പു​ന്നാ​വൂ​ര്‍ ല​ക്ഷംവീ​ട് കോ​ള​നി: സാം​സ്‌​കാ​രി​ക നി​ല​യത്തിന്​ താ​ഴു​വീ​ണി​ട്ട് വ​ര്‍ഷ​ങ്ങ​ൾ

കാ​ട്ടാ​ക്ക​ട: മാ​റ​ന​ല്ലൂ​ര്‍ പ​ഞ്ചാ​യ​ത്തി​ലെ പു​ന്നാ​വൂ​ര്‍ ല​ക്ഷം വീ​ട് കോ​ള​നി​യി​ലെ സാം​സ്‌​കാ​രി​ക നി​ല​യ​ത്തി​ന്​ താ​ഴു​വീ​ണി​ട്ട് വ​ര്‍ഷ​ങ്ങ​ളാ​യി. കോ​ള​നി നി​വാ​സി​ക​ളു​ടെ വി​വി​ധ ആ​വ​ശ്യ​ങ്ങ​ള്‍ക്ക് ഉ​പ​യോ​ഗി​ക്കു​ന്ന​തി​നാ​യി 15 വ​ര്‍ഷം​മു​മ്പ്​ പ​ണി​ത സാം​സ്‌​കാ​രി​ക നി​ല​യം അ​റ്റ​കു​റ്റ​പ്പ​ണി​യെ തു​ട​ര്‍ന്ന് ര​ണ്ടു​വ​ര്‍ഷം മു​മ്പാ​ണ് അ​ട​ച്ചി​ട്ട​ത്.

നൂ​റോ​ളം പേ​ര്‍ക്ക് ഇ​രി​ക്കാ​ന്‍ ക​ഴി​യു​ന്ന വി​ശാ​ല​മാ​യ മു​റി​യും ശൗ​ചാ​ല​യ​വു​മൊ​ക്കെ​യു​ള്ള സാം​സ്‌​കാ​രി​ക നി​ല​യ​ത്തി​ൽ കോ​ള​നി നി​വാ​സി​ക​ളു​ടെ വി​വാ​ഹം ഉ​ള്‍പ്പെ​ടെ ച​ട​ങ്ങു​ക​ള്‍ ന​ട​ത്തി​യി​രു​ന്നു.

തു​ച്ഛ​മാ​യ വാ​ട​ക മാ​ത്ര​മാ​ണു​ണ്ടാ​യി​രു​ന്ന​ത്. നി​ല​വി​ൽ​മൈ​താ​ന​ത്ത് വ​ലി​യ​തു​ക മു​ട​ക്കി പ​ന്ത​ല്‍ ഒ​രു​ക്കി​യാ​ണ് കോ​ള​നി നി​വാ​സി​ക​ള്‍ വി​വാ​ഹം​പോ​ലു​ള്ള ച​ട​ങ്ങു​ക​ള്‍ ന​ട​ത്തു​ന്ന​ത്. ചു​റ്റു​മ​തി​ലും ഗേ​റ്റു​മു​ള്‍പ്പ​ടെ സ്ഥാ​പി​ച്ച് നി​ല​യ​ത്തെ സം​ര​ക്ഷി​ച്ചി​ട്ടു​ണ്ടെ​ങ്കി​ലും മ​തി​ല്‍ക്കെ​ട്ടി​ന് പൊ​ക്കം കു​റ​വാ​യ​തി​നാ​ൽ രാ​ത്രി​കാ​ല​ങ്ങ​ളി​ല്‍ മ​ദ്യ​പ-​ചൂ​തു​ക​ളി സം​ഘ​ങ്ങ​ള്‍ സം​ഘ​ടി​ച്ചെ​ത്തു​ന്ന​ത് കോ​ള​നി നി​വാ​സി​ക​ള്‍ക്ക് ബു​ദ്ധി​മു​ട്ടു​ണ്ടാ​ക്കു​ന്നു. ​

ക​ഴി​ഞ്ഞ പ​ഞ്ചാ​യ​ത്ത് ഭ​ര​ണ​സ​മി​തി ന​വീ​ക​ര​ണ​ത്തി​ന്​ ഫ​ണ്ട് അ​നു​വ​ദി​ച്ചെ​ങ്കി​ലും ഒ​ന്നും ന​ട​ന്നി​ല്ല. പു​തി​യ പ​ഞ്ചാ​യ​ത്ത് ഭ​ര​ണ​സ​മി​തി അ​ധി​കാ​ര​ത്തി​ലെ​ത്തി​യ ശേ​ഷം കോ​ള​നി നി​വാ​സി​ക​ള്‍ സാം​സ്‌​കാ​രി​ക നി​ല​യ​ത്തി​ന്റെ ന​വീ​ക​ര​ണം ആ​വ​ശ്യ​പ്പെ​ട്ട് നി​വേ​ദ​നം ന​ല്‍കി​യെ​ങ്കി​ലും യാ​തൊ​രു ന​ട​പ​ടി​ക​ള്‍ക്കും ത​യാ​റാ​കു​ന്നി​ല്ല​ന്നാ​ണ് നാ​ട്ടു​കാ​രു​ടെ പ​രാ​തി.