കഴക്കൂട്ടത്ത് 16 കാരിക്ക്​ പീഡനം: പ്രതി അറസ്​റ്റിൽ

കഴക്കൂട്ടം: കഴക്കൂട്ടത്ത് 16 കാരിയെ വിവാഹം കഴിക്കാമെന്ന് പറഞ്ഞ് പ്രലോഭിപ്പിച്ച് പീഡിപ്പിച്ച് ഗർഭിണിയാക്കിയ പ്രതിയെ കഴക്കൂട്ടം പൊലീസ് അറസ്​റ്റ്​ ചെയ്തു. തിരുവനന്തപുരം മുട്ടത്തറ സ്വദേശി അഖ്നേഷാണ്​ (21) പിടിയിലായത്. ഇയാൾക്കെതിരെ പോക്സോ നിയമപ്രകാരം കേസ് രജിസ്​റ്റർ ചെയ്തു.

രണ്ടുവർഷം മുമ്പാണ് ഇയാൾ സമൂഹമാധ്യമം വഴി പെൺകുട്ടിയെ പരിചയപ്പെട്ടത്. ചാരിറ്റി പ്രവർത്തകനാണെന്ന് പരിചയപ്പെടുത്തിയാണ്​ ​െപൺകുട്ടിയെ വലയിലാക്കിയത്. വയറുവേദനയെതുടർന്ന് സ്വകാര്യ ആശുപത്രിയിൽ ചികിത്സതേടിയപ്പോഴാണ് പെൺകുട്ടി ആറുമാസം ഗർഭിണിയാണെന്നറിഞ്ഞത്.

തുടർന്ന് ആശുപത്രി അധികൃതർ ചൈൽഡ് ലൈനിൽ അറിയിക്കുകയായിരുന്നു. മൂന്നുമാസം മുമ്പായിരുന്നു പ്രതി മറ്റൊരു പെൺകുട്ടിയെ വിവാഹം കഴിച്ചത്.