അനധികൃത മീൻപിടിത്തം; മത്സ്യത്തൊഴിലാളികൾ തീരദേശ റോഡ് ഉപരോധിച്ചു

ക​ഴ​ക്കൂ​ട്ടം: നി​രോ​ധി​ക്ക​പ്പെ​ട്ട കൊ​ല്ലി​വ​ല​ക​ൾ ഉ​പ​യോ​ഗി​ച്ച് ഒ​രു​വി​ഭാ​ഗം ന​ട​ത്തു​ന്ന അ​ന​ധി​കൃ​ത മീ​ൻ​പി​ടി​ത്തം അ​വ​സാ​നി​പ്പി​ക്ക​ണ​മെ​ന്ന ആ​വ​ശ്യ​വു​മാ​യി മ​ര്യ​നാ​ട് ഇ​ട​വ​ക​യു​ടെ നേ​തൃ​ത്വ​ത്തി​ൽ മ​ത്സ്യ​ത്തൊ​ഴി​ലാ​ളി​ക​ൾ ക​ഠി​നം​കു​ളം -മ​ര്യ​നാ​ട് തീ​ര​ദേ​ശ​റോ​ഡ് ഉ​പ​രോ​ധി​ച്ചു. രാ​വി​ലെ ആ​റി​ന്​ തു​ട​ങ്ങി​യ ഉ​പ​രോ​ധം ഏ​ഴ് മ​ണി​ക്കൂ​ർ നീ​ണ്ടു.

ഫി​ഷ​റീ​സ് വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ർ ഷീ​ജ മേ​രി സം​ഭ​വ​സ്ഥ​ല​ത്തെ​ത്തി സ​മ​രാ​നു​കൂ​ലി​ക​ളു​മാ​യി ന​ട​ത്തി​യ ച​ർ​ച്ച​യി​ലാ​ണ് സ​മ​രം അ​വ​സാ​നി​ച്ച​ത്. മ​ത്സ്യ​ത്തൊ​ഴി​ലാ​ളി​ക​ളു​ടെ ആ​വ​ശ്യ​ങ്ങ​ൾ വെ​ള്ളി​യാ​ഴ്ച​ക്ക​കം ച​ർ​ച്ച ചെ​യ്​​ത് പ​രി​ഹ​രി​ക്കാ​മെ​ന്ന് ​ അ​ധി​കൃ​ത​ർ ഉ​റ​പ്പു​ന​ൽ​കി. മ​ര്യ​നാ​ട് ഇ​ട​വ​ക വി​കാ​രി ഫാ. ​സൈ​റ​സ് ക​ള​ത്തി​ൽ, തി​രു​വ​ന​ന്ത​പു​രം രൂ​പ​ത മ​ത്സ്യ​മേ​ഖ​ല ഡ​യ​റ​ക്ട​ർ ഫാ. ​ഷാ​ജി​ൻ ജോ​സ്, പു​തു​ക്കു​റി​ച്ചി വി​കാ​രി ഫാ. ​രാ​ജ​ശേ​ഖ​ര​ൻ, വാ​ർ​ഡ് അം​ഗം അ​ഡ്വ. ജോ​സ് നി​ക്കോ​ളാ​സ്, മ​ത്സ്യ​ത്തൊ​ഴി​ലാ​ളി പ്ര​തി​നി​ധി​ക​ളാ​യ ജോ​സ്, ഫ്ര​ഡി, ജോ​ർ​ജ് തു​ട​ങ്ങി​യ​വ​ർ ച​ർ​ച്ച​യി​ൽ പ​ങ്കെ​ടു​ത്തു.

സ​മ​ര​ത്തി​ന്​ പി​ന്തു​ണ​യു​മാ​യി പു​തു​ക്കു​റി​ച്ചി​യി​ലും വെ​ട്ടു​തു​റ​യി​ലും സ​മാ​ന രീ​തി​യി​ൽ മ​ത്സ്യ​ത്തൊ​ഴി​ലാ​ളി​ക​ൾ റോ​ഡ് ഉ​പ​രോ​ധി​ച്ചു. ജി​ല്ല​യി​ലെ തീ​ര​ദേ​ശ​പാ​ത​യി​ലേ​ക്ക് പ്ര​വേ​ശി​ക്കാ​ൻ ക​ഴി​യാ​ത്ത​രീ​തി​യി​ൽ പ്ര​ധാ​ന റോ​ഡു​ക​ളി​ലും ഇ​ട​റോ​ഡു​ക​ളി​ലും സ​മ​രാ​നു​കൂ​ലി​ക​ൾ മാ​ർ​ഗ​ത​ട​സ്സം സൃ​ഷ്ടി​ച്ചി​രു​ന്നു. ഉ​പ​രോ​ധം​മൂ​ലം കെ.​എ​സ്.​ആ​ർ.​ടി.​സി ഉ​ൾ​പ്പെ​ടെ നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് വ​ഴി​യി​ൽ കു​ടു​ങ്ങി​യ​ത്. സ്കൂ​ൾ ബ​സ് ഉ​ൾ​പ്പെ​ടെ ത​ട​ഞ്ഞ​തോ​ടെ നി​ര​വ​ധി വി​ദ്യാ​ർ​ഥി​ക​ൾ​ക്കും സ്കൂ​ളു​ക​ളി​ലെ​ത്താ​ൻ ക​ഴി​ഞ്ഞി​ല്ല. ആ​റ്റി​ങ്ങ​ൽ ഡി​വൈ.​എ​സ്.​പി സു​നീ​ഷ് ബാ​ബു​വി​ന്റെ നേ​തൃ​ത്വ​ത്തി​ൽ ക​ഠി​നം​കു​ളം പൊ​ലീ​സ് എ​സ്.​എ​ച്ച്.​ഒ അ​ൻ​സാ​രി, അ​ഞ്ചു​തെ​ങ്ങ് കോ​സ്റ്റ​ൽ പൊ​ലീ​സ് എ​സ്.​എ​ച്ച്.​ഒ ക​ണ്ണ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ വ​ൻ പൊ​ലീ​സ് സം​ഘം തീ​ര​മേ​ഖ​ല​യി​ൽ എ​ത്തി​യി​രു​ന്നു.