പ്പെ​ട്ട് തൊ​ഴി​ൽ ന​ഷ്ട​പ്പെ​ട്ട വി​ഴി​ഞ്ഞം നോ​ർ​ത്തി​ലെ മ​ത്സ്യ​ത്തൊ​ഴി​ലാ​ളി​ക​ൾ​ക്ക് മാ​ത്ര​മാ​ണ് ന​ഷ്ട​പ​രി​ഹാ​രം ല​ഭി​ക്കാ​ത്ത​തെ​ന്ന്​ പ്ര​തി​ഷേ​ധ​ക്കാ​ർ പ​റ​ഞ്ഞു. മേ​ഖ​ല​യി​ലെ 1500 ഓ​ളം വ​രു​ന്ന ക​ര​മ​ടി തൊ​ഴി​ലാ​ളി​ക​ൾ​ക്കും 450 ഓ​ളം വ​രു​ന്ന ചി​പ്പി തൊ​ഴി​ലാ​ളി​ക​ൾ​ക്കു​മാ​ണ് പാ​ക്കേ​ജ് ല​ഭി​ക്കാ​നു​ള്ള​തെ​ന്നും ചി​പ്പി​തൊ​ഴി​ലാ​ളി​ക​ളി​ൽ കു​റ​ച്ചു​പേ​ർ​ക്ക് നാ​മ​മാ​ത്ര​മാ​യ തു​ക​യാ​ണ് ന​ൽ​കി​യ​തെ​ന്നും പ്ര​തി​ഷേ​ധ​ക്കാ​ർ പ​റ​ഞ്ഞു.