തോക്കേന്തിയ പൊലീസിനൊപ്പം പോളിങ് ഉദ്യോഗസ്ഥര്‍ കാടുകയറി

കാ​ട്ടാ​ക്ക​ട: ആ​ദി​വാ​സി​ക​ളു​ടെ വോ​ട്ടു​ക​ള്‍ പെ​ട്ടി​യി​ലാ​ക്കാ​ന്‍ തോ​ക്കേ​ന്തി​യ പൊ​ലീ​സി​ന്‍റെ സം​ര​ക്ഷ​ണ​യി​ല്‍ പോ​ളി​ങ് ഉ​ദ്യോ​ഗ​സ്ഥ​ര്‍ കാ​ടു​ക​യ​റി. അ​ഞ്ഞൂ​റോ​ളം വോ​ട്ടാ​ണ്​ അ​ഗ​സ്ത്യ​വ​നം സെ​റ്റി​ല്‍മെ​ന്‍റി​ലെ പൊ​ടി​യ​ത്തെ പോ​ളി​ങ് സ്റ്റേ​ഷ​നി​ലു​ള്ള​ത്. പൊ​ലീ​സ് ഉ​ള്‍പ്പെ​ടെ അ​ഞ്ചം​ഗ​സം​ഘം വ്യാ​ഴാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ് പോ​ളി​ങ് സ്റ്റേ​ഷ​നി​ലെ​ത്തി​യ​ത്.

നെ​ടു​മ​ങ്ങാ​ട് മ​ഞ്ച ടെ​ക്നി​ക്ക​ല്‍ സ്കൂ​ളി​ല്‍നി​ന്ന്​ വോ​ട്ടി​ങ് മെ​ഷീ​നും പോ​ളി​ങ് സാ​ധ​ന​ങ്ങ​ളു​മാ​യി സ്കൂ​ള്‍ ബ​സി​ല്‍ ക​യ​റി വൈ​കീ​ട്ട് മൂ​ന്നോ​ടെ കോ​ട്ടൂ​രി​ലെ​ത്തി. തു​ട​ര്‍ന്ന് വ​ന​ത്തി​ലൂ​ടെ ഓ​ടു​ന്ന ജീ​പ്പി​ല്‍ പോ​ളി​ങ് സാ​ധ​ന​ങ്ങ​ളു​മാ​യി പോ​ളി​ങ് സ്റ്റേ​ഷ​നി​ലേ​ക്ക്​ പോ​വു​ക​യാ​യി​രു​ന്നു.

ഉ​ള്‍വ​ന​ത്തി​ലെ ബൂ​ത്തി​ന​ടു​ത്തി​റ​ങ്ങി മൊ​ബൈ​ല്‍ ഫോ​ണി​ല്‍ വി​ളി​ക്കാ​ൻ ശ്ര​മി​ച്ച​പ്പോ​ൾ റേ​ഞ്ചി​ല്ലെ​ന്ന് ഒ​പ്പം വ​ന്ന ഉ​ദ്യോ​ഗ​സ്ഥ​ന്‍റെ അ​റി​യി​പ്പ്. ഇ​തോ​ടെ എ​ല്ലാ​വ​രും നി​രാ​ശ​രാ​യി. റേ​ഞ്ച് കി​ട്ടാ​നാ​യി പോ​ളി​ങ് സ്റ്റേ​ഷ​നു സ​മീ​പ​ത്തു​ള്ള കു​ന്നി​ന്‍മു​ക​ളി​ൽ​ ക​യ​റി​യ​പ്പോ​ള്‍ പോ​ളി​ങ് ബൂ​ത്ത് സ​ജ്ജ​മാ​ക്കാ​നാ​യി പോ​ളി​ങ് ഓ​ഫി​സ​റു​ടെ വി​ളി​വ​ന്നു.

വോ​ട്ടെ​ടു​പ്പ്​ ക​ഴി​ഞ്ഞ്​ ര​ണ്ടു മ​ണി​ക്കൂ​റോ​ളം വ​ന​ത്തി​ലൂ​ടെ വാ​ഹ​ന​ത്തി​ല്‍ യാ​ത്ര​ചെ​യ്താ​ലേ പു​റം​നാ​ട്ടി​ലെ​ത്തൂ. പോ​ളി​ങ് ഉ​ദ്യോ​ഗ​സ്ഥ​ര്‍ക്ക് ആ​ഹാ​ര​ത്തി​നും നാ​ട്ടി​ല്‍നി​ന്ന്​ കാ​ടു​ക​യ​റു​ന്ന​വ​ര്‍ ക​നി​യ​ണം.

വോ​ട്ട് ചെ​യ്യാ​നാ​യി പ​കു​തി​യി​ലേ​റെ വോ​ട്ട​ര്‍മാ​ര്‍ക്കും വ​ന​ത്തി​ലൂ​ടെ മ​ണി​ക്കൂ​റു​ക​ള്‍ ന​ട​ക്ക​ണം. പാ​റ്റം​പാ​റ സെ​റ്റി​ല്‍മെ​ന്‍റി​ല്‍നി​ന്ന്​ പൊ​ടി​യ​ത്തെ​ത്താ​ന്‍ 15 കി​ലോ​മീ​റ്റ​റോ​ളം യാ​ത്ര ചെ​യ്യ​ണം. ആ​മ​ല ഊ​രി​ലെ കാ​ണി​ക്കാ​ര്‍ക്കും ഇ​ത്ര​യും ദൂ​രം താ​ണ്ട​ണം. വാ​ഹ​ന​സൗ​ക​ര്യം ഇ​ല്ലാ​ത്ത​തി​നാ​ല്‍ പൊ​ടി​യം, ആ​മ​ല സെ​റ്റി​ല്‍മെ​റ്റി​ലെ ആ​ദി​വാ​സി വോ​ട്ട​ർ​മാ​ര്‍ വോ​ട്ടി​ങ്ങി​നെ​ത്താ​ന്‍ സാ​ധ്യ​ത​യി​ല്ലെ​ന്നാ​ണ് ആ​ദി​വാ​സി നേ​താ​ക്ക​ള്‍ പ​റ​യു​ന്ന​ത്.

വാ​ലി​പ്പാ​റ, മാ​ങ്കോ​ട്, അ​രി​യാ​വി​ള, ചോ​നം​പാ​റ, കൈ​തോ​ട്, അ​ണ​കാ​ല്‍, പാ​റ്റാം​പാ​റ, പൊ​ടി​യം, പ്ലാ​ത്ത്, എ​റു​മ്പി​യാ​ട്, മു​ക്കോ​ത്തി​വ​യ​ൽ സെ​റ്റി​ൽ​മെ​ന്‍റു​ക​ളി​ലു​ള്ള​വ​രാ​ണ്​ കു​റ്റി​ച്ച​ല്‍ ഗ്രാ​മ​പ​ഞ്ചാ​യ​ത്തി​ലെ ചോ​നം​പാ​റ വാ​ര്‍ഡി​ലു​ള്ള​ത്. മു​ന്‍കാ​ല​ങ്ങ​ളി​ല്‍ വോ​ട്ടെ​ടു​പ്പി​ന്‍റെ താ​ലേ​ന്നാ​ള്‍മു​ത​ല്‍ത​ന്നെ കാ​ടി​റ​ങ്ങി ബൂ​ത്തി​ല്‍ അ​തി​രാ​വി​ലെ എ​ത്തി വോ​ട്ട് ചെ​യ്ത്​ മ​ട​ങ്ങു​മാ​യി​രു​ന്നു.