യുവതിയുടെ ചിത്രം അശ്ലീല സൈറ്റിൽ പ്രചരിപ്പിച്ച കേസില്‍ ലാപ്‌ടോപ്പും മൊബൈല്‍ ഫോണും പൊലീസ് പിടിച്ചെടുത്തു

കാ​ട്ടാ​ക്ക​ട: കൂ​ട്ടു​കാ​രു​ടെ ഗ്രൂ​പ് ഫോ​ട്ടോ​യി​ല്‍നി​ന്ന്​ യു​വ​തി​യു​ടെ ചി​ത്രം, ഫോ​ണ്‍ന​മ്പ​ര്‍ എ​ന്നി​വ ഉ​ള്‍പ്പെ​ടു​ത്തി അ​ശ്ലീ​ല സൈ​റ്റ് വ​ഴി പ്ര​ച​രി​പ്പി​ച്ച കേ​സി​ല്‍ പ്ര​ധാ​ന​പ്ര​തി​യെ​ന്ന് സം​ശ​യി​ക്കു​ന്ന കാ​ട്ടാ​ക്ക​ട ആ​ല​മു​ക്ക് സ്വ​ദേ​ശി​യു​ടെ വീ​ട്ടി​ല്‍ നി​ന്ന് ലാ​പ്‌​ടോ​പ്പും മൊ​ബൈ​ല്‍ ഫോ​ണും മ​റ്റ് ഉ​പ​ക​ര​ണ​ങ്ങ​ളും പൊ​ലീ​സ് പി​ടി​ച്ചെ​ടു​ത്തു.

ബു​ധ​നാ​ഴ്ച വൈ​കു​ട്ടോ​ടെ ഇ​യാ​ളു​ടെ വീ​ട്ടി​ലെ​ത്തി​യ പൊ​ലീ​സും സൈ​ബ​ര്‍ വി​ദ​ഗ്ധ​രും ര​ണ്ട​ര മ​ണി​ക്കൂ​ര്‍ നീ​ണ്ട തെ​ളി​വെ​ടു​പ്പി​നു​ശേ​ഷം ക​മ്പ്യൂ​ട്ട​ർ ഹാ​ർ​ഡ് ഡി​സ്ക് ഉ​ള്‍പ്പെ​ടെ ഉ​പ​ക​ര​ണ​ങ്ങ​ള്‍ പി​ടി​ച്ചെ​ടു​ത്ത് ഫോ​റ​ന്‍സി​ക് പ​രി​ശോ​ധ​ന​ക്കാ​യി കൊ​ണ്ടു​പോ​യി. സം​ഭ​വ​ത്തി​ല്‍ എ​ട്ടു​പേ​ര്‍ക്കെ​തി​രെ റൂ​റ​ൽ എ​സ്.​പി യു​ടെ നി​ർ​ദേ​ശ​ത്തെ തു​ട​ര്‍ന്ന് കാ​ട്ടാ​ക്ക​ട പൊ​ലീ​സ് കേ​സെ​ടു​ത്തു.

ഇ​വ​രി​ൽ​പെ​ട്ട​വ​രാ​ണ് ഫോ​ട്ടോ അ​ശ്ലീ​ല സൈ​റ്റി​ല്‍ പ്ര​ച​രി​പ്പി​ച്ച​തെ​ന്ന് പ​രാ​തി​ക്കാ​രി​യാ​യ യു​വ​തി പൊ​ലീ​സി​ന്​ ന​ല്‍കി​യ പ​രാ​തി​യി​ല്‍ പ​റ​യു​ന്നു. ഇ​തി​നി​ടെ കു​റ്റാ​രോ​പി​ത​രാ​യ എ​ട്ടു​പേ​രു​ടെ​യും മൊ​ബൈ​ൽ ഫോ​ൺ പൊ​ലീ​സ് പി​ടി​ച്ചെ​ടു​ത്തു.

സൈ​ബ​ര്‍ പൊ​ലീ​സി​ന്റെ വി​ശ​ദ​മാ​യ പ​രി​ശോ​ധ​ന​ക്ക് ശേ​ഷം മാ​ത്ര​മേ പ്ര​തി ഇ​വ​രി​ൽ ആ​രെ​ന്നു​ള്ള​തും സം​ഭ​വ​ത്തെ​പ്പ​റ്റി കൂ​ടു​ത​ൽ വി​ശ​ദാം​ശ​ങ്ങ​ള്‍ ന​ല്‍കാ​നാ​വൂ എ​ന്നു​മാ​ണ് കാ​ട്ടാ​ക്ക​ട പൊ​ലീ​സ് പ​റ​യു​ന്ന​ത്. ഇ​തി​നി​ടെ കാ​ട്ടാ​ക്ക​ട ഡി​വൈ.​എ​സ്.​പി​യും ബു​ധ​നാ​ഴ്ച യു​വ​തി​യു​ടെ വീ​ട്ടി​ലെ​ത്തി വി​വ​ര​ങ്ങ​ള്‍ശേ​ഖ​രി​ച്ചു.

യു​വ​തി​യു​ടെ പ​രാ​തി​യി​ല്‍ ആ​ദ്യം കേ​സെ​ടു​ക്കാ​ന്‍ ത​യാ​റാ​കാ​തി​രു​ന്ന പൊ​ലീ​സ് പി​ന്നീ​ട് പ​രാ​തി ഒ​ത്തു​തീ​ര്‍ക്കാ​ന്‍ നി​ര്‍ബ​ന്ധി​ച്ച​തി​നെ തു​ട​ര്‍ന്ന് ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രെ സ​മീ​പി​ച്ച് പ​രാ​തി ന​ല്‍കി​യ​തോ​ടെ​യാ​ണ് സം​ഭ​വം വി​വാ​ദ​മാ​യ​ത്. കേ​സ് ഒ​ത്തു​തീ​ര്‍ക്കാ​ന്‍ ത​ന്നെ നി​ര്‍ബ​ന്ധി​ച്ചെ​ന്നു​കാ​ട്ടി കാ​ട്ടാ​ക്ക​ട എ​സ്.​എ​ച്ച്.​ഒ​ക്കെ​തി​രെ യു​വ​തി മു​ഖ്യ​മ​ന്ത്രി​ക്കും ഡി.​ജി.​പി​ക്കും പ​രാ​തി ന​ല്‍കി​യി​ട്ടു​ണ്ട്. ഇ​തി​ന്റെ അ​ന്വേ​ഷ​ണം പു​രോ​ഗ​മി​ക്കു​ന്നു.

ജ​നു​വ​രി 25നാ​ണ് കേ​സി​നാ​സ്പ​ദ​മാ​യ സം​ഭ​വം. ചി​ത്രം അ​ശ്ലീ​ല സൈ​റ്റി​ല്‍ വ​ന്ന​തി​നെ തു​ട​ര്‍ന്ന് യു​വ​തി​യു​ടെ ഫോ​ണി​ലേ​ക്ക് പ​ല ന​മ്പ​റു​ക​ളി​ല്‍ നി​ന്നും സ​ന്ദേ​ശ​ങ്ങ​ള്‍ വ​ന്നു. തു​ട​ര്‍ന്ന് യു​വ​തി വി​ദേ​ശ​ത്തു​ള്ള ഭ​ര്‍ത്താ​വി​നെ വി​വ​രം അ​റി​യി​ക്കു​ക​യും തു​ട​ര്‍ന്നു​ന​ട​ത്തി​യ അ​ന്വേ​ഷ​ണ​ത്തി​ല്‍ ഫോ​ട്ടോ ദു​രു​പ​യോ​ഗം ചെ​യ്ത​താ​യി ക​ണ്ടെ​ത്തു​ക​യു​മാ​യി​രു​ന്നു.

ജ​നു​വ​രി 31ന് ​സൈ​ബ​ര്‍ പൊ​ലീ​സി​ലും ഫെ​ബ്രു​വ​രി ഒ​ന്നി​ന് കാ​ട്ടാ​ക്ക​ട പൊ​ലീ​സി​ലും യു​വ​തി പ​രാ​തി ന​ല്‍കി. സം​ശ​യ​മു​ള്ള ആ​ളി​ന്റെ പേ​രും ഫോ​ണ്‍ ന​മ്പ​റു​മ​ട​ക്ക​മാ​ണ് പ​രാ​തി ന​ല്‍കി​യ​ത്. അ​ഞ്ച് ദി​വ​സ​മാ​യി​ട്ടും ന​ട​പ​ടി സ്വീ​ക​രി​ക്കാ​തി​രു​ന്ന കാ​ട്ടാ​ക്ക​ട എ​സ്.​എ​ച്ച്.​ഒ ആ​റി​ന്​ പ്ര​തി​യെ​യും പ​രാ​തി​ക്കാ​രി​യെ​യും വി​ളി​ച്ചു​വ​രു​ത്തി​യ​ശേ​ഷം പ​രാ​തി ഒ​ത്തു​തീ​ര്‍ക്കാ​ന്‍ നി​ര്‍ബ​ന്ധി​ക്കു​ക​യാ​യി​രു​ന്നു. അ​തി​ന് ത​യാ​റ​ല്ലെ​ന്ന​റി​യി​ച്ച യു​വ​തി അ​ന്നു​ത​ന്നെ തി​രു​വ​ന​ന്ത​പു​രം റൂ​റ​ല്‍ എ​സ്.​പി​ക്ക് പ​രാ​തി ന​ല്‍കു​ക​യാ​യി​രു​ന്നു.