ജോലികഴിഞ്ഞ്​ മടങ്ങുന്ന യുവതികളെ കയറിപ്പിടിക്കുന്നയാൾ പിടിയിൽ

ക​ഴ​ക്കൂ​ട്ടം: ടെ​ക്നോ​പാ​ർ​ക്കി​ൽ രാ​ത്രി ജോ​ലി ക​ഴി​ഞ്ഞ് മ​ട​ങ്ങു​ന്ന യു​വ​തി​ക​ളെ ക​യ​റി​പ്പി​ടി​ക്കു​ന്ന പ്ര​തി പി​ടി​യി​ൽ. കാ​ച്ചാ​ണി അ​യ​ണി​ക്കാ​ട് വി​ജി ഭ​വ​നി​ൽ വി​ഷ്ണു (33) ആ​ണ് തു​മ്പ പോ​ലീ​സി​ന്റെ പി​ടി​യി​ലാ​യ​ത്.

നി​ര​വ​ധി യു​വ​തി​ക​ളെ​യാ​ണ് ഇ​യാ​ൾ ആ​ക്ര​മി​ച്ച​ത്. ഒ​രു മാ​സം മു​മ്പ്​ രാ​ത്രി ഒ​രു​മ​ണി​ക്ക് ഇ​ൻ​ഫോ​സി​സി​നു മു​ന്നി​ൽ ഒ​രു യു​വ​തി​യെ ഇ​യാ​ൾ ക​ട​ന്നു പി​ടി​ച്ചി​രു​ന്നു. ക​ഴ​ക്കൂ​ട്ടം ശ്രീ​കാ​ര്യം പൊ​ലീ​സ്​സ്റ്റേ​ഷ​ൻ പ​രി​ധി​യി​ലും സ​മാ​ന​രീ​തി​യി​ൽ ഇ​യാ​ൾ യു​വ​തി​ക​ളെ ആ​ക്ര​മി​ച്ചി​ട്ടു​ണ്ട്. ഡ്രൈ​വ​റാ​യ വി​ഷ്ണു ജോ​ലി ക​ഴി​ഞ്ഞ് മ​ട​ങ്ങു​ന്ന വ​ഴി​യി​ലാ​ണ് പ​തി​വാ​യി യു​വ​തി​ക​ളെ ക​ട​ന്നു​പി​ടി​ച്ചി​രു​ന്ന​ത്.

പ​ല​രും പ​രാ​തി പൊ​ലീ​സി​ൽ വി​ളി​ച്ച​റി​യി​ക്കു​മെ​ങ്കി​ലും തു​ട​ർ​ന​ട​പ​ടി​ക​ൾ​ക്ക് പോ​കാ​റി​ല്ല. പ​ല കോ​ണു​ക​ളി​ൽ നി​ന്നും പ​രാ​തി ഉ​യ​ർ​ന്നെ​ങ്കി​ലും ആ​ളെ പി​ടി​കി​ട്ടാ​ത്ത​ത് പൊ​ലീ​സി​ന് ത​ല​വേ​ദ​ന​യാ​യി​രു​ന്നു. ആ​ളെ തി​രി​ച്ച​റി​യാ​തി​രി​ക്കാ​ൻ ബൈ​ക്കി​ന്റെ ന​മ്പ​ർ പ്ലേ​റ്റ് ഇ​ള​ക്കി ന​മ്പ​ർ കാ​ണാ​ത്ത​വി​ധം തി​രി​ച്ചു​വെ​ച്ചാ​ണ് ഇ​യാ​ൾ സ​ഞ്ച​രി​ച്ചി​രു​ന്ന​ത്.

യു​വ​തി​ക​ളെ ക​ട​ന്നു​പി​ടി​ച്ച ശേ​ഷം ഒ​ഴി​ഞ്ഞ സ്ഥ​ല​ത്തെ​ത്തി ന​മ്പ​ർ പ്ലേ​റ്റ് തി​രി​കെ വെ​ച്ച്​ ര​ക്ഷ​പ്പെ​ടു​ന്ന​താ​ണ് ഇ​യാ​ളു​ടെ രീ​തി. നി​ര​വ​ധി സം​ഭ​വ​ങ്ങ​ൾ ഉ​ണ്ടാ​യ​തോ​ടെ പ്ര​തി സ​ഞ്ച​രി​ച്ച​ത് ഹോ​ണ്ട ഡ്രീം​സ് ബൈ​ക്കാ​ണെ​ന്ന് തി​രി​ച്ച​റി​ഞ്ഞ പൊ​ലീ​സ് മോ​ട്ടോ​ർ വെ​ഹി​ക്കി​ൾ വ​കു​പ്പി​ന്റെ സ​ഹാ​യ​ത്തോ​ടെ ഇ​ത്ത​ര​ത്തി​ലു​ള്ള ബൈ​ക്ക് ഉ​ട​മ​ക​ളു​ടെ വി​ലാ​സം ശേ​ഖ​രി​ച്ച് അ​ന്വേ​ഷ​ണം ന​ട​ത്തു​ന്ന​തി​നി​ടെ​യാ​ണ് പ്ര​തി പി​ടി​യി​ലാ​യ​ത്.

വെ​ള്ളി​യാ​ഴ്ച കു​ള​ത്തൂ​ർ ഭാ​ഗ​ത്ത് ഇ​യാ​ൾ ഒ​രു യു​വ​തി​യെ ക​ട​ന്നു​പി​ടി​ച്ചി​രു​ന്നു. പൊ​ലീ​സ് സ്ഥ​ല​ത്തെ​ത്തി​യെ​ങ്കി​ലും പി​ടി​കൂ​ടാ​ൻ ക​ഴി​ഞ്ഞി​ല്ല. ഒ​രു മ​ണി​ക്കൂ​റി​നു ശേ​ഷം വീ​ണ്ടും മ​റ്റൊ​രു യു​വ​തി​യെ ക​ട​ന്നു പി​ടി​ച്ച ഇ​യാ​ളെ യു​വ​തി​യും നാ​ട്ടു​കാ​രും ചേ​ർ​ന്ന് ത​ട​ഞ്ഞു​വ​ച്ച്​ തു​മ്പ പൊ​ലീ​സി​നു കൈ​മാ​റു​ക​യാ​യി​രു​ന്നു. പ്ര​തി സ​ഞ്ച​രി​ച്ച ബൈ​ക്കും പൊ​ലിസ് ക​സ്റ്റ​ഡി​യി​ലെ​ടു​ത്തു. വ​ഞ്ചി​യൂ​ർ കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.