മണ്ണൊലിച്ചുപോയ കനാല്‍ ബണ്ട് റോഡിന്‍റെ നിര്‍മാണം നീളുന്നു

കാ​ട്ടാ​ക്ക​ട: വെ​ള്ള​ത്തി​ന്‍റെ കു​ത്തൊ​ഴു​ക്കി​ല്‍ മ​ണ്ണൊ​ലി​ച്ചു​പോ​യ ക​നാ​ല്‍ ബ​ണ്ട് റോ​ഡി​ന്‍റെ നി​ര്‍മാ​ണം തു​ട​ങ്ങി​യി​ല്ല; നൂ​റു​ക​ണ​ക്കി​നാ​ളു​ക​ള്‍ നാ​ട്ടി​ലി​റ​ങ്ങാ​ന്‍ ബു​ദ്ധി​മു​ട്ടു​ന്നു. സ്കൂ​ള്‍ ബ​സു​ക​ളു​ള്‍പ്പെ​ടെ​യു​ള്ള വ​ലി​യ വാ​ഹ​ന​ങ്ങ​ള്‍ യാ​ത്ര നി​ല​ച്ചി​ട്ട് മാ​സ​ങ്ങ​ളാ​യി. അ​പ​ക​ടം പ​തി​യി​രി​ക്കു​ന്ന റോ​ഡി​ലൂ​ടെ ദി​നം​പ്ര​തി നി​ര​വ​ധി വാ​ഹ​ന​ങ്ങ​ളും ക​ട​ന്നു​പോ​കു​ന്നു. മാ​റ​ന​ല്ലൂ​ര്‍ മ​ല​വി​ള പാ​ല​ത്തി​നു​സ​മീ​പ​ത്തെ ക​നാ​ല്‍ റോ​ഡാ​ണ് മാ​സ​ങ്ങ​ള്‍ക്ക് മു​മ്പ്​ ത​ക​ര്‍ന്ന​ത്. ക​നാ​ലി​ന്‍റെ നി​ര്‍മാ​ണ​ത്തി​നു​വേ​ണ്ടി പ​ണം അ​നു​വ​ദി​ച്ചി​ട്ട് മാ​സ​ങ്ങ​ളാ​യ​താ​യി അ​ധി​കൃ​ത​ര്‍ അ​റി​യി​ച്ചി​ട്ടും ഇ​തേ​വ​രെ പ​ണി​തു​ട​ങ്ങാ​നാ​യി​ല്ല.

25 ല​ക്ഷം രൂ​പ​യാ​ണ് പു​ന​ര്‍ നി​ര്‍മാ​ണ​പ്ര​വ​ര്‍ത്ത​ന​ങ്ങ​ള്‍ക്കാ​യി അ​നു​വ​ദി​ച്ച​തെ​ങ്കി​ലും ഇ​തേ​വ​രെ പ​ണി തു​ട​ങ്ങി​യി​ല്ല. നി​ര്‍മാ​ണ ജോ​ലി​ക​ള്‍ ഉ​ട​ന്‍ ആ​രം​ഭി​ക്കു​മെ​ന്ന്​ ആ​ഴ്ച​ക​ള്‍ക്കു​മു​മ്പ് ജ​ല​സേ​ച​ന​വ​കു​പ്പ് അ​ധി​കൃ​ത​ര്‍ അ​റി​യി​ച്ചി​രു​ന്ന​താ​ണ്.

കോ​ടി​ക​ള്‍ മു​ട​ക്കി നി​ര്‍മി​ച്ച മ​ല​വി​ള പാ​ലം ഉ​ദ്ഘാ​ട​നം ക​ഴി​ഞ്ഞ് ര​ണ്ടു​മാ​സം തി​ക​യും മു​മ്പാ​ണ് സ​മീ​പ​ത്തെ ക​നാ​ൽ വ​ശ​ത്തെ ബ​ണ്ട് ഇ​ടി​ഞ്ഞു​താ​ഴ്ന്ന​ത്. ഇ​ത് വ​ലി​യ പ്ര​തി​ഷേ​ധ​ങ്ങ​ള്‍ക്കി​ട​യാ​ക്കി​യി​രു​ന്നു. പാ​ല​ത്തി​ന്‍റെ വ​ശ​ത്തു​കൂ​ടി പോ​കു​ന്ന ജ​ല​വി​ത​ര​ണ​പൈ​പ്പ് പൊ​ട്ടി​യ​തു കാ​ര​ണ​മാ​ണ് മ​ണ്ണി​ടി​ച്ചി​ലു​ണ്ടാ​യ​ത്. ബ​ണ്ട് ത​ക​ര്‍ന്ന​ത് കാ​ര​ണം അ​പ്രോ​ച്ച് റോ​ഡു​വ​ഴി​യു​ള്ള ഗ​താ​ഗ​ത​വും നി​രോ​ധി​ച്ചി​രു​ന്നു. എ​ന്നാ​ല്‍, മാ​സ​ങ്ങ​ളാ​യി​ട്ടും പ​ണി തു​ട​ങ്ങാ​ത്ത​ത് കാ​ര​ണം നാ​ട്ടു​കാ​ര്‍ ത​ന്നെ അ​ട​ച്ചി​രു​ന്ന റോ​ഡ് തു​റ​ന്നു.

മാ​റ​ന​ല്ലൂ​ര്‍, പു​ത്ത​ന്‍ കാ​വു​വി​ള പ്ര​ദേ​ശ​ത്തെ ആ​യി​ര​ത്തോ​ളം കു​ടും​ബ​ങ്ങ​ളാ​ണ് ക​നാ​ല്‍ ബ​ണ്ട് അ​പ​ക​ട​ത്തി​ലാ​യ​തു നി​മി​ത്തം ബു​ദ്ധി​മു​ട്ടു​ന്ന​ത്. കാ​ല​വ​ര്‍ഷ​ത്തി​ല്‍ നെ​യ്യാ​റി​ന്റെ വ​ല​തു​ക​ര ക​നാ​ല്‍ ക​ട​ന്നു പോ​കു​ന്ന മ​ണ്ണ​ടി​ക്കോ​ണം ഭാ​ഗ​ത്ത് വ​ലി​യ തോ​തി​ലു​ള്ള മ​ണ്ണി​ടി​ച്ചി​ലു​ണ്ടാ​യെ​ങ്കി​ലും അ​തി​നും ഇ​തു​വ​രെ പ​രി​ഹാ​രം ക​ണ്ടെ​ത്താ​ന്‍ ക​ഴി​ഞ്ഞി​ട്ടി​ല്ല.