കരുതൽ മേഖല; ആന പുനരധിവാസ കേന്ദ്രത്തിലെ നിർമാണങ്ങൾക്കെതിരെ മലയോരവാസികൾ

കാ​ട്ടാ​ക്ക​ട: ക​രു​ത​ൽ മേ​ഖ​ല റി​പ്പോ​ര്‍ട്ടും ഭൂ​പ​ട​വും പ്ര​സി​ദ്ധീ​ക​രി​ച്ച​തി​നു​പി​ന്നാ​ലെ ജി​ല്ല​യി​ലെ മ​ല​യോ​ര മേ​ഖ​ല​യി​ലെ താ​മ​സ​ക്കാ​രും ക​ര്‍ഷ​ക​രും ആ​ശ​ങ്ക​യി​ല്‍. കെ​ട്ടി​ട​ങ്ങ​ളും ക​ട​ക​ളും നി​ർ​മി​ക്കു​ക​യും റ​ബ​റും കൈ​ത​ച്ച​ക്ക​യു​മു​ള്‍പ്പെ​ടെ കൃ​ഷി​ക​ളും ചെ​യ്യു​ന്ന ഭൂ​മി​യി​ല്‍ നി​യ​ന്ത്ര​ണ​ങ്ങ​ള്‍ വ​രു​ന്നെ​ന്ന പ്ര​ചാ​ര​ണം ശ​ക്തി​പ്പെ​ട്ട​തോ​ടെ ജ​ന​ങ്ങ​ൾ​ക്കി​ട​യി​ൽ പ്ര​തി​ഷേ​ധ​വും ശ​ക്ത​മാ​വു​ക​യാ​ണ്.

ഇ​തി​ന്‍റെ ഭാ​ഗ​മാ​യി കോ​ട്ടൂ​രി​ലെ ആ​ന പു​ന​ര​ധി​വാ​സ കേ​ന്ദ്ര​ത്തി​ൽ ന​ട​ക്കു​ന്ന നി​ർ​മാ​ണ​ങ്ങ​ൾ​ക്കെ​തി​രെ നാ​ട്ടു​കാ​ർ സം​ഘ​ടി​ച്ച്​ ശ​ബ്​​ദ​മു​യ​ർ​ത്തി. വ​ന​ഭൂ​മി​യി​ല്‍ ട​ൺ ക​ണ​ക്കി​ന് മ​ണ്ണ്​ നീ​ക്കം​ചെ​യ്ത് കൂ​റ്റ​ന്‍ കെ​ട്ടി​ട​ങ്ങ​ൾ നി​ർ​മി​ക്കു​ന്ന​ത്​ ത​ട​യ​ണ​മെ​ന്ന്​ ആ​വ​ശ്യ​പ്പെ​ട്ട്​ ബു​ധ​നാ​ഴ്ച കോ​ട്ടൂ​രി​ല്‍ നാ​ട്ടു​കാ​ർ പ്ര​തി​ഷേ​ധ കൂ​ട്ടാ​യ്​​മ സം​ഘ​ടി​പ്പി​ച്ചു.

ഇ​തോ​ടെ അ​ന്ത​ർ​ദേ​ശീ​യ നി​ല​വാ​ര​ത്തി​ല്‍ 108 കോ​ടി ചെ​ല​വി​ട്ട് കി​ഫ്ബി വ​ഴി ന​ട​പ്പാ​ക്കു​ന്ന പ്ര​വൃ​ത്തി​ക​ളു​ടെ പു​രോ​ഗ​തി ജ​ന​കീ​യ പ്ര​തി​ഷേ​ധം​മൂ​ലം ​പ്ര​തി​സ​ന്ധി​യി​ലാ​കു​മോ എ​ന്ന ആ​ശ​ങ്ക​യി​ലാ​ണ്​ അ​ധി​കൃ​ത​ർ. ആ​ന​ക​ളു​ടെ പു​ന​ര​ധി​വാ​സ​വും സ്വാ​ഭാ​വി​ക ആ​വാ​സ വ്യ​വ​സ്ഥ​യി​ൽ സ​ഞ്ചാ​രി​ക​ള്‍ക്ക് ആ​ന​ക​ളെ അ​ടു​ത്ത് കാ​ണാ​നു​ള്ള അ​വ​സ​ര​വും ല​ക്ഷ്യ​മി​ട്ടാ​ണ്​ കേ​ന്ദ്ര​ത്തി​ൽ പ​ദ്ധ​തി​ക​ൾ ന​ട​പ്പാ​ക്കു​ന്ന​ത്.

അ​ഗ​സ്ത്യ​വ​ന​ത്തി​ലെ കാ​പ്പു​കാ​ട് വ​ന​മേ​ഖ​ല​യി​ൽ 2008ലാ​ണ് ആ​ന പു​ന​ര​ധി​വാ​സ കേ​ന്ദ്രം ആ​രം​ഭി​ച്ച​ത്. കാ​ട്ടി​ൽ കൂ​ട്ടം​തെ​റ്റി​യെ​ത്തു​ന്ന കു​ട്ടി​യാ​ന​ക​ൾ, ജ​ന​വാ​സ മേ​ഖ​ല​ക​ളി​ലി​റ​ങ്ങി സ്ഥി​ര​മാ​യി നാ​ശം​വ​രു​ത്തു​ന്ന കാ​ട്ടാ​ന​ക​ൾ, ആ​ന ക്യാ​മ്പു​ക​ളി​ലെ പ്രാ​യം​ചെ​ന്ന ആ​ന​ക​ൾ, മ​നു​ഷ്യ​ന്റെ ക്രൂ​ര​ത​ക്ക് ഇ​ര​യാ​കു​ന്ന നാ​ട്ടാ​ന​ക​ൾ എ​ന്നി​വ​യാ​ണ് ഇ​പ്പോ​ള്‍ ഇ​വി​ടെ​യു​ള്ള​ത്.

കേ​ന്ദ്ര​ത്തെ 50 ആ​ന​ക​ളെ പാ​ർ​പ്പി​ക്കാ​വു​ന്ന സൗ​ക​ര്യ​ങ്ങ​ളോ​ടെ അ​ന്ത​ർ​ദേ​ശീ​യ നി​ല​വാ​ര​ത്തി​ലേ​ക്ക് ഉ​യ​ർ​ത്താ​നു​ള്ള നി​ർ​മാ​ണ പ്ര​വൃ​ത്തി​ക​ളാ​ണ് ന​ട​ക്കു​ന്ന​ത്. ര​ണ്ടു വ​ര്‍ഷം മു​മ്പ്​ തു​ട​ങ്ങി​യ നി​ർ​മാ​ണ പ്ര​വ​ര്‍ത്ത​ന​ങ്ങ​ള്‍ മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണ് ഉ​ദ്ഘാ​ട​നം ചെ​യ്ത​ത്.

ആ​ന​ക​ളെ ചി​കി​ത്സി​ക്കു​ന്ന​തി​നു​ള്ള ആ​ശു​പ​ത്രി, ല​ബോ​റ​ട്ട​റി, ഓ​പ​റേ​ഷ​ൻ തി​യ​റ്റ​ർ, ഇ​ണ​ചേ​രാ​നു​ള്ള സൗ​ക​ര്യം, ആ​ന​ക​ൾ​ക്കാ​യി ശ്മ​ശാ​നം എ​ന്നി​വ​യാ​ണ്​ നി​ർ​മി​ക്കു​ന്ന​ത്. ഡോ​ർ​മി​റ്റ​റി, കെ​ട്ടി​ട​ങ്ങ​ള്‍, ക്ലാ​സ് മു​റി​ക​ൾ, കോ​ൺ​ഫ​റ​ൻ​സ് ഹാ​ൾ, ഓ​ഡി​യോ-​വി​ഷ്വ​ൽ സെ​ന്റ​ർ, ലാ​ബ്, ലൈ​ബ്ര​റി തു​ട​ങ്ങി​യ​വ​ക്കു​ള്ള കെ​ട്ടി​ട​ങ്ങ​ളു​ടെ നി​ർ​മാ​ണം അ​വ​സാ​ന ഘ​ട്ട​ത്തി​ലാ​ണ്.

നെ​യ്യാ​ർ-​പേ​പ്പാ​റ വ​ന​വി​ക​സ​ന ഏ​ജ​ൻ​സി​ക്ക് ന​ട​ത്തി​പ്പ് ചു​മ​ത​ല​യു​ള്ള കാ​പ്പു​കാ​ട് ആ​ന പാ​ര്‍ക്കി​ലെ നി​ർ​മാ​ണ പ്ര​വ​ര്‍ത്ത​ന​ങ്ങ​ള്‍ ത​ട​യു​ന്ന​തു​ല്‍പ്പെ​ടെ സ​മ​ര പ​രി​പാ​ടി​ക​ളു​മാ​യി മു​ന്നോ​ട്ടു​പോ​കാ​നൊ​രു​ങ്ങു​ക​യാ​ണ് നാ​ട്ടു​കാ​ര്‍. വ​ന​ത്തി​ല്‍ വ​ന്‍തോ​തി​ല്‍ മ​ണ്ണ് നീ​ക്കം ചെ​യ്തും ആ​ധു​നി​ക യ​ന്ത്ര​സാ​മ​ഗ്രി​ക​ളു​ടെ സ​ഹാ​യ​ത്താ​ലും നി​ർ​മി​ക്കു​ന്ന കെ​ട്ടി​ട​ങ്ങ​ളാ​ണ് പ​രി​സ്ഥി​തി​ക്ക്​ ദോ​ഷ​മെ​ന്ന്​ പ്ര​തി​ഷേ​ധ കൂ​ട്ടാ​യ്മ ആ​രോ​പി​ച്ചു. പ്ര​തി​ഷേ​ധ​ത്തെ തു​ട​ക്ക​ത്തി​ലേ ത​ട​യാ​ന്‍ അ​ധി​കൃ​ത​ര്‍ നീ​ക്ക​മാ​രം​ഭി​ച്ചി​ട്ടു​ണ്ട്.