നഗരത്തിലേക്ക്​ നെയ്യാർ ഡാമിൽനിന്ന്​ വെള്ളമെത്തിക്കാൻ നടപടി

കാ​ട്ടാ​ക്ക​ട: വേ​ന​ല്‍ക്കാ​ല​ത്ത് ന​ഗ​ര​ത്തി​ലേ​ക്ക്​ നെ​യ്യാ​ര്‍ഡാ​മി​ല്‍നി​ന്ന്​ വെ​ള്ളം എ​ത്തി​ക്കാ​നു​ള്ള ന​ട​പ​ടി​ക​ളാ​രം​ഭി​ച്ചു. ആ​ദ്യ​ഘ​ട്ട​മാ​യി പൈ​പ്പ്​​ലൈ​ന്‍ ക​ട​ന്നു​പോ​കു​ന്നി​ട​ത്ത് മ​ണ്ണ് പ​രി​ശോ​ധ​ന​യും തു​ട​ങ്ങി. ഡാ​മി​ല്‍നി​ന്ന്​ കാ​ട്ടാ​ക്ക​ട വ​ഴി ത​ല​സ്ഥാ​ന​ത്തേ​ക്ക്​ പൈ​പ്പ് ലൈ​ന്‍ കൊ​ണ്ടു​പോ​കു​ന്ന​തി​നു​വേ​ണ്ടി​യു​ള്ള സ്ഥ​ല​ങ്ങ​ളി​ലാ​ണ് പ​രി​ശോ​ധ​ന ആ​രം​ഭി​ച്ച​ത്.

ഒ​ന്നാം പി​ണ​റാ​യി സ​ര്‍ക്കാ​റി​ന്‍റെ ആ​ദ്യ​വ​ര്‍ഷം ത​ല​സ്ഥാ​ന​ത്ത് രൂ​ക്ഷ​മാ​യ കു​ടി​വെ​ള്ള​ക്ഷാ​മം നേ​രി​ട്ട​പ്പോ​ള്‍ നെ​യ്യാ​ര്‍ഡാ​മി​ലെ വെ​ള്ളം കോ​ട്ടൂ​ര്‍ കു​മ്പി​ല്‍മൂ​ട് തോ​ടു​വ​ഴി ക​ര​മ​ന​യാ​റ്റി​ലും അ​തു​വ​ഴി അ​രു​വി​ക്ക​ര​യി​ലും എ​ത്തി​ച്ചാ​ണ് ജ​ല​ക്ഷാ​മം പ​രി​ഹ​രി​ച്ച​ത്. തു​ട​ര്‍ന്ന് കാ​ല​ര്‍ഷം തു​ട​ങ്ങി അ​രു​വി​ക്ക​ര​യി​ല്‍ യ​ഥേ​ഷ്ടം ജ​ലം ല​ഭി​ച്ച​തോ​ടെ നെ​യ്യാ​ര്‍ഡാ​മി​ലെ താ​ല്‍ക്കാ​ലി​ക പ​ദ്ധ​തി അ​വ​സാ​നി​പ്പി​ച്ചു.

തു​ട​ര്‍ന്ന് 2017ലാ​ണ് പ്ര​തി​ദി​നം 120 ദ​ശ​ല​ക്ഷം ലി​റ്റ​ർ വെ​ള്ളം ത​ല​സ്ഥാ​ന​ത്തേ​ക്ക്​​ കൊ​ണ്ടു​പോ​കാ​നു​ള്ള വ​ലി​യ പ​ദ്ധ​തി ത​യാ​റാ​യ​ത്. എ​ന്നാ​ല്‍ നെ​യ്യാ​ര്‍ഡാ​മി​ല്‍നി​ന്ന്​ പ്ര​ധാ​ന റോ​ഡു​വ​ഴി വ​ട്ടി​യൂ​ർ​ക്കാ​വ് പി.​ടി.​പി ന​ഗ​ര്‍ വ​രെ പൈ​പ്പ്​​ലൈ​ന്‍ എ​ത്തി​ക്കു​ന്ന​തി​ന്​ വെ​ല്ലു​വി​ളി​ക​ള്‍ ഏ​റെ​യാ​കു​മെ​ന്നും ഇ​ത് പ്ര​തി​ഷേ​ധ​ന​ങ്ങ​ള്‍ക്ക് ഇ​ട​യാ​ക്കു​മെ​ന്നു​മു​ള്ള നി​ഗ​മ​ന​ങ്ങ​ളെ തു​ട​ര്‍ന്ന് പ​ദ്ധ​തി​യു​ടെ പ്ര​വ​ര്‍ത്ത​നം തു​ട​ര്‍ന്നു​പോ​യി​ല്ല.

ഇ​തി​നി​ടെ റ​യി​ല്‍ ഇ​ന്ത്യ ടെ​ക്നി​ക്ക​ൽ ആ​ൻ​ഡ്​ ഇ​ക്ക​ണോ​മി​ക്സ് സ​ർ​വി​സ് നെ​യ്യാ​ര്‍ഡാ​മി​ല്‍നി​ന്ന്​ ത​ല​സ്ഥാ​ന​ത്തേ​ക്ക്​ പൈ​പ്പ് ലൈ​ന്‍ എ​ത്തി​ക്കു​ന്ന​തി​നു​വേ​ണ്ടി​യു​ള്ള രൂ​പ​രേ​ഖ ത​യാ​റാ​ക്കി. ഇ​ട​റോ​ഡു​ക​ളെ പ​ര​മാ​വ​ധി പ്ര​യോ​ജ​ന​പ്പെ​ടു​ത്തി​യാ​ണ് പ​ദ്ധ​തി വി​ഭാ​വ​നം ചെ​യ്തി​രി​ക്കു​ന്ന​ത്. റോ​ഡി​ല്‍ തു​ര​ങ്ക​ങ്ങ​ളും പൈ​പ്പ് ലൈ​ന്‍ പാ​ല​വു​മൊ​ക്കെ നി​ര്‍മി​ക്കാ​നാ​ണ് പ​ദ്ധ​തി.