മോഷണക്കേസ് പ്രതികൾ അറസ്റ്റിൽ

കഴക്കൂട്ടം: കഴക്കൂട്ടത്തുനിന്ന് ബൈക്ക് മോഷ്ടിച്ച് സ്റ്റേഷൻ കടവിലെത്തി സ്വർണമാല പൊട്ടിച്ചുകടന്ന പ്രതികളെ കഴക്കൂട്ടം െപാലീസ് പിടികൂടി. വെട്ടുകാട് സ്വദേശികളായ അനൂപ് ആന്റണി(28), സഞ്ചു (27) എന്നിവരെയാണ് അറസ്റ്റ് ചെയ്തത്. കഴിഞ്ഞദിവസമാണ് കഴക്കൂട്ടം ജങ്ഷന് സമീപം നീതി മെഡിക്കൽ സ്റ്റോർ ജീവനക്കാരന്റെ ബൈക്ക് രണ്ടംഗ സംഘം മോഷ്ടിച്ചത്. തുടർന്ന് തുമ്പ സ്റ്റേഷൻകടവിൽ നടന്നുപോവുകയായിരുന്ന വയോധികയുടെ സ്വർണമാല കവർന്ന ശേഷം രക്ഷപ്പെടുകയായിരുന്നു. സി.സി.ടി.വി കാമറകൾ പരിശോധിച്ച് നടത്തിയ അന്വേഷണത്തിലാണ് പ്രതികൾ പിടിയിലായത്.