യുവാവിനെ മർദിച്ച സംഭവം: എസ്.ഐയെ സസ്പെൻറ്​ ചെയ്ത നടപടി വിവാദത്തിൽ

കഴക്കൂട്ടം: ജോലി കഴിഞ്ഞ് വീട്ടിലേക്ക് മടങ്ങുമ്പോൾ യുവാവിനെ തടഞ്ഞുനിർത്തി മർദിച്ച സംഭവത്തിൽ എസ്.ഐ വിമലിനെ സസ്പെൻറ് ചെയ്ത സംഭവം വിവാദത്തിൽ. യുവാവ് പരാതിയിൽ പറയുന്ന എസ്.ഐ.വിഷ്ണുവിന് പകരം പ്രിൻസിപ്പൽ എസ്.ഐ വിമലിനെ സസ്‌പെൻറ്​ ചെയ്തതാണ് വിവാദത്തിലായത്. ഇതേതുടർന്ന് സംഭവത്തി​െൻറ നിജ സ്ഥിതി അന്വേഷിക്കാൻ സ്പെഷ്യൽ ബ്രാഞ്ച് അസിസ്റ്റൻറ്​ കമ്മീഷണറെ ചുമതലപ്പെടുത്തി.

എസ്.ഐ വിഷ്ണുവാണ്​ കാറിൽ നിന്ന് ഇറങ്ങി തന്നെ മർദിച്ചതെന്ന് യുവാവ് നൽകിയ പരാതിയിലും മൊഴിയിലും​ പറയുന്നുണ്ട്​. എന്നാൽ നടപടി സ്വീകരിച്ചത്​ കഴക്കൂട്ടം സ്റ്റേഷനിലെ പ്രിൻസിപ്പൽ എസ്.ഐ. വിമലിനെതിരെയായിരുന്നു.

തന്നെ മർദ്ദിച്ച എസ്.ഐ. ഇപ്പോഴും ചുമതലയിൽ തുടരുന്നതിനെതിരെ യുവാവ് രംഗത്തവരുകയും ചെയ്തു. ഇക്കഴിഞ്ഞ ഞായറാഴ്ച രാത്രി എട്ടിനായിരുന്നു ജോലി കഴിഞ്ഞ് വീട്ടിലേക്ക് പോയ കഴക്കൂട്ടം രാമചന്ദ്രനഗർ നന്ദനത്തിൽ യു.വി. ഷിബുകുമാറിനെ പോലീസ് അകാരണമായി മർദ്ദിച്ചത്.