വിയർപ്പണിഞ്ഞ വഴിത്താരകൾ പിന്നിട്ട് പന്ത ശ്രീകുമാർ

കാ​ട്ടാ​ക്ക​ട: ക​ള്ളി​ക്കാ​ട്ഗ്രാ​മ​പ​ഞ്ചാ​യ​ത്തി​ലെ നെ​യ്യാ​ര്‍ഡാം പൊ​ലീ​സ് സ്റ്റേ​ഷ​നു മു​ന്നി​ല്‍ ത​ട്ടു​ക​ട ന​ട​ത്തി​യി​രു​ന്ന പ​ന്ത ശ്രീ​കു​മാ​റാ​ണ് ക​ള്ളി​ക്കാ​ട് ഗ്രാ​മ​പ​ഞ്ചാ​യ​ത്തി​ന്‍റെ പ്ര​സി​ഡ​ന്‍റ്. വി​യ​ർ​പ്പ​ണി​ഞ്ഞ വ​ഴി​ത്താ​ര​ക​ൾ പി​ന്നി​ട്ട് നെ​യ്യാ​ര്‍ഡാം വി​നോ​ദ സ​ഞ്ചാ​ര​കേ​ന്ദ്ര​മു​ള്‍പ്പെ​ടു​ന്ന ക​ള്ളി​ക്കാ​ട് ഗ്രാ​മ പ​ഞ്ചാ​യ​ത്തി​ന്‍റെ അ​ധ്യ​ക്ഷ സ്ഥാ​ന​ത്തെ​ത്തി സം​സ്ഥാ​ന​ത്തെ മി​ക​ച്ച ഗ്രാ​മ​പ​ഞ്ചാ​യ​ത്തി​ന്‍റെ മ​ഹാ​ത്മ പു​ര​സ്കാ​രം നി​റ​വി​ലെ​ത്തി നി​ൽ​ക്കുമ്പോ​ഴും പ​ന്ത ശ്രീ​കു​മാ​റി​ന് അ​ഭി​മാ​നി​ക്കാ​ന്‍ ജീ​വി​താ​നു​ഭ​വ​ങ്ങ​ളു​ടെ കൈ​ത്ത​ഴ​മ്പു​ക​ളേ​റെ​യാ​ണ്. ത​ട്ടു​ക​ട​യി​ല്‍ നി​ന്ന്​ ക​ടു​പ്പ​മേ​റി​യ ചൂ​ടു​ചാ​യ ന​ല്‍കു​ന്ന​തി​നൊ​പ്പം സാ​ധാ​ര​ണ​ക്കാ​രു​ടെ മ​ന​സ്സ​റി​ഞ്ഞ് അ​വ​ര്‍ക്കൊ​പ്പം നി​ന്ന് പോ​രാ​ടി നേ​ടി​യ വി​ജ​യ​മാ​ണ് ശ്രീ​കു​മാ​റി​ന്‍റെ​ത്.

ജി​ല്ല​യി​ലെ പ്ര​ധാ​ന വി​നോ​ദ സ​ഞ്ചാ​ര​കേ​ന്ദ്ര​മാ​യ ക​ള്ളി​ക്കാ​ട് ഗ്രാ​മ​പ​ഞ്ചാ​യ​ത്തി​ലെ ഇ​ട​തു​-വ​ല​തു​ മു​ന്ന​ണി​ക​ളെ അ​ട്ടി​മ​റി​ച്ച് എ​ന്‍.​ഡി.​എ​യി​ലൂ​ടെ പ​ഞ്ചാ​യ​ത്ത് പി​ടി​ച്ചെ​ടു​ത്ത് ശ്രീ​കു​മാ​ര്‍ അ​ധ്യ​ക്ഷ പ​ദ​വി​യി​ലെ​ത്തി​യ​തിന്​ പിന്നിൽ ക​ഠി​നാ​ധ്വാ​ന​മു​ണ്ട്. എ​ട്ടു വ​ര്‍ഷം മു​മ്പ്​ നെ​യ്യാ​ര്‍ഡാം പൊ​ലീ​സ് സ്റ്റേ​ഷ​നു മു​ന്നി​ല്‍ റോ​ഡ് വ​ക്കി​ലെ ഒ​രു ബ​ങ്ക് ക​ട​യി​ല്‍ ത​ട്ടു​ക​ട തു​ട​ങ്ങി ജീ​വി​തം ക​രു​പ്പി​ടി​പ്പി​ക്കാ​നു​ള്ള ശ്ര​മ​ത്തി​നി​ടെ, അ​വി​ടെ എ​ത്തു​ന്ന​വ​രു​ടെ ആ​വ​ലാ​തി​ക​ളും വി​ഷ​മ​ത​ക​ളും മ​ന​സ്സി​ലാ​ക്കി അ​വ​ര്‍ക്കൊ​പ്പം നി​ന്ന​താ​ണ് ക​രി​പു​ര​ണ്ട ത​ട്ടു​ക​ട​യി​ല്‍ നി​ന്ന്​ ഈ ​തി​ള​ങ്ങു​ന്ന വി​ജ​യ​ത്തി​നാ​ധാ​ര​മാ​യ​ത്. പു​ല​ര്‍ച്ച നാ​ലു മ​ണി​യോ​ടെ ശ്രീ​കു​മാ​ര്‍ ക​ട തു​റ​ക്കും. കാ​ര്‍ഷി​കവി​ള​ക​ള്‍ വി​ല്‍ക്കാ​ന്‍പോ​കു​ന്ന​വ​രും ക​ര്‍ഷ​ക​രും വി​വി​ധ​യി​ട​ങ്ങ​ളി​ല്‍ ജോ​ലി തേ​ടി​പ്പോ​കു​ന്ന​വ​രും പു​ല​ര്‍ച്ച നെ​യ്യാ​ര്‍ഡാ​മി​ലെ​ത്തും.

നെ​യ്യാ​ര്‍ഡാ​മി​ല്‍ നി​ന്ന്​ തി​രി​ക്കു​ന്ന ആ​ദ്യ ബ​സി​ല്‍ യാ​ത്ര​ക്കാ​യാ​ണ് ഇ​വ​രെ​ത്തു​ന്ന​തെ​ങ്കി​ലും യാ​ത്ര പു​റ​പ്പെ​ടും മു​മ്പ്​ ശ്രീ​കു​മാ​റി​ന്‍റെ കൈ​യി​ല്‍ നി​ന്ന്​ ഒ​രു ക​പ്പ് ചൂ​ടു ചാ​യ കു​ടി​ച്ച​ശേ​ഷ​മാ​ണ് ബ​സി​ലേ​ക്ക്​ ക​യ​റു​ന്ന​ത്. ചാ​യ ന​ല്‍കു​ന്ന​തി​നൊ​പ്പം ഇ​വി​ടെ എ​ത്തു​ന്ന​വ​രോ​ട് കു​ശ​ലം പ​റ​യാ​നും ആ​വ​ലാ​തി​ക​ള്‍കേ​ള്‍ക്കാ​നും അ​തി​ന്​ പ​രി​ഹാ​ര​ത്തി​നു​മാ​യി മു​ന്നി​ട്ടി റ​ങ്ങി​യ​താ​ണ് ഇ​ന്ന് പ​ഞ്ചാ​യ​ത്തി​ന്‍റെ പ്ര​ഥ​മ പൗ​ര​നാ​ക്കി​യ​ത്. പ്ര​ത്യാ​ശ പോ​ലെ ക​ഠി​നാ​ധ്വാ​ന​ങ്ങ​ൾ​ക്ക് ഫ​ല​മു​ണ്ടാ​കു​മെ​ന്ന പ്ര​തീ​ക്ഷ​യാ​ണ് ആ​ത്മ വി​ശ്വാ​സ​ത്തി​നു​പി​ന്നി​ലും ശ്രീ​കു​മാ​റി​ന്​ നേ​ടി​ക്കൊ​ടു​ത്ത​ത്.

പി​താ​വ് മ​രി​ച്ച​ശേ​ഷ​മാ​ണ് ശ്രീ​കു​മാ​ര്‍ ത​ട്ടു​ക​ട തു​ട​ങ്ങി​യ​ത്. ത​ട്ടു​ക​ട​യി​ലെ വ​രു​മാ​ന​ത്തി​നി​ട​യി​ലും നാ​ട്ടു​കാ​രു​ടെ ക​ഷ്ട​ത​ക​ള്‍ക്ക് മു​ന്നി​ല്‍ ക​ണ്ണ​ട​യ്ക്കാ​തി​രു​ന്ന ശ്രീ​കു​മാ​ര്‍ ക​ള്ളി​ക്കാ​ട് ഗ്രാ​മ​പ​ഞ്ചാ​യ​ത്തി​ലെ കാ​ലാ​ട്ടു​കാ​വ് വാ​ര്‍ഡി​ല്‍ ബി.​ജെ.​പി സ്ഥാ​നാ​ര്‍ഥി​യാ​യി മ​ത്സ​രി​ച്ച് 111വോ​ട്ടി​ന്‍റെ ഭൂ​രി​പ​ക്ഷ​ത്തി​ലാ​ണ് വി​ജ​യി​ച്ച​ത്. ത​ട്ടു​ക​ട ന​ട​ത്തു​ന്ന​തി​നി​ടെ, ന​ട​ത്തി​യ കാ​രു​ണ്യ പ്ര​വ​ര്‍ത്ത​ന​ങ്ങ​ളും സാ​ന്നി​ധ്യ​വു​മാ​ണ് പൊ​തു​സ​മ്മ​ത​നാ​ക്കി​യ​ത്. കോ​വി​ഡ് ബാ​ധി​ച്ച് മ​രി​ച്ച​വ​രു​ടെ മൃ​ത​ദേ​ഹം സം​സ്ക​രി​ക്കാ​ന്‍ പ​ല​രും പി​േ​ന്നാ​ട്ട​ടി​ച്ച​പ്പോ​ള്‍ പി.​പി.​ഇ കി​റ്റ​ണി​ഞ്ഞ് മൃ​ത​ദേ​ഹം സം​സ്ക​രി​ക്കാ​ന്‍ ആ​രോ​ഗ്യ​പ്ര​വ​ര്‍ത്ത​ക​ര്‍ക്കൊ​പ്പം നി​ന്ന​ത് ഗ്രാ​മ​വാ​സി​ക​ളു​ടെ ആ​ശ​ങ്ക​യ​ക​റ്റാ​ന്‍ സാ​ധി​ച്ച​താ​യി നാ​ട്ടു​കാ​ര്‍ പ​റ​യു​ന്നു.