സംരക്ഷണഭിത്തി നിർമാണത്തിന്‍റെ മറവിൽ കിള്ളിയാർ മണ്ണിട്ട് കൈയേറി

തി​രു​വ​ന​ന്ത​പു​രം: കി​ള്ളി​യാ​ർ സം​ര​ക്ഷ​ണ​ത്തി​ന്‍റെ മ​റ​വി​ൽ അ​ന​ധി​കൃ​ത​മാ​യി ആ​റ് കൈ​യേ​റു​ന്നു. കി​ള്ളി​യാ​റി​ന് സ​മീ​പ​ത്തെ ഫ്ലാ​റ്റു​ക​ൾ​ക്ക് വേ​ണ്ടി തി​രു​വ​ന​ന്ത​പു​രം കോ​ർ​പ​റേ​ഷ​നി​ലെ ചി​ല ഉ​ദ്യോ​ഗ​സ്ഥ​രു​ടെ​യും രാ​ഷ്ട്രീ​യ നേ​തൃ​ത്വ​ത്തി​ന്‍റെ​യും ഒ​ത്താ​ശ​യോ​ടെ ജ​ലാ​ശ​യം ക​രാ​റു​കാ​ര​ൻ മ​ണ്ണി​ട്ട് നി​ക​ത്തി റോ​ഡാ​ക്കി.

ഇ​തി​നെ​തി​രെ നാ​ട്ടു​കാ​ർ രം​ഗ​ത്തെ​ത്തി​യ​തോ​ടെ മ​ണ്ണ് നീ​ക്കാ​മെ​ന്ന് ഇ​റി​ഗേ​ഷ​ൻ വി​ഭാ​ഗ​വും ന​ഗ​ര​സ​ഭ എ​ൻ​ജി​നീ​യ​റി​ങ് വി​ഭാ​ഗ​വും ഉ​റ​പ്പു​ന​ൽ​കി. മ​ഴ​ക്കാ​ല​ത്ത് കി​ള്ളി​യാ​ർ ക​ര​ക​വി​ഞ്ഞൊ​ഴു​കി 200ഓ​ളം വീ​ടു​ക​ൾ വെ​ള്ള​ത്തി​ൽ മു​ങ്ങു​ന്ന​ത് സ്ഥി​ര​മാ​യ​തോ​ടെ​യാ​ണ് കി​ള്ളി​യാ​റി​ന്‍റെ ക​ര​ക​ളി​ൽ സം​ര​ക്ഷ​ണ​ഭി​ത്തി നി​ർ​മി​ക്കാ​ൻ സ​ർ​ക്കാ​ർ തീ​രു​മാ​നി​ച്ച​ത്. ഇ​തി​നാ​യി 1.26 കോ​ടി​യു​ടെ ഭ​ര​ണാ​നു​മ​തി​യും ക​ഴി​ഞ്ഞ സെ​പ്റ്റം​ബ​റി​ൽ ന​ൽ​കി.

പാ​ങ്ങോ​ട് പാ​ല​ത്തി​ന് സ​മീ​പം വ​ല​തു​ക​ര​യി​ൽ 56 ല​ക്ഷ​വും പാ​റ​ച്ചി​റ പാ​ല​ത്തി​ന് സ​മീ​പം ഇ​ട​തു​ക​ര​യി​ൽ 70 ല​ക്ഷ​വു​മാ​ണ് അ​നു​വ​ദി​ച്ച​ത്. ജ​ഗ​തി വാ​ർ​ഡി​ലെ ഇ​ട​പ്പ​ഴ​ഞ്ഞി, വ​ലി​യ​ശാ​ല വാ​ർ​ഡി​ലെ തേ​ങ്ങാ​ക്കൂ​ട്, പ​ണ്ടാ​ര​വി​ള, കി​ഴ​ക്കേ​വി​ള ഭാ​ഗ​ങ്ങ​ളി​ലാ​ണ് സം​ര​ക്ഷ​ണ​ഭി​ത്തി നി​ർ​മി​ക്കു​ന്ന​ത്.

എ​ന്നാ​ൽ സം​ര​ക്ഷ​ണ​ഭി​ത്തി നി​ർ​മാ​ണ​ത്തി​ന്‍റെ മ​റ​വി​ൽ ജ​ഗ​തി അ​ന​ന്ത​പു​രി ഓ​ഡി​റ്റോ​റി​യ​ത്തി​ന് സ​മീ​പ​ത്താ​യി ഒ​ഴു​കു​ന്ന ആ​റി​ന്‍റെ ഒ​രു​ഭാ​ഗം കാ​രാ​റു​കാ​ര​ൻ റോ​ഡി​നാ​യി മ​ണ്ണി​ട്ട് നി​ക​ത്തു​ക​യാ​യി​രു​ന്നു. ഇ​തോ​ടെ ഒ​രു​ഭാ​ഗ​ത്ത് വെ​ള്ളം പൊ​ങ്ങി. തു​ട​ർ​ന്ന് ആ​റ​ന്നൂ​ർ കൗ​ൺ​സി​ല​ർ ബി​ന്ദു മേ​നോ​നെ​യും ഇ​റി​ഗേ​ഷ​ൻ, ന​ഗ​ര​സ​ഭ എ​ൻ​ജി​നീ​യ​റി​ങ് വി​ഭാ​ഗം ഉ​ദ്യോ​ഗ​സ്ഥ​രെ​യും നാ​ട്ടു​കാ​ർ വി​ളി​ച്ചു​വ​രു​ത്തു​ക​യാ​യി​രു​ന്നു.

സം​ര​ക്ഷ​ണ​ഭി​ത്തി നി​ർ​മാ​ണ​ത്തി​നാ​ണ് അ​നു​മ​തി ന​ൽ​കി​യി​രു​ന്ന​തെ​ന്നും ഇ​ത്ത​ര​ത്തി​ൽ ആ​റി​ലേ​ക്ക് മ​ണ്ണി​റ​ങ്ങി​യു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് അ​നു​മ​തി ന​ൽ​കി​യി​രു​ന്നി​ല്ലെ​ന്നും കൗ​ൺ​സി​ല​ർ അ​റി​യി​ച്ചു. തു​ട​ർ​ന്ന് ആ​റി​ലേ​ക്കി​റ​ക്കി​യ മ​ണ്ണ് അ​ടി​യ​ന്ത​ര​മാ​യി മാ​റ്റു​മെ​ന്ന കൗ​ൺ​സി​ല​റു​ടെ ഉ​റ​പ്പി​ലാ​ണ് നാ​ട്ടു​കാ​ർ പ്ര​തി​ഷേ​ധം അ​വ​സാ​നി​പ്പി​ച്ച​ത്.